शनिवार, 17 ऑक्टोबर 2026
रेल्वे स्थानकात लिफ्ट बंद पडली! लहान मुलांसह प्रवासी १५ मिनिटे अडकले; फेरीवाल्यांच्या मदतीने सुटका
मिळालेल्या माहितीनुसार, डोंबिवली पूर्व रेल्वे स्थानकातील फलाट क्रमांक ५ वरील लिफ्टमध्ये लहान मुलांसह काही प्रवासी प्रवास करत होते. त्याचवेळी लिफ्ट अचानक बंद पडली. लिफ्ट सुरू होत नसल्याने आत अडकलेल्या प्रवाशांची चिंता वाढली. सुमारे १५ मिनिटे प्रवासी लिफ्टमध्ये अडकून पडले होते.
Navi Mumbai : मदतीच्या बहाण्याने बाळ सोपवून अनोळखी महिला फरार
या परिस्थितीत लिफ्टमध्ये अडकलेल्या एका महिलेने फेरीवाला समितीचे सदस्य भाऊ पाटील यांच्याशी फोनवर संपर्क साधला. तिने घडलेला प्रकार सांगून तातडीने मदत करण्याची विनंती केली. परिस्थितीचे गांभीर्य लक्षात घेत पाटील यांनी कोणताही विलंब न करता स्थानिक फेरीवाल्यांना घटनास्थळी जाण्याच्या सूचना दिल्या.
भाऊ पाटील यांच्या सूचनेनुसार संदीप जयस्वाल आणि इतर स्थानिक फेरीवाले तातडीने लिफ्टजवळ पोहोचले. त्यांनी लिफ्टमध्ये अडकलेल्या प्रवाशांना बाहेर काढण्यासाठी प्रयत्न सुरू केले. अखेर त्यांच्या मदतीने लहान मुलांसह सर्व प्रवाशांची सुरक्षित सुटका करण्यात आली.
लिफ्टमधून बाहेर आल्यानंतर प्रवाशांनी सुटकेचा निःश्वास सोडला. विशेषतः घाबरलेल्या लहान मुलांना मोठा दिलासा मिळाला. ऐनवेळी मदतीसाठी धावून आलेल्या भाऊ पाटील, संदीप जयस्वाल आणि त्यांच्या सहकाऱ्यांनी दाखवलेल्या तत्परतेचे कौतुक होत आहे.
या घटनेत कोणतीही जीवितहानी झाल्याचे झाली नाही. मात्र, प्रवाशांच्या सुविधेसाठी बसवण्यात आलेली लिफ्ट अचानक बंद पडल्याने तिच्या देखभाल आणि सुरक्षेचा प्रश्न उपस्थित झाला आहे. रेल्वे स्थानकातील लिफ्टचा वापर ज्येष्ठ नागरिक, दिव्यांग व्यक्ती, महिला आणि लहान मुलांसह प्रवास करणारे नागरिक मोठ्या प्रमाणावर करतात. त्यामुळे अशा सुविधांची नियमित तपासणी आणि देखभाल होणे आवश्यक आहे.
डोंबिवलीसारख्या वर्दळीच्या रेल्वे स्थानकात लिफ्ट बंद पडल्यास प्रवाशांना गंभीर अडचणींचा सामना करावा लागू शकतो. त्यामुळे रेल्वे प्रशासनाने या घटनेची दखल घेऊन लिफ्ट बंद पडण्यामागील कारणांची तपासणी करावी, अशी मागणी प्रवाशांकडून होत आहे.
रेल्वे स्थानकातील लिफ्टमध्ये तांत्रिक बिघाड झाल्यास प्रवाशांना तातडीने मदत मिळण्यासाठी प्रभावी आपत्कालीन व्यवस्था असणे गरजेचे आहे. लिफ्टमधील अलार्म, इंटरकॉम आणि आपत्कालीन संपर्क यंत्रणा कार्यरत असल्याची नियमित खात्री करणेही महत्त्वाचे आहे.
या घटनेमुळे स्थानिक फेरीवाल्यांनी दाखवलेली सामाजिक बांधिलकी समोर आली असली, तरी प्रवाशांच्या सुरक्षेची प्राथमिक जबाबदारी रेल्वे प्रशासनाची आहे. भविष्यात अशा घटना टाळण्यासाठी लिफ्टची नियमित तांत्रिक तपासणी आणि बिघाड झाल्यास त्वरित प्रतिसाद देणारी यंत्रणा उपलब्ध करून देण्याची आवश्यकता व्यक्त होत आहे.
पनवेल रेल्वे पुलावर चेंगराचेंगरी; ऐनवेळी रेल्वे गाड्यांचे प्लॅटफॉर्म बदलल्याने एकच धावपळ
Ans: डोंबिवली पूर्व रेल्वे स्थानकातील फलाट क्रमांक ५ वरील लिफ्ट अचानक बंद पडल्याने लहान मुलांसह अनेक प्रवासी अडकले.
Ans: प्रवासी सुमारे १५ मिनिटे लिफ्टमध्ये अडकले होते. यावेळी लहान मुले घाबरून रडत होती.
Ans: फेरीवाला समितीचे सदस्य भाऊ पाटील यांच्या सूचनेनुसार संदीप जयस्वाल आणि इतर स्थानिक फेरीवाल्यांनी प्रवाशांच्या सुटकेसाठी मदत केली.
