Poha Papad Recipe: जेवणाची चव वाढवेल पोह्यांचे कुरकुरीत पापड! लगेच रेसिपी नोट करा

पापड जेवणाची चव वाढवण्यात मदत करत असत. एकवेळ आवडती भाजी नसली तरी या पापडाच्या सोबतीने नावडती भाजीही खाल्ली जाते. तुम्ही अनेक प्रकारचे पापड खाल्ले असतील मात्र आज आम्ही तुम्हाला पोह्यांपासून कुरकुरीत पापड कसे तयार करायचे याची एक सोपी रेसिपी सांगत आहोत. (फोटो सौजन्य: istock)

Follow Us:

Follow Us:

पापड हा पदार्थ कोणाला आवडत नाही. कुरकुरीत पापड जेवणाची चव द्विगुणित करतो. घरी आपला आवडता पदार्थ बनवला नसला तरी फक्त पापडाने आपल्याला जेवणाची इच्छा होऊ लागते. वरण भातासोबत तर हा पापड अप्रतिम लागतो. पापड तळून किंवा भाजून खाल्ला जातो मात्र कोणत्याही प्रकारे याची चव छानच लागते. पापड अनेक प्रकारचे बनवले जातात जसे की, उडीद, मूग, नाचणी, ज्वारी, तांदूळ आणि इतरही. मात्र आज आम्ही तुम्हाला पोह्यांपासून कुरकुरीत पापड कसे तयार कारायचे याची एक सोपी रेसिपी सांगत आहोत.

पोह्यांपासून बनवण्यात आलेले हे पापड चवीला रुचकर आणि स्वादिष्ट लागतात. हे पापड तुम्ही एकदाच बनवून महिनोंमहिने साठवून ठेवू शकता. तसेच हे बनवण्यासाठी अधिक साहित्याची आवश्यकता भासत नाही. तुम्ही कमी सामानात उत्कृष्ट पापड बनवू शकता. जाणून घ्या यासाठी लागणारे साहित्य आणि कृती.

साहित्य

• एक किलो जाडसर पोहे
• हिंग किंवा हिंगपूड
• पापडखार किंवा सोडा
• लाल तिखट
• अर्धा चमचे जिरे
• पाणी

कृती

• पोहा पापड बनवण्यासाठी सर्वप्रथम पोहे नीट चाळून घ्या
• यानंतर पोहे कढईत काहीवेळ भाजून घ्या
• पोहे गार झाले की मिक्सरमध्ये याचे पीठ तयार करून घ्या
• नंतर हे पीठ एका भांड्यात काढा आणि यात अर्धा चमचा हिंग किंवा हिंगपूड, अर्धा चमचा पापडखार किंवा सोडा, एक मोठा चमचा लाल तिखट, मीठ, अर्धा चमचा ठेचून घेतलेलं जिरे असे सर्व साहित्य टाका आणि पाणी टाकून याचे कणिक मळून घ्या
• त्यानंतर या तयार मळलेल्या पिठाचे पापड लाटून घ्या
• यांनतर हे पापड उन्हात कडकडीत सुकवून घ्या
• अशाप्रकारे तुमचे पोह्याचे पापड तयार होतील
• तळून किंवा भाजून यांचा आस्वाद घ्या

Web Title: Make cripsy poha papad at home easy recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com