सकाळच्या नाश्त्यासाठी झटपट बनवा पालक थालीपीठ, लहान मुलं आवडीने खातील

हिरव्या भाज्या खाण्यास दिल्यानंतर बरीच मुलं नाक मुरडतात. पण या भाज्यांमध्ये मोठ्या प्रमाणावर कॅल्शियम आणि प्रोटीन असते. पालक, मेथी,माठ,आंबाडी यांसारख्या भाज्यांचा आहारात समावेश केल्यास आरोग्याला अनेक फायदे होतात. हिरव्या पालेभाज्या खाल्ल्यामुळे केसांचे आरोग्य सुधारून त्वचेला सुद्धा फायदे होतात. त्यामुळे आज आम्ही तुम्हाला सकाळच्या नाश्त्यासाठी पालक थालीपीठ कसे बनवायचे याची सोपी रेसिपी सांगणार आहोत. ही रेसिपी नक्की बनवून पहा.

नाश्त्यासाठी झटपट बनवा पालक थालीपीठ

Follow Us:

Follow Us:

लहान मुलांना पालेभाज्या खायला अजिबात आवडत नाही. हिरव्या भाज्या खाण्यास दिल्यानंतर बरीच मुलं नाक मुरडतात. पण या भाज्यांमध्ये मोठ्या प्रमाणावर कॅल्शियम आणि प्रोटीन असते. पालक, मेथी,माठ,आंबाडी यांसारख्या भाज्यांचा आहारात समावेश केल्यास आरोग्याला अनेक फायदे होतात. हिरव्या पालेभाज्या खाल्ल्यामुळे केसांचे आरोग्य सुधारून त्वचेला सुद्धा फायदे होतात. त्यामुळे आज आम्ही तुम्हाला सकाळच्या नाश्त्यासाठी पालक थालीपीठ कसे बनवायचे याची सोपी रेसिपी सांगणार आहोत. हा पदार्थ झटपट तयार होतो आणि लहान मुलांनासुद्धा नक्की आवडेल. कमीत कमी साहित्यामध्ये तयार होणारे पदार्थ सर्वच महिला शोधत असतात.त्यामुळे घाईगडबडीच्या वेळी तुम्ही पालकाचे थालीपीठ नक्की बनवू शकता.(फोटो सौजन्य-istock)

साहित्य:

• पालक
• ज्वारीचं पीठ
• तांदळाचे पीठ
• बेसण
• जिरं
• दही
• बारिक चिरलेला कांदा
• बारिक चिरलेली हिरवी मिरची
• तेल
• मीठ

हे देखील वाचा: तूप खाण्याचे त्वचेसाठी फायदे

कृती:

• सर्वप्रथम पालकाचे थालीपीठ बनवण्यासाठी पालक स्वच्छ धुवून बारीक चिरून घ्या.
• त्यानंतर एका ताटात ज्वारीचे पीठ, तांदळाचे पीठ, बेसन पीठ टाकून मिक्स करा.
• नंतर त्यात चवीनुसार मीठ, बारीक चिरलेला कांदा, मिरची, दही, जिरे आणि बारीक चिरलेला पालक टाकून मिक्स करून घ्या.
• व्यवस्थित पीठ मिक्स करून झाल्यानंतर 5 मिनिटं ठेवून घ्या. पीठामध्ये जास्त पाणी घालू नये.
• तवा गरम करण्यासाठी ठेवून छोटे छोटे थालीपीठ बनवून घ्या. त्यानंतर तव्यावर थालीपीठ टाकून दोन्ही बाजूने व्यवस्थित खरपूस भाजून घ्या.
• पालक थालीपीठ तुम्ही दही किंवा चटणीसोबत खाऊ शकता.

Web Title: How to make palak thalipith at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com