फोटो सौजन्य- pinterest
केळ हे एक चविष्ट आणि पौष्टिकतेने समृद्ध असे फायदेशीर फळ आहे. सहसा लोक केळीची साल खाल्ल्यानंतर फेकून देतात, तर ही साल अनेक गुणधर्मांनी परिपूर्ण आहे आणि त्वचेच्या काळजीसाठी विशेषतः उपयुक्त आहे. जर तुम्हालाही तुमची त्वचा नैसर्गिकरित्या तजेलदार बनवायची असेल तर केळीच्या सालीचा वापर नक्की करा. त्वचेसाठी केळीची साल कशी वापरायची आणि त्याचे फायदे जाणून घ्या
केळीच्या सालीमध्ये अँटीऑक्सिडंट्स, झिंक आणि ल्युटीन आढळतात, जे त्वचेचे संक्रमण कमी करतात. याचा नियमित वापर मुरुम आणि पुरळ कमी करण्यास मदत करतो. यासाठी, सालाचा आतील भाग प्रभावित भागावर 5 -10 मिनिटे घासून घ्या आणि नंतर चेहरा धुवा.
केळीची साल नैसर्गिक मॉइश्चरायझर म्हणून काम करते. हे कोरड्या त्वचेला ओलावा देते आणि त्वचा मऊ आणि गुळगुळीत करते. विशेषतः हिवाळ्यात, जेव्हा त्वचा कोरडी होते, तेव्हा त्याचा वापर करणे खूप फायदेशीर ठरते.
केळीमध्ये असलेले अँटीऑक्सिडंट्स आणि जीवनसत्त्वे त्वचेला मुक्त रॅडिकल्सपासून वाचवतात ज्यामुळे अकाली सुरकुत्या आणि बारिक रेषा येतात. केळीची साल चेहऱ्यावर घासल्याने त्वचेची वृद्धत्वाची प्रक्रिया मंदावते आणि त्वचा तरुण राहते.
तुमच्या डोळ्यांखाली काळे वर्तूळ आणि बारीक रेषा असतील तर केळीची साल हा एक प्रभावी असा उपाय आहे. केळीच्या सालाचा मऊ भाग डोळ्यांखाली काही मिनिटे ठेवा आणि नंतर थंड पाण्याने धुवा. आठवड्यातून दोन ते तीन वेळा असे केल्याने फरक दिसून येईल.
केळीच्या सालीचा वापर त्वचेचा रंग उजळवण्यासाठी आणि डाग हलके करण्यासाठी देखील केला जाऊ शकतो. यामुळे त्वचा नैसर्गिकरित्या चमकते. चेहऱ्यावर साल हलके चोळा आणि काही वेळाने धुवा.
केळीची साल काढून घ्या आणि केळ चेहऱ्यावर घासा. ते घासून झाल्यानंतर 10 ते 15 मिनिटे तसेच ठेवा. केळ्यामधील पोषक तत्वे त्वचेमध्ये शोषून घेतात. त्यानंतर कोमट पाण्याने चेहरा स्वच्छ धुवू घ्या. आठवड्यातून दोन ते तीन वेळा हे करा नक्कीच तुम्हाला फरक जाणवेल.
केळीची साल नेहमी ताजी आणि स्वच्छ असावी. वापरण्यापूर्वी, एकदा पॅच टेस्ट करा जेणेकरून ॲलर्जीची शक्यता राहणार नाही.
(टीप लाइफस्टाइलमध्ये दिलेल्या टिप्स आणि हेल्थ इत्यादी संबंधित लेख/ बातम्या केवळ वाचकांच्या माहितीसाठी आहेत. आमचे उद्दिष्ट फक्त वाचकांना माहिती देणे आहे. Navrashtra या तथ्यांची पुष्टी करु शकत नाही)
