Marathi News »
Lifestyle »
How To Make Bhajani Vade At Home

पितृपक्षाच्या नैवेद्यात भाजणीचे वडे खुसखुशीत होण्यासाठी ‘या’ सोप्या टिप्स, वडे होतील चविष्ट

पितृ पक्षांमध्ये हे विधी प्रामुख्याने केले जाते. या दिवशी वेगवेगळे नैवेद्याचे पदार्थ बनवले जातात. त्यात प्रामुख्याने बनवला जाणारा पदार्थ म्हणजे भाजणीचे वडे. भाजणीचे वडे घरी कोणता कार्यक्रम असल्यानंतर सुद्धा बनवले जातात. या दिवसांमध्ये घरोघरी पितरांची पूजा करून नैवेद्य दाखवला जातो. देवाघरी गेलेल्या व्यक्तींना आवडणारे सर्व पदार्थ या दिवशी बनवले जातात.

By सुरुची कदम

Updated On: Sep 28, 2024 | 08:38 AM

पितृपक्षाच्या नैदेद्यात भाजणीचे वडे खुसखुशीत होण्यासाठी 'या' सोप्या टिप्स

पितृ पक्ष सुरुवात झाल्यानंतर अनेक घरांमध्ये म्हाळ आणि श्राद्ध केले जाते. पितृ पक्षांमध्ये हे विधी प्रामुख्याने केले जाते. या दिवशी वेगवेगळे नैवेद्याचे पदार्थ बनवले जातात. त्यात प्रामुख्याने बनवला जाणारा पदार्थ म्हणजे भाजणीचे वडे. भाजणीचे वडे घरी कोणता कार्यक्रम असल्यानंतर सुद्धा बनवले जातात. या दिवसांमध्ये घरोघरी पितरांची पूजा करून नैवेद्य दाखवला जातो. देवाघरी गेलेल्या व्यक्तींना आवडणारे सर्व पदार्थ या दिवशी बनवले जातात. या नैवेद्याच्या जेवणात पुरी भाजी, खीर, मिक्स भाज्या इत्यादी अनेक पदार्थ बनवले जातात. पण घरी भाजणीचे वडे बनवल्यानंतर काहीवेळा जाड होतात, तर काहीवेळा वड्याना नीट चव लागत नाही. त्यामुळे आज आम्ही तुम्हाला भाजणीचे वडे चविष्ट आणि मऊसूत होण्यासाठी कोणत्या टिप्स वापराव्यात, याबद्दल सांगणार आहोत. चला तर जाणून घेऊया.

हे देखील वाचा: Pitru Paksha 2024: श्राद्धाच्या जेवणात आवर्जून बनवा ‘उडीद डाळ वडा’, जाणून घ्या रेसिपी

भाजणीचे वडे बनवण्याची कृती:

भाजणीचे वडे मिश्रण कडधान्यांपासून बनवले जातात. हे वडे बनवण्यासाठी वेगवेगळ्या डाळींचा वापर केला जातो. हे वडे बनवण्यासाठी वापरले जाणारे कडधान्य भाजून न घेता कच्चे घ्यावे. ज्यामुळे वड्यांची चव सुंदर लागते.
भाजणीचे वडे बनवण्यासाठी सर्वप्रथम ३ वाटी तांदूळ, पाऊण वाटी उडीद डाळ, सव्वा वाटी हरबरा डाळ, मूठभर गहू आणि दिड वाटी धणे घेऊन सर्व पदार्थ साफ करून घ्या.
त्यानंतर सर्व साहित्यांचे बारीक रवाळ पीठ काढून घ्या. हे पीठ बारीक न दळता रवाळ दळल्यास वडे मऊ होण्यास मदत होईल.
ताटामध्ये दळून आणलेले पीठ घेऊन त्यात थोडा ओवा, तीळ, तिखट, हळद, मीठ घालून मिक्स करून घ्या. त्यानंतर त्यात गरम करून घेतलेले तेल टाकून पुन्हा एकदा मिक्स करून घ्या.

हे देखील वाचा: Pitru Paksha Recipe: पितृ पक्षात पितरांच्या नैवेद्यासाठी बनवा काकडीचा रायता, वाचा सोपी रेसिपी

वड्याचे पीठ भिजवताना सगळ्यात शेवटी त्यात कोमट पाणी टाकून पीठ भिजवून घ्या. पीठ जास्त पातळ मळू नये. अन्यथा वडे नीट येणार नाहीत.
पीठ भिजवून झाल्यानंतर काहीवेळ पीठ बाजूला तसेच ठेवून घ्या. त्यानंतर त्यात कोथिंबीर किंवा मेथी टाकली तरी सुद्धा चालेल.
वडे बनवण्यासाठी प्लॅस्टिकची पिशवी किंवा रुमाल घेऊन त्यावर थोडेसे पाणी लावून नंतर वडे बनवा.
कढईमध्ये तेल गरम करण्यासाठी ठेवा. तेल गरम झाल्यानंतर त्यात वडे तळून दोन्ही बाजूने भाजून घ्या. तयार आहे भाजणीचे चविष्ट वडे.