Sunday Special : रविवारची मेजवानी करा खास, घरी बनवा मसालेदार आणि खमंग चवीचा ‘चिकन पेपर फ्राय’

Black Pepper Fry Recipe : काळीमिरी पावडर आणि विविध मसाल्यात खमंग शिजवून तयार केलेले हे चिकन चवीला अप्रतिम लागते. विकेंडनिमित्त घरी काही खास बनवायचं असल्यास ही रेसिपी तुम्ही एकदा नक्कीच ट्राय करायला हवी.

(फोटो सौजन्य: Pinterest)

Follow Us:

Follow Us:

• रविवार म्हटलं की घरी नॉनव्हेज मेजवानी आलीच.
• सुट्टीच्या या दिवशी तुम्ही घरी चिकन पेपर फ्राय तयार करू शकता.
• दाक्षिणात्य खाद्यसंस्कृतीत हा पदार्थ फार लोकप्रिय आहे.

शिळ्या चपातीपासून घरी बनवा टेस्टी ‘Veg Taco’, लहानच काय तर मोठेही होतील खुश, झटपट रेसिपी नोट करा

घरात पाहुणे आले असतील, विकेंडला काहीतरी स्पेशल बनवायचं असेल किंवा चिकनची वेगळी रेसिपी ट्राय करायची असेल तर चिकन पेपर फ्राय हा उत्तम पर्याय आहे. कमी ग्रेव्ही आणि जास्त मसालेदार चव असल्यामुळे हा पदार्थ स्टार्टर किंवा साईड डिश म्हणूनही खूप आवडीने खाल्ला जातो. घरच्या घरी अगदी रेस्टॉरंटसारखा खमंग चिकन पेपर फ्राय तयार करू शकता. यासाठी खाली दिलेली रेसिपी नोट करा.

साहित्य:

• 500 ग्रॅम चिकन
• 2 कांदे (बारीक चिरलेले)
• 1 टेबलस्पून आले-लसूण पेस्ट
• 2 टेबलस्पून काळी मिरी (जाडसर कुटलेली)
• 1 टीस्पून धने पावडर
• 1/2 टीस्पून हळद
• 1 टीस्पून लाल तिखट
• कढीपत्ता
• 2 हिरव्या मिरच्या
• 2 टेबलस्पून तेल
• मीठ चवीनुसार
• कोथिंबीर

कृती:

• सर्वप्रथम कढईत तेल गरम करून त्यात कढीपत्ता आणि हिरव्या मिरच्या घाला. त्यानंतर चिरलेला कांदा घालून तो हलका सोनेरी होईपर्यंत परतून घ्या.
• आता त्यात आले-लसूण पेस्ट घालून एक मिनिट परता, जेणेकरून त्याचा कच्चा वास निघून जाईल.
• यानंतर हळद, लाल तिखट, धने पावडर आणि थोडी कुटलेली काळी मिरी घालून मसाला छान परता.
• आता धुतलेले चिकन घालून चांगले मिक्स करा आणि मध्यम आचेवर 5-7 मिनिटे परतून घ्या.
• चवीनुसार मीठ घाला आणि झाकण ठेवून चिकन शिजू द्या. चिकनमधून पाणी सुटेल, त्यामुळे वेगळे पाणी घालण्याची गरज नसते.
• चिकन शिजल्यावर उरलेली कुटलेली काळी मिरी घालून पुन्हा एकदा चांगले मिक्स करा आणि थोडे कोरडे होईपर्यंत परता.
• शेवटी वरून कोथिंबीर घालून गरमागरम चिकन पेपर फ्राय सर्व्ह करा.

Web Title: Sunday special how to make black chicken fry at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com