सोमवार, 2 नोव्हेंबर 2026
गोकुळच्या निवडणूक निर्णय अधिकारी मोसमी चौगुले यांची पदोन्नतीने बदली.
राज्य सरकारने मोसमी चौगुले यांची अपर जिल्हाधिकारी (गट-अ) पदावर तात्पुरत्या स्वरूपात नियुक्ती करण्यात आली आहे. त्यांना छत्रपती संभाजीनगर येथील विभागीय आयुक्त कार्यालयात सहआयुक्त (पुनर्वसन) पदी पाठवण्यात आले आहे. सामान्य प्रशासन विभागाच्या आस्थापना मंडळाच्या शिफारशीनुसार ३१ ऑक्टोबर रोजी यासंदर्भातील शासन आदेश जारी करण्यात आला.
ED Arrest: ऑनलाइन सट्टेबाजी घोटाळ्याप्रकरणी ईडीची मोठी कारवाई; सागर डॅशला अटक, मुंबई कनेक्शनची चौक
मौसमी चौगुले यांना निवडणुकीच्या अधिसूचित पदावर कार्यरत असल्याने तातडीने नव्या पदाचा कार्यभार स्वीकारता येणार नाही, असेही सांगितले जात आहे. केंद्रीय निवडणूक आयोगाकडून सुरू असलेली विशेष सखोल मतदार पुनरीक्षण प्रक्रिया पूर्ण होईपर्यंत त्यांना कोल्हापुरातील सध्याच्याच पदावर काम करावे लागणार आहे. महाराष्ट्राच्या मुख्य निवडणूक अधिकाऱ्यांकडून ही प्रक्रिया पूर्ण झाल्याची अधिकृत घोषणा झाल्यानंतरच त्यांना छत्रपती संभाजीनगर येथे रुजू होता येईल. गोकुळच्या अध्यक्षपदाची निवडणूक ऐन टप्प्यात असताना झालेल्या या निर्णयामुळे राजकीय आणि सहकार क्षेत्रात विविध चर्चांना सुरुवात झाली आहे.
गोकुळ दूध संघाच्या निवडणुकीच्या निकालानंतर गोकुळच्या अध्यक्षपदाच्या निवडीवरून राजकीय संघर्ष अधिकच तीव्र झाला आहे.नुकत्याच झालेल्या निवडणुकीत राजर्षी शाहू शेतकरी समविचारी आघाडीने १३ जागा जिंकल्या, तर महायुतीला १२ जागां मिळाल्या. पण गोकुळच्या अध्यक्षपदाच्या निवडीसाठी बोलावण्यात आलेल्या सभेत आवश्यक १४ संचालकांचा कोरम पूर्ण न झाल्याने त्यामुळे ती निवडणूक होऊ शकली नाही.
India Post Recruitment 2026: दहावी पास तरुणांसाठी खुशखबर! सरकारी नोकरीत मिळणार 63 हजार
यानंतर समविचारी आघाडीच्या १३ संचालकांनी मुंबई उच्च न्यायालयाच्या कोल्हापूर सर्किट बेंचकडे याचिका दाखल केली. अध्यक्षपदाच्या निवडीसाठी १४ संचालकांची उपस्थिती अनिवार्य नसल्याचा दावा समविचारी आघाडीने केला. या प्रकरणाच्या सुनावणीनंतर पहिल्या सभेलाही महायुतीच्या १२ संचालक अनुपस्थित राहिले. त्यामुळे न्यायालयाने महायुतीच्या १२ संचालकांना नोटीस बजावली आहे. तसेच राज्य सरकारसह या संचालकांनाही याचिकेत प्रतिवादी करण्यात आले आहे.
कोल्हापूर सर्किट बेंचच्या सुनावणीनंतर महायुतीने भूमिका स्पष्ट केली आहे. आरोग्यमंत्री प्रकाश आबिटकर आणि वैद्यकीय शिक्षणमंत्री हसन मुश्रीफ यांनी गोकुळच्या अध्यक्षपदाच्या निवडीसाठी होणाऱ्या पुढील बैठकीला उपस्थित राहणार असल्याचे सांगितले आहे. एकीकडे अध्यक्षपदाच्या निवडीवरून न्यायालयीन लढाई सुरू असताना दुसरीकडे निवडणूक निर्णय अधिकाऱ्यांची पदोन्नतीवर बदली झाल्याने या घडामोडींना विशेष महत्त्व प्राप्त झाले आहे. त्यामुळे गोकुळच्या अध्यक्षपदाची निवड नेमकी कधी होणार आणि पुढील प्रक्रियेत कोणते वळण येणार, याकडे सहकार क्षेत्राचे लक्ष लागले आहे.
Ans: मोसमी चौगुले यांची पदोन्नतीने अपर जिल्हाधिकारी (गट-अ) पदावर छत्रपती संभाजीनगर येथील विभागीय आयुक्त कार्यालयात सहआयुक्त (पुनर्वसन) पदी बदली करण्यात आली आहे.
Ans: नुकत्याच झालेल्या निवडणुकीत सतेज पाटील यांच्या शाहू आघाडीला १३ जागा मिळाल्या, पण अध्यक्ष निवडीसाठी आवश्यक असलेला १४ संचालकांचा कोरम पूर्ण न झाल्याने ही निवड प्रक्रिया थांबून हे प्रकरण न्यायालयात गेले आहे.
Ans: त्या सध्या केंद्रीय निवडणूक आयोगाच्या विशेष सखोल मतदार पुनरीक्षण प्रक्रियेच्या अधिसूचित पदावर कार्यरत आहेत. महाराष्ट्राच्या मुख्य निवडणूक अधिकाऱ्यांकडून प्रक्रिया पूर्ण झाल्याची घोषणा होईपर्यंत त्यांना कोल्हापुरातच राहावे लागेल.
