काकडीच नाही तर त्याच्या बियाही आहेत गुणांचे भांडार; जाणून घ्या फायदे

काकडी आपल्यासाठी आरोग्यासाठी खूप फायदेशीर आहे. पाण्याने युक्त काकडी खाल्ल्याने पचनक्रिया सुधारते आणि शरीर हायड्रेट राहते. हे सहसा कोशिंबीर किंवा रायत्याच्या स्वरूपात खाल्ले जाते, परंतु बरेच लोक ते खाताना बिया फेकून देतात. पण या बियांचेही खूप फायदे आहेत.

फोटो सौजन्य: iStock

Follow Us:

Follow Us:

अलीकडे रोगराईच्या काळात निरोगी जीवनासाठी पौष्टीक आहार खूप गरजेचा आहे. तसेच दिवसभर हायड्रेट राहणेही अत्यंत महत्वाचे आहे. त्यामुळे काकडी आपल्या आरोग्यासाठी खूप फायदेशीर आहे. मुबलक प्रमाणात पाण्यामुळे शरीरातील पाण्याची कमतरता तर दूर होतेच शिवाय अनेक फायदेही मिळतात. उन्हाळ्यात काकडी सेवन केल्याने शरीर हायड्रेट राहते आणि आरोग्याशी संबंधित अनेक समस्या दूर होतात. लोक सहसा काकडीचे सॅलेड किंवा रायत्याच्या रूपात आपल्या आहारात याचा समावेश करतात, परंतु तुम्हाला माहित आहे का की केवळ काकडीच नाही तर त्याच्या बिया देखील आरोग्यासाठी खूप फायदेशीर आहेत. आज या लेखात आम्ही तुम्हाला काकडीच्या बियांचे काही आश्चर्यकारक फायदे सांगणार आहोत.

आहारात काकडीच्या बियांचा समावेश केल्यास पचनक्रिया सुधारते आणि त्वचा ही चांगली राहण्यास मदत मिळते. चला जाणून घेऊया रोज काकडीच्या बिया खाण्याचे काही आश्चर्यकारक फायदे-

वजन कमी करण्यास उपयुक्त
तुम्हाला जर वजन कमी करायचे असेल तर यासाठी काकडीच्या बिया उपयुक्त ठरतील. काकडीच्या बियांमध्ये फायबर जास्त प्रमाणात आढळते, तसेच यात कॅलरीचे कमी प्रमा असते. त्यामुळे यांचे सेवन तुम्हाला वजन कमी करण्यासाठी फायदेशीर ठरेल.

हृदयासाठी फायदेशीर
काकडीच्या बिया तुमच्या हृदयासाठीही खूप फायदेशीर असतात. यामध्ये असलेले मॅग्नेशियम आणि पोटॅशियम हृदयाच्या आरोग्यासाठी फायदेशीर आहे. ही खनिजे रक्तदाब नियंत्रित ठेवण्यास आणि हृदय निरोगी ठेवण्यास मदत करतात.

प्रतिकारशक्ती वाढवणे
तुम्हाला जर सतत चक्कर येत असेल, थकवा जाणवत असेल तर तुमच्यात प्रतिकारशक्ती कमी आहे. त्यामुळे काकडीच्या बियांमध्ये असलेले झिंक तुमची प्रतिकारशक्ती वाढवण्यास मदत करेल. झिंक रोगप्रतिकारक पेशींच्या विकासासाठी आणि कार्यासाठी आवश्यक आहे. हे शरीराला संक्रमणांशी अधिक प्रभावीपणे लढण्यास मदत करते.

पचनाच्या आरोग्यासाठी वरदान

जर तुम्ही पचनाच्या समस्येने त्रस्त असाल तर काकडीच्या बिया वरदानापेक्षा कमी नाहीत. यामध्ये असलेले फायबर पचनक्रिया सुधारण्यास मदत करते. काकडीच्या बिया नियमितपणे खाल्ल्याने आतड्यांच्या हालचालींवर नियंत्रण ठेवण्यास, बद्धकोष्ठता टाळण्यासाठी मदत होते.

हाडे मजबूत करणे

तुम्ही जर सांधे दुखी, हाडाच्या कमकूवतपणामुळे त्रस्त असाल तर काकडीच्या बिया प्रभावी ठरतील. काकडीच्या बियांमध्ये कॅल्शियम आणि फॉस्फरस सारखी आवश्यक खनिजे असतात, जी हाडांच्या आरोग्यासाठी महत्त्वाची असतात. ही खनिजे हाडांची घनता टिकवून ठेवण्यासाठी आणि ऑस्टिओपोरोसिसपासून संरक्षण करण्यास मदत करतात.

त्वचा चमकदार बनवा

काकडीच्या बियां व्हिटॅमिन ई आणि अत्यावश्यक फॅटी ऍसिडने समृद्ध, त्वचेसाठी देखील खूप फायदेशीर आहेत. हे दोन्ही घटक त्वचेचे आरोग्य सुधारण्यासाठी ओळखले जातात. व्हिटॅमिन ई त्वचेला मुक्त रॅडिकल्समुळे होणाऱ्या नुकसानीपासून वाचवते, तर फॅटी ॲसिड त्वचेची आर्द्रता आणि लवचिकता राखते.

Web Title: Did you know the health benefits of cucumber seed for health and skin care nrss

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com