पुण्याच्या नामांतराचा वाद पेटला, अमोल मिटकरींच्या मागणीला हिंदू महासंघाचा विरोध; कोण काय म्हणालं?

राष्ट्रवादीचे (Ncp) नेते अमोल मिटकरी (Amol Mitkari) यांनी पुण्याच्या (Pune) नामांतराची मागणी लावून धरली आहे. तर हिंदू महासंघाने या मागणीला कडाडून विरोध केला आहे. त्यामुळे या नामांतराच्या वादावरून संपूर्ण पुण्यातील राजकारण चांगलचं तापलं आहे.

Follow Us:

Follow Us:

पुणे : राष्ट्रवादीचे (Ncp) नेते अमोल मिटकरी (Amol Mitkari) यांनी पुण्याच्या (Pune) नामांतराची मागणी लावून धरली आहे. तर हिंदू महासंघाने या मागणीला कडाडून विरोध केला आहे. त्यामुळे या नामांतराच्या वादावरून संपूर्ण पुण्यातील राजकारण चांगलचं तापलं आहे.

भाजप नेते अमोल मिटकरी यांनी ट्विट करून पुण्याच्या नामांतराची मागणी केली. पुणे शहराचे नामकरण “जिजाऊ नगर” व्हावे ही महाराष्ट्रातील तमाम शिवभक्तांची इच्छा आहे. येणाऱ्या अधिवेशनात याबाबत सरकारकडे मागणी करणार आहे, असं ट्विट अमोल मिटकरी यांनी केलं आहे.

पुणे शहराचे नामकरण “जिजाऊ नगर” व्हावे ही महाराष्ट्रातील तमाम शिवभक्तांची इच्छा आहे. येणाऱ्या अधिवेशनात याबाबत सरकारकडे मागणी करणार.@mieknathshinde @Dev_Fadnavis pic.twitter.com/9mt46cpYWD

— आ. अमोल रामकृष्ण मिटकरी (@amolmitkari22) January 13, 2023

हिंदू महासंघाचे दवे काय म्हणाले?

पुण्याच्या नामांतराची गरज नाही. जिजाऊंच भव्य आणि वेगळं स्मारक उभारा. ते लाल महाल येथे उभारा, असं आनंद दवे यांनी म्हटलं आहे. पुणे शहराचे नाव जिजाऊ नगर करण्याची मागणी संभाजी ब्रिगेडने केली आहे. राजमाता या सर्वांनाच वंदनीय आहेत. पुण्याचे आणि त्यांचे नाते सुद्धा आहे. पण पुणे हे नाव पुण्यश्वर महादेवामुळे पडले आहे. ते बदलण्याची गरज नाही. स्वतः शिव भक्त शिवछत्रपती यांनी सुद्धा ते बदलले नाही, असं सांगतानाच त्यापेक्षा पुण्यश्वर महादेवाला त्या दर्ग्यातून बाहेर काढण्यासाठी ब्रिगेडने आमच्या बरोबर यावे. राजमाता जिजाऊ यांना ते जास्त आवडेल, असा टोलाही दवे यांनी लगावला आहे.

Web Title: Controversy over punes name change flares up hindu federation opposes amol mitkaris demand who said what nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com