बारामती तालुक्यातील खांडज परीसरात वायूदलाच्या हेलिकॉप्टरचे इमर्जन्सी लँडिंग

पुण्यावरून हैद्राबादला निघालेले भारतीय वायुदलाच्या हेलिकॉप्टर खांडज(ता. बारामती) परिसरातील शेतात तातडीने उतरविण्यात आले. हेलिकॉप्टरमध्ये तांत्रिक बिघाड झाल्याने हेलिकॉप्टरचे इमर्जन्सी लँडिंग करण्यात आल्याची माहिती सूत्रांनी दिली.

Follow Us:

Follow Us:

बारामती : पुण्यावरून हैद्राबादला निघालेले भारतीय वायुदलाच्या हेलिकॉप्टर खांडज(ता. बारामती) परिसरातील शेतात तातडीने उतरविण्यात आले. हेलिकॉप्टरमध्ये तांत्रिक बिघाड झाल्याने हेलिकॉप्टरचे इमर्जन्सी लँडिंग करण्यात आल्याची माहिती सूत्रांनी दिली.

खांडज परिसरातील हनुमंत ज्ञानदेव आटोळे या शेतकऱ्याच्या शेतात इंडियन एअर फोर्सचे चेतक हेलिकॅप्टर आज (दि १) सकाळी दहा वाजता इमर्जन्सी लँड करण्यात आले. कोणताही अनुचित प्रकार घडला नाही. दुरुस्ती झाल्यानंतर सदरचे हेलिकॉप्टर सोलापूर कडे रवाना होणार आहे.

या हेलिकॉप्टर मध्ये तीन पुरुष तर एक महिला प्रवासी प्रवास करत होते. इमर्जन्सी लँडिंग झाल्यानंतर कोणालाही कसलीही इजा झाली नाही. अचानक या परिसरात हेलिकॉप्टर उतरवण्यात आल्याने नागरिकांनी मोठी गर्दी केली होती, या घटनेची माहिती माळेगाव पोलीस ठाण्याला मिळतात पोलीस उपनिरीक्षक किरण अवचर यांच्यासह पोलीस कर्मचारी घटनास्थळी दाखल झाले.

बारामती तालुक्यातील खांडज गावात आज सकाळी दहा वाजण्याच्या दरम्यान अचानकपणे हेलिकॉप्टर उतरल्याने परिसरात मोठी खळबळ उडाली होती. नागरिकांनी हेलिकॉप्टर पाहण्यासाठी गर्दी केली होती.

सुरूवातीला याठिकाणी नक्की काय झाले, याची माहिती थोडा वेळ लोकांना मिळाली नसल्याने अफवा पसरल्या होत्या. वायुदलाचे अधिकारीही या ठिकाणी पोहचले आहेत.

Web Title: Emergency landing of air force helicopter in khandaj area of baramati taluka nrab

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com