काचेच्या बाटल्यांवरील स्टिकर निघत नाही आहे का? वापरुन बघा या सोप्या ट्रिक्स

स्टिलच्या भांड्यावरील असो किंवा काचेची बाटली यावरील जर स्टिकर्स सहजासहजी निघत नसेल, घरात उपलब्ध असलेल्या वस्तूंचा वापर करुन आपण समस्या सोडवू शकतो. जाणून घ्या या सोप्या ट्रिक्स

फोटो सौजन्य- pinterest

Follow Us:

Follow Us:

काचेच्या बाटल्यांवरील स्टिकर्स काढणे कधीकधी खूप त्रासदायक ठरू शकते. बऱ्याचदा स्टिकर काढताना चिकट गोंद किंवा कागद निघत नाही, ज्यामुळे बाटलीचे सौंदर्य बिघडते. पण काळजी करण्याची गरज नाही. काही सोप्या युक्त्यांसह, तुम्ही हे काम काही मिनिटांत करू शकता. या युक्त्यांचे पालन करून, तुम्ही बाटल्या स्वच्छ आणि चमकदार बनवू शकता आणि पुन्हा वापरण्यासाठी तयार करू शकता. जाणून घ्या कोणत्या ट्रिक्स वापरल्याने काचेच्या किंवा स्टिलच्या भांड्यावरील स्टिकर निघेल.

कसे काढावे काचेच्या बाटसलीवरील स्टिकर

आपल्या घरात अनेक काचेच्या बाटल्या आणि बरण्या असतात पण त्यावरील स्टिकर्स किंवा लेबल्स काढून टाकणे ही मोठी डोकेदुखी ठरू शकते. बऱ्याचदा हे स्टिकर्स सहजासहजी काढता येत नाहीत आणि चिकटपणा मागे राहतो. जर तुम्हालाही या समस्येचा सामना करावा लागत असेल तर काळजी करण्याची गरज नाही. काचेच्या बाटल्यावरील स्टिकर्स किंवा लेबल्स काढण्यासाठी कसा वापर करता येईल ते जाणून घेऊया.

सतत डोकं दुखतंय ? ‘या’ व्हिटामीन्सची असू शकते कमतरता

व्हिनेगर आणि पेपर

एक पेपर घ्या आणि तो स्टिकर असलेल्या भागावर लावा. त्यानंतर त्यावर व्हिनेगर स्प्रे करा. व्हिनेगर स्टिकर्स मऊ करते आणि कागदावर चिकटवते. 1 मिनिट असेच राहू द्या. नंतर हळूहळू स्टिकर काढायला सुरुवात करा. ते उत्तम प्रकारे बाहेर येईल. जर काही अवशेष राहिले तर ओल्या कापडाने पुसून टाका.

इतर पद्धत

गरम पाणी आणि साबण

एका मोठ्या वाडग्यामध्ये गरम पाणी घ्या आणि त्यामध्ये डिशवॉश टाका. या पाण्यात बाटली किंवा स्टिलचे भांडे बुडवा आणि 10 ते 15 मिनिट तसेच ठेवा. यानंतर स्टिकर्स सहजपणे निघेल. जर एखाद्या ठिकाणी चिकटपणा राहिला असेल तर तो सहजपणे निघेल.

बेकिंग सोडा आणि नारळाचे तेल

एक चमचा बेकिंग सोडा आणि एक चमचा खोबरेल तेल हे दोन्ही मिश्रण एकत्र करुन त्याची पेस्ट करुन घ्या. ही पेस्ट स्टिकर्स असलेल्या भागावर लावा. बेकिंग सोडा नैसर्गिक एक्सफोलिएटर म्हणून काम करतो, तर नारळ तेल गोंद सैल करण्यास मदत करते. हे केवळ स्टिकर्स काढण्यास मदत करेलच पण काच देखील चमकवेल.

नवतपाची होणार “या” दिवसापासून सुरवात; हे टिप्स करा फॉलो

हेयर ड्रायरचा वापर

भाड्यावरील स्टिकर्स काढण्यासाठी हेअर ड्रायर देखील एक प्रभावी उपाय आहे. सुमारे ३० सेकंदांसाठी हेअर ड्रायर स्टिकरवर लावा. गरम हवेमुळे स्टिकरवरील गोंद मऊ होईल, ज्यामुळे तो सहजपणे काढता येईल. दरम्यान, बाटली जास्त गरम होणार नाही याची काळजी घ्या.

अल्कोहोल किंवा रबिंग स्पिरिट

जर चिकटपणा जात नसेल तर अल्कोहोल किंवा रबिंग स्पिरिट्समध्ये कापड भिजवा आणि ते स्टिकरच्या भागावर घासा. यामुळे गोंदाचे डाग पूर्णपणे निघून जातील आणि बाटली पूर्णपणे स्वच्छ होईल.

या गोष्टीकडे द्या लक्ष

ट्रिक्स वापर करण्यापूर्वी बाटली खराब नसल्याची खात्री करुन घ्या

हेयर ड्रायर आणि गरम पाण्याचा वापर करताना काळजी घ्या

स्वच्छ केल्यानंतर, बाटली पूर्णपणे धुवा जेणेकरून बाटलीमध्ये कोणतेही रसायन राहणार नाही.

(टीप लाइफस्टाइलमध्ये दिलेल्या टिप्स आणि हेल्थ इत्यादी संबंधित लेख/ बातम्या केवळ वाचकांच्या माहितीसाठी आहेत. आमचे उद्दिष्ट फक्त वाचकांना माहिती देणे आहे. Navrashtra या तथ्यांची पुष्टी करु शकत नाही)

Web Title: Lifestyle tips easy tips for removing stickers from glass bottles

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com