फोटो सौजन्य - Social Media
दिवसा झोपण्याची सवय असणं आपल्या आरोग्यासाठी हानिकारक ठरू शकते. विशेषत: कामाच्या थकवा किंवा विश्रांतीसाठी घेतली जाणारी छोटी झोप, ज्याला पॉवर नॅप म्हटलं जातं, आरोग्यासाठी फायद्याची असली तरी दिवसा ढवळ्या दीर्घकाळ झोपणे मात्र आरोग्यावर विपरीत परिणाम करते. अनेकदा आपल्याला सुट्टीच्या दिवशी आराम करण्याची इच्छा होते आणि दिवसाचा बराचसा भाग झोपण्यात घालवतो. परंतु, या सवयीचा परिणाम आपल्या मानसिक आरोग्यावर होऊ शकतो.
हे देखील वाचा : तुळशी विवाहासाठी घरासमोर काढा ‘ही’ सुंदर रांगोळी
दिवसा सतत झोप घेतल्याने डिमेंशिया, हा एक न्यूरोलॉजिकल डिसऑर्डर, होण्याची शक्यता वाढते. डिमेंशियामध्ये स्मृती व व्यवहारात बदल होऊ लागतात आणि व्यक्तीच्या मेंदूची कार्यक्षमता हळूहळू कमी होते. जास्त आराम, कमी शारीरिक हलचाल, आणि नीटसं झोपेचं चक्र न पाळल्यामुळे या समस्या निर्माण होऊ शकतात. पिट्सबर्ग स्लीप क्वालिटी इंडेक्सच्या अभ्यासात, झोपेच्या गुणवत्तेचे विविध घटक तपासले गेले, ज्यात झोपेची वेळ, झोपेचे चक्र बिघडवणे, दिवसा उत्साह टिकवणे यांचा समावेश होता. अभ्यासात असं लक्षात आलं की दिवसा जास्त वेळ झोप घेणाऱ्या लोकांमध्ये मोटर कॉग्निटिव्ह रिस्क (MCR) वाढण्याची शक्यता अधिक असते.
अनेक वेळा दिवसा झोप येणे म्हणजे आपल्या शरीरात हालचाल कमी होत आहे, याचे निदर्शक असू शकते. संशोधनानुसार, जे लोक अधिक वेळा दिवसा झोप घेतात, त्यांच्यामध्ये शारीरिक क्रियाशीलतेची कमी असते, ज्यामुळे शरीरातील मेटाबॉलिजमवर वाईट परिणाम होतो. मेंदूला कार्यक्षम ठेवण्यासाठी नियमित हालचाल आणि व्यायाम आवश्यक असतो. दिवसा झोपण्याची सवय तुम्हाला शारीरिक आणि मानसिक दृष्ट्या कमी उत्साही बनवू शकते आणि त्यातून मळमळ, उदासीनता, आणि हळूहळू स्मृतीभ्रंशाचा धोका वाढतो.
हे देखील वाचा : वजन कमी करण्यासह रात्री झोपण्यापूर्वी वेलची खाण्याचे जबरदस्त फायदे जाणून घ्या
संशोधकांनी सुचवलं आहे की, दिवसा झोप घेण्याची सवय टाळून, शरीराला सक्रिय ठेवून आरोग्य सुधारण्यासाठी प्रयत्न केले पाहिजेत. यासाठी नियमित शारीरिक व्यायाम आणि ताजेतवाने ठेवणाऱ्या क्रियाकलापांचा समावेश करा. रात्रीची झोप चांगली असावी यासाठी ठराविक वेळेला झोपणे, झोपण्यापूर्वी मानसिक ताण कमी करणे, आणि एक स्वस्थ झोपेचे वातावरण ठेवणे आवश्यक आहे. यामुळे रात्रीची झोपेची गुणवत्ता सुधारेल आणि दिवसा झोप घेण्याची गरज कमी होईल.
थोडक्यात, दिवसा अधिक वेळ झोपल्यामुळे शरीराची चैतन्यशक्ती कमी होऊन मेंदूवर वाईट परिणाम होऊ शकतो. म्हणून दिवसा आराम आणि शारीरिक हालचालीचा समतोल साधावा आणि दिवसा झोपण्याची सवय बदलावी, म्हणजे आपलं आरोग्य उत्तम राहील.
