Recipe : मंचुरियन चिली नाही यावेळी बनवा फ्लाॅवर चिली, रेसिपी नोट करा

Manchurian Chili Recipe : चायनीज लव्हर्स असाल तर ही हटके रेसिपी तुम्ही एकदा ट्राय करायलाच हवी. फ्लाॅवरपासून टेस्टी आणि स्पाईसी अशी चिली तयार केली जाऊ शकते जी घरातील सर्वांचेच तोंडाचे चोचले पुरवेल.

(फोटो सौजन्य: Pinterest)

Follow Us:

Follow Us:

• चायनिज लव्हर्ससाठी ही रेसिपी खास ठरणार आहे.
• मंचुरीयन चिली किंवा चिकन चिली तुम्ही अनेकदा खाल्ली असेल.
• पण तुम्ही कधी फ्लाॅवर चिली खाल्ली आहे का?

शरीराला आतून मजबूत करण्यास करेल मदत, मोरिंगा पराठा कसा बनवायचा? जाणून घ्या रेसिपी

साहित्य

• फ्लॉवर – १ मध्यम आकाराचा
• मैदा – ३ टेबलस्पून
• कॉर्नफ्लोअर – २ टेबलस्पून
• आले-लसूण पेस्ट – १ टीस्पून
• लाल तिखट – १ टीस्पून
• काळी मिरी पावडर – अर्धा टीस्पून
• मीठ – चवीनुसार
• पाणी – आवश्यकतेनुसार
• तेल – तळण्यासाठी
• कांदा – १, चौकोनी कापलेला
• ढोबळी मिरची – १, चौकोनी कापलेली
• हिरव्या मिरच्या – २
• सोया सॉस – १ टेबलस्पून
• चिली सॉस – १ टेबलस्पून
• टोमॅटो सॉस – १ टेबलस्पून
• व्हिनेगर – १ टीस्पून
• स्प्रिंग अनियन – सजावटीसाठी

कृती

• फ्लॉवरचे छोटे तुकडे करून स्वच्छ धुवा. गरम पाण्यात थोडे मीठ घालून फ्लॉवर काही मिनिटे ठेवून घ्या. त्यानंतर पाणी पूर्णपणे काढून टाका.
• एका भांड्यात मैदा, कॉर्नफ्लोअर, लाल तिखट, काळी मिरी, आले-लसूण पेस्ट आणि मीठ घ्या. त्यात थोडे थोडे पाणी घालून मध्यम घट्टसर बॅटर तयार करा.
• फ्लॉवरचे तुकडे बॅटरमध्ये व्यवस्थित घोळवून घ्या. कढईत तेल गरम करून फ्लॉवरचे तुकडे सोनेरी आणि कुरकुरीत होईपर्यंत तळून घ्या. तळलेले तुकडे बाजूला काढा.
• दुसऱ्या कढईत थोडे तेल गरम करून त्यात हिरव्या मिरच्या, कांदा आणि ढोबळी मिरची घाला. भाज्या जास्त मऊ न करता हलक्या आचेवर परता.
• आता त्यात सोया सॉस, चिली सॉस, टोमॅटो सॉस आणि व्हिनेगर घाला. सर्व साहित्य चांगले एकत्र करून काही सेकंद परता.
• तळलेला कुरकुरीत फ्लॉवर कढईत घालून सॉसमध्ये व्यवस्थित मिक्स करा. फ्लॉवरवर सॉसचे आवरण चांगले लागेपर्यंत मोठ्या आचेवर एक-दोन मिनिटे परता.
• गॅस बंद करून वरून बारीक चिरलेला स्प्रिंग अनियन घाला. गरमागरम फ्लॉवर चिली लगेच सर्व्ह करा.

Web Title: How to make califlower chili at home note the recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com