फोटो सौजन्य - Social Media
आपल्या स्वयंपाकघरातल्या मसाल्यांच्या डब्यात ठेवलेली एक गोष्ट तुमचे दोन मोठे आरोग्याचे प्रश्न सोडवू शकते! होय, आपण बोलतोय दालचिनीबद्दल. खिरीचा किंवा बिर्याणीचा स्वाद वाढवणारी ही मसालेदार काडी तुमच्या शरीरातही अनेक चमत्कार घडवते.
दररोज सकाळी कोमट पाण्यात फक्त चिमूटभर दालचिनी टाकून प्यायल्यास वजन कमी होण्यास आणि वाढत्या साखरेवर नियंत्रण ठेवण्यास मदत होते. चला तर जाणून घेऊ या दालचिनीचे काही विलक्षण फायदे, जे तुमच्या आरोग्याचा कायापालट करू शकतात.
वजन कमी करण्यात मदतगार
दालचिनी शरीरातील मेटाबॉलिझम वाढवते, ज्यामुळे चरबी लवकर वितळते. ती भूक नियंत्रित ठेवते आणि शरीरात साठलेली चरबी हळूहळू कमी करण्यास मदत करते. नियमित सेवन केल्यास वजन कमी होण्याची प्रक्रिया नैसर्गिकरीत्या गतीमान होते.
डायबेटीससाठी उपयुक्त
दालचिनीमधील घटक इन्सुलिनची कार्यक्षमता वाढवतात, ज्यामुळे रक्तातील साखरेचं प्रमाण नियंत्रित राहतं. त्यामुळे टाईप 2 डायबेटीस असलेल्या रुग्णांसाठी हे पाणी रामबाण ठरतं. त्यात असलेले अँटीऑक्सिडंट्स शरीरातील सूज कमी करतात आणि पेशींचं संरक्षण करतात.
इतर आरोग्यदायी फायदे
दालचिनीचं पाणी पचन सुधारतं, अॅसिडिटी आणि गॅसची समस्या कमी करते. त्यात असलेले घटक हृदयाचं रक्षण करतात आणि कोलेस्टेरॉलची पातळी संतुलित ठेवतात. तसेच हे पाणी शरीराची इम्युनिटी वाढवतं, ज्यामुळे सर्दी-खोकल्यासारख्या आजारांपासून बचाव होतो.
दालचिनीचं पाणी कसं बनवायचं?
एका ग्लास कोमट पाण्यात अर्धा चमचा दालचिनी पावडर मिसळा किंवा रात्री एका इंच दालचिनीची काडी पाण्यात भिजवून ठेवा. सकाळी ते पाणी थोडं गरम करून प्या. हवं असल्यास त्यात थोडा लिंबाचा रस किंवा अर्धा चमचा मध (जर डायबेटीस नसेल तर) घालू शकता. हे पेय सकाळी रिकाम्या पोटी घेतल्यास अधिक परिणामकारक ठरतं.
टीप: दालचिनीचा वापर मर्यादित प्रमाणातच करा. अति सेवन केल्यास यकृतावर ताण येऊ शकतो. दररोज थोड्या प्रमाणात घेतल्यास मात्र ती शरीरासाठी अतिशय फायदेशीर आहे.
