हृदयाच्या नसा मजबूत करण्यासाठी दैनंदिन आहारात करा ‘या’ पदार्थांचे सेवन, हृदयविकाराचा धोका होईल कमी

शरीरात कोलेस्ट्रॉलची पातळी वाढल्यानंतर हृदयाच्या आरोग्याला हानी पोहचण्याची शक्यता असते. त्यामुळे आज आम्ही तुम्हाला हृदयाच्या निरोगी आरोग्यासाठी आहारात कोणते पदार्थ खावेत, याबद्दल सांगणार आहोत.

हृदयाच्या निरोगी आरोग्यासाठी आहारात कोणत्या पदार्थांचे सेवन करावे

Follow Us:

Follow Us:

निरोगी आरोग्य जगण्यासाठी हृदय निरोगी असणे फार गरजेचे आहे. त्यामुळे हृदयाच्या आरोग्याची काळजी घेणे आवश्यक आहे. हृदयाचे कार्य चांगले ठेवण्यासाठी आहाराकडे लक्ष देणे आवश्यक आहे. मात्र हल्लीच्या चुकीच्या जीवनशैलीचा परिणाम आरोग्यावर लगेच दिसून येतो. आहारात होणारे बदल, अपुरी झोप, तेलकट तिखट पदार्थांचे सेवन, मानसिक तणाव इत्यादी गोष्टींचा परिणाम आरोग्यावर लगेच दिसून येतो. यामुळे अनेकदा हृदयविकाराचा झटका येण्याची शक्यता असते. हल्ली चुकीच्या जीवनशैलीमुळे हृद्यासंबंधित आजारांमध्ये वाढ झाली आहे. त्यामुळे हृदयाच्या निरोगी आरोग्यासाठी फायबर युक्त पदार्थांचे सेवन करावे. आहारात फायबर युक्त पदार्थांचे सेवन केल्यास आरोग्याला अनेक फायदे होतील.(फोटो सौजन्य – iStock)

जास्त पाण्याचे सेवन करणे आरोग्यासाठी ठरेल घातक? जाणून घ्या शरीरासाठी नियमित किती पाणी पिणे आवश्यक

तेलकट आणि तिखट पदार्थांचे सेवन केल्यामुळे शरीरात कोलेस्ट्रॉलची पातळी वाढण्याची शक्यता असते. शरीरात वाढलेले खराब कोलेस्ट्रॉल हृदयाच्या रक्तवाहिन्या ब्लॉक करून टाकतात. याशिवाय कोलेस्टरॉलमुळे वाढलेला पिवळा चिकट थर हृदयाचे कार्य पूर्णपणे बिघडवून टाकतो. ज्यामुळे हृदयविकार किंवा स्ट्रोक येण्याची शक्यता असते. म्हणूनच आज आम्ही तुम्हाला हृदयाच्या निरोगी आरोग्यासाठी आहारात कोणत्या पदार्थांचे सेवन करावे, याबद्दल सविस्तर माहिती सांगणार आहोत. चला तर जाणून घेऊया.

ब्रोकोली आणि गाजर:

हृदयाच्या निरोगी आरोग्यासाठी आहारात ब्रोकोली आणि गाजरचे सेवन करावे. ब्रोकोलीमध्ये पोटॅशियम, फायबर इत्यादी घटक आढळून येतात. त्यामुळे तुम्ही ब्रोकोलीपासून सूप, भाजी किंवा इतर पदार्थ बनवू शकता. याशिवाय गाजर थंडीच्या दिवसांमध्ये मोठ्या प्रमाणावर उपलब्ध असतात. गाजर खाल्यामुळे शरीराचा रक्तदाब नियंत्रणात राहतो. त्यामुळे नियमित गाजरचे सेवन करावे.

बदाम:

पोषक तत्वांनी समृद्ध असलेले बदाम दैनंदिन आहारात नियमित भिजवलेले बदाम खावेत. भिजवलेले बदाम खाल्यामुळे शरीराला कॅल्शियम मिळते. यासाठी पाण्यात २ किंवा ३ बदाम भिजत घालून सकाळी उठल्यानंतर बदामाचे सेवन करावे. यामध्ये जीवनसत्त्वे आणि खनिज आढळून येतात, जी हृदयाच्या आरोग्यासाठी अतिशय महत्वाची आहेत. शरीरात वाढलेला कोलेस्ट्रॉल नियंत्रणात ठेवण्यासाठी बदाम खावेत.

कच्चा लसूण:

रोजच्या जेवणात लसूणचा वापर केला जातो. लसूणचा वापर फोडणी देण्यासाठी केला जातो. यामुळे पदार्थाची चव आणि सुगंध वाढण्यास मदत होते. लसूणमध्ये अँटीऑक्सिडेंट, अँटीफंगल, विटामिन सी, बी, कॅल्शियम, सेलेनियम, मँगनीज इत्यादी घटक आढळून येतात. ज्यामुळे शरीरात कोलेस्ट्रॉलची पातळी वाढत नाही. याशिवाय हृदयाच्या रक्तवाहिन्या ब्लॉक होत नाहीत.

सांध्यांमधील लवचिकपणा वाढवण्यासाठी नियमित करा ‘या’ काळ्या दाण्यांचे सेवन, कोलेस्ट्रॉलची पातळी राहील नियंत्रणात

लिंबूवर्गीय फळे:

लिंबूवर्गीय फळांचे सेवन केल्यामुळे हृदयाचे आरोग्य निरोगी राहते. बाजारात हंगामी फळे मोठ्या प्रमाणावर उपलब्ध झाली आहेत. त्यामुळे दैनंदिन आहारात तुम्ही लिंबूवर्गीय फळांचे नियमित सेवन करू शकता. या फळांमध्ये भरपूर जीवनसत्वे, खनिजे आणि इतर घटक आढळून येतात. हृदयाच्या रक्तवाहिन्या निरोगी ठेवण्यासाठी आहारात लिंबू वर्गीय फळांचे सेवन करावे.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Consume these foods in your daily diet to strengthen the nerves of the heart health care tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com