कोणत्या विटामिनच्या कमतरतेने येऊ शकते कवळी लावायची वेळ, बत्तिशी गायब होण्याआधी जाणून घ्या दातांची काळजी

दात आपल्याला केवळ अन्न चघळण्यास मदत करत नाहीत तर आपले हास्यदेखील सुंदर बनवतात. पण आजकालच्या खाण्याच्या सवयींमुळे कमकुवत दातांची समस्या सामान्य होत चालली आहे.

विटामिन्सची कमतरता दातांना त्रास होऊ शकतो (फोटो सौजन्य - iStock)

Follow Us:

Follow Us:

दात हे आपल्या शरीराचा एक महत्त्वाचा भाग आहेत. हे आपल्याला अन्न चघळण्यास मदत करतातच पण आपले हास्य सुंदर बनवतात. पण आजकालच्या बदलत्या जीवनशैली आणि खाण्याच्या सवयींमुळे कमकुवत दातांची समस्या सामान्य होत चालली आहे. दात आणि हाडे मजबूत करण्यासाठी आवश्यक असलेल्या कॅल्शियमच्या शोषणात व्हिटॅमिन डी महत्त्वाची भूमिका बजावते असे तज्ज्ञांचे म्हणणे आहे. जर व्हिटॅमिन डी ची पातळी कमी झाली तर दातांची ताकद कमी होते आणि ते हळूहळू तुटू लागतात.

प्रसिद्ध दंतचिकित्सक डॉ. सुरेश कुमार म्हणतात की आपल्या शरीरात कॅल्शियमचा योग्य वापर तेव्हाच शक्य आहे जेव्हा व्हिटॅमिन डी पुरेशा प्रमाणात असेल. बऱ्याच रुग्णांमध्ये असे मानले जाते की फक्त कॅल्शियमची कमतरता आहे, परंतु प्रत्यक्षात व्हिटॅमिन-डीच्या कमतरतेमुळे दात कमकुवत होतात. जर वेळीच उपाययोजना केल्या नाहीत, तर आपले ३२ दात (म्हणजे तुमची ‘बत्तीशी’) एक-एक करून गायब होऊ शकते

विटामिन डी ची कमतरता 

अलिकडच्या एका सर्वेक्षणात असे आढळून आले आहे की भारतातील सुमारे ४०% तरुण आणि प्रौढांना व्हिटॅमिन डीची कमतरता आहे. विशेषतः शहरी भागात राहणाऱ्या लोकांना पुरेसा सूर्यप्रकाश मिळत नाही, ज्यामुळे ही समस्या आणखी गंभीर होते. व्हिटॅमिन डी चा मुख्य स्रोत सूर्यप्रकाश आहे, ज्यासाठी दररोज १५-२० मिनिटे थेट सूर्यप्रकाशात राहणे महत्वाचे आहे.

दातांचा पिवळा थर काढून टाकण्याचा रामबाण उपाय, मोत्यांसारखे होतील दात; वापरा केवळ 1 पान

विटामिन डी ची कमतरता पूर्ण करण्यासाठी काय खावे 

याशिवाय चरबीयुक्त मासे, अंड्याचा पिवळा भाग, फोर्टिफाइड दूध आणि दही यांसारखे पदार्थ देखील व्हिटॅमिन डी प्रदान करण्यास मदत करतात. आरोग्य तज्ञ असेही शिफारस करतात की आवश्यक असल्यास व्हिटॅमिन डी सप्लिमेंट्सचे सेवन करावे. हिवाळ्याच्या काळात व्हिटॅमिन डीच्या कमतरतेचा धोका वाढतो, कारण या काळात सूर्यप्रकाश कमी असतो. अशा परिस्थितीत, नियमित आरोग्य तपासणी आणि संतुलित आहारासोबतच, बाहेर थोडा वेळ घालवणे तुमच्या दात आणि हाडांच्या आरोग्यासाठी फायदेशीर ठरेल.

दातांची काळजी कशी घ्याल

• नियमित २ वेळा तुम्ही दात घासणे आवश्यक आहे 
• दात चांगले राहण्यासाठी वर दिलेल्या विटामिन डी च्या पदार्थांचे सेवन करावे आणि यासह आहारात कॅल्शियमचा समावेश करावा 
• दात दुखू लागल्यावर त्वरीत डॉक्टरांचा सल्ला घ्यावा 
• दातांवर घरगुती उपाय करत असाल तर कोणत्याही प्रकारची अ‍ॅलर्जी नाही याची काळजी घ्यावी
• बेकिंग सोडा आणि पेस्ट एकत्र करून आठवड्यातून एकदा दात घासावेत म्हणजे दात पिवळे पडणार नाहीत 
• नियमित गुळण्या कराव्या आणि नियमित लिस्टरिनचा वापर करावा 
• झोपण्याआधी नियमित न चुकता दात घासावे 

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Which vitamin deficient makes teeth weak health tips in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com