लहान मुलांच्या डब्यासाठी केरळी पद्धतीने बनवा कोबीची भाजी, वाचा सोपी रेसिपी

लहान मुलांपासून मोठ्यांपर्यंत फार कमी लोकांना कोबीची भाजी आवडते. कोबीच्या भाजीचा वास घेतल्यानंतर भाजी खाण्याची इच्छा होत होत नाही. त्यामुळे आम्ही तुम्हाला केरळी पद्धतीने कोबीची भाजीची कशी बनवायची याची सोपी सांगणार आहोत. केरळी पद्धतीने बनवलेली भाजी लहान मुलांनादेखील खूप आवडेल. तसेच घरातील सर्वच लोक तुमचे कौतुक करतील.

लहान मुलांच्या डब्यासाठी बनवा केरळी पद्धतीने कोबीची भाजी

Follow Us:

Follow Us:

कोबीच्या भाजीचे नाव ऐकल्यानंतर अनेक लोक नाक मुरडतात. कोबीची भाजी फार कमी लोकांना आवडते. कोबीच्या भाजीचा वास उग्र येत असला तरीसुद्धा कोबीची भाजी आरोग्यसाठी गुणकारी आहे. विटामिन सी ने समृद्ध असलेल्या कोबीच्या भाजीमध्ये त्वचेचे आरोग्य सुधारण्याचे गुणधर्म आहेत. शरीरात होणाऱ्या रक्ताच्या गुठळ्या थांबवण्याचे आणि हाडांचे आरोग्य सुधारण्यासाठी कोबीच्या भाजीचे सेवन केले पाहिजे. यामुळे शरीरातील रोगप्रतिकारशक्ती वाढण्यास मदत होते. लहान मुलं कोबीपासून बनवलेले मंच्युरियन आवडीने खातात, पण मुलांना कोबीची भाजी खायला आवडत नाही. डब्यात दिलेली कोबीची भाजी पुन्हा घरी परत घेऊन येतात. त्यामुळे आज आम्ही तुम्हाला केरळी पद्धतीमध्ये कोबीची भाजी कशी बनवायची याची सोपी रेसिपी सांगणार आहोत. ही भाजी घरातील मोठ्या व्यक्तींनासुद्धा नक्की आवडेल.(फोटो सौजन्य-istock)

साहित्य:

• कोबी
• गाजर
• कांदा मोहरी
• तेल
• मीठ
• घेवडा
• हिंग
• हळद
• हिरव्या मिरच्या
• किसलेलं ओल खोबर
• कोथिंबीर

हे देखील वाचा: मधुमेहाच्या रुग्णांसाठी नाश्त्याचा पदार्थ शोधताय, तर नाश्त्यासाठी बनवा गुळाचे पोहे

कृती:

• केरळी पद्धतीने कोबीची भाजी बनवण्यासाठी सर्वप्रथम कोबी आणि गाजर स्वच्छ धुवून घ्या. त्यानंतर किसणीच्या सहाय्याने कोबी आणि गाजर किसा.
• त्यानंतर कढईमध्ये तेल गरम करण्यासाठी ठेवा. तेल गरम झाल्यानंतर त्यात मोहरी, हिंग, भरपूर कढीपत्ता घालून त्यात कांदा सोनेरी रंगाचा होईपर्यंत परतून घ्या.
• फोडणी तयार झाल्यानंतर त्यात हळद टाकून मिक्स करा. त्यानंतर त्यात किसलेला कोबी, गाजर, घेवडा टाकून मिक्स करा.
• 5 मिनिटांनी कोबी शिजल्यावर त्यात आलं मिरचीची पेस्ट टाकून मिक्स करून घ्या. कोबीची भाजीमध्ये चवीनुसार मीठ टाका.
• सगळ्यात शेवटी भाजी व्यवस्थित शिजल्यानंतर त्यात किसलेलं ओल खोबर टाकून मिक्स करून गॅस बंद करा.
• तयार आहे केरळी पद्धतीने बनवलेली कोबीची भाजी.

Web Title: How to make kerala style cabbage bhaji cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com