पायांमध्ये सतत जळजळ होतेय? दुर्लक्ष करू नका, असू शकतो गंभीर आजाराचा इशारा!

पायांमध्ये होणारी जळजळ ही सामान्य समस्या समजून दुर्लक्षित केली जाते. मात्र हा त्रास सतत होत असेल तर तो शरीरातील पोषक घटकांची कमतरता किंवा इतर गंभीर आजारांचे लक्षण असू शकतो. या समस्येकडे वेळीच लक्ष देणे आवश्यक आहे.

(फोटो सौजन्य: istock)

Follow Us:

Follow Us:

• अनेकदा शरीरात आवश्यक पोषक घटक कमी झाल्यास पायांमध्ये जळजळ किंवा अस्वस्थता जाणवू शकते.
• पायांमध्ये सतत जळजळ होणे हे कधी कधी शरीरातील इतर गंभीर समस्यांचेही लक्षण असू शकते.
• दैनंदिन सवयी, औषधांचे परिणाम किंवा बाह्य घटकांमुळेही पायांमध्ये जळजळ होण्याची समस्या वाढू शकते.

सकाळी पोट साफ होत नाही? दिवसभर जडपणा वाटतो? मग दह्यात हा एक पदार्थ मिसळून खा, आतड्यांमधील सर्व घाण होईल साफ

दैनंदिन जीवनात आरोग्याच्या अनेक किरकोळ समस्यांना आपण सामोरे जात असतो. सामान्य गोष्ट समजून अनेकदा गंभीर आजाराच्या लक्षणांना आपण दुर्लक्षित करत असतो. पायांशी संबंधित अनेक आजार आहेत जे लोकांना त्रास देतात. अशीच एक समस्या म्हणजे पायांमध्ये जळजळ होणे. पायांमध्ये सतत होणारी ही जळजळ नक्की कोणत्या कारणामुळे होत असते ते तुम्हाला माहिती आहे का? आम्ही तुम्हाला सांगतो की याचे मूळ कारण व्हिटॅमिन बी, फॉलिक ॲसिड किंवा कॅल्शियमची कमतरता असू शकते. ही समस्या केवळ विशिष्ट वयोगटातील लोकांनाच नाही तर कोणत्याही वयोगटातील लोकांना त्रास देऊ शकते.

पायांना जळजळ येण्याची कारणे?

• पायांना जळजळ येणे सौम्य ते गंभीर असू शकते. पाय जळणे हे बहुतेकदा मज्जासंस्थेतील नुकसान किंवा बिघाडामुळे होते.
• शरीरात विटामिन B12, B6 किंवा B9 ची कमतरता असल्यास पायांवर जळजळ होऊ लागते किंवा पायांना मुंग्या येऊ लागतात.
• अल्कोहोलचे अतिसेवन, विषारी पदार्थ किंवा काही औषधांच्या दुष्परिणामांमुळे नसा खराब होतात. याचा मज्जासंस्थेच्या कार्यावर परिणाम होतो आणि पायांमुळे जळजळ जाणवू लागते.
• जर तुम्हाला किडनीसंबंधित कोणता आजार असेल तर पायांना जळजळ होणे स्वाभाविक आहे.
• जर थायरॉईड संप्रेरकाची पातळी कमी असेल तर पायांमध्ये जळजळ होण्याची समस्या उद्भवू शकते.
  बुरशीजन्स संसर्गामुळेही पायांत जळजळ निर्माण होते.
• जर एखाद्या व्यक्तीला रक्तवाहिन्यांमध्ये संसर्ग झाला असेल तर त्याला पायात जळजळ किंवा तीव्र जळजळ देखील होऊ शकते.
• पायांमध्ये होणारी ही जळजळ तीव्र स्वरुपात असेल आणि सतत होत असेल तर तुम्ही वेळीच यावर डाॅक्टरांचा सल्ला घ्यायला हवा.

पायांची जळजळ कमी करण्यासाठी घरगुती उपाय

• पायांमध्ये होणारी जळजळ फार त्रासदायक असेल तर तिला रोखण्यासाठी तुम्ही काही घरगुती उपायांची मदत घेऊ शकता.
• जळजळ कमी करण्यासाठी थंड पाण्याचा वापर एक चांगला पर्याय ठरेल. दिवसातून एकदा काही मिनिटे आपले पाय थंड पाण्यत टाकून ठेवा.
• कोमट किंवा थंड पाण्यात एप्सम सॉल्ट घालून पाय भिजवावे, यामुळे स्नायूंना आराम मिळतो.
• पायांची जळजळ कमी करण्यासाठी तुम्ही नारळाच्या तेलाने पायांची मसाज करु शकता, यामुळे शरीरातील रक्ताभिसरण सुधारते.
• हळद आणि कोरफडीचा लेप तयार करुन पायांवर लावा. हळदीमधील अँटी-इन्फ्लेमेटरी गुणांमुळे जळजळ कमी होते

Web Title: Burning sensation in feet know causes symptoms home remedies lifestyle news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com