जेवणानंतर गोड पदार्थ खाण्याची इच्छा होते? १० मिंनिटामध्ये बनवा पौष्टिक शेंगदाणा खोबऱ्याची वडी, नोट करुन घ्या पदार्थ
जेवणानंतर प्रत्येकाला काहींना काही गोड पदार्थ खाण्याची इच्छा होते. कधी मिठाई खाल्ली जाते तर काहीवेळा चमचाभर साखर खाऊन गोड पदार्थ खाण्याची क्रेव्हिंग पूर्ण केली जाते. पण नेहमी नेहमी साखर किंवा अतिगोड पदार्थ खाणे शरीरासाठी धोक्याचे ठरू शकते. अतिगोड पदार्थ खाल्ल्यामुळे मधुमेह होण्याची जास्त शक्यता असते. त्यामुळे गोड पदार्थ खाण्याची इच्छा झाल्यास नैसर्गिक गोडवा असलेले पदार्थ खावेत. आज आम्ही तुम्हाला सोप्या पद्धतीमध्ये शेंगदाणे खोबऱ्याची वडी बनवण्याची रेसिपी सांगणार आहोत. हा पदार्थ कमीत कमी साहित्यात झटपट तयार होतो.आहारात शेंगदाण्याचे सेवन केल्यास शरीरात निर्माण झालेली रक्ताची कमतरता भरून निघेल आणि ऊर्जा वाढेल. सकाळच्या नाश्त्यात नियमित एक वडी खाल्ल्यास संपूर्ण दिवस आनंद आणि उत्साहात जाईल. गुळामध्ये असलेला नैसर्गिक गोडवा शरीराचे कोणतेही नुकसान करत नाही. त्यामुळे साखर खाण्याऐवजी गुळाचे सेवन करावे. चला तर जाणून घेऊया शेंगदाणे खोबऱ्याची वडी बनवण्याची सोपी रेसिपी.(फोटो सौजन्य – istock)
