Kolhapur News: ऐन गणेशोत्सवात कोल्हापूरकरांचे पाण्याविना हाल; महिलांनी महापालिकेविरुद्ध थेट…

मिरजकर तिकटी येथे दोन तास महिलांनी पाण्यासाठी रस्ता रोको आंदोलन छेडले. गणेशोत्सवाच्या पार्श्वभूमीवर मूलभूत गरज असलेले पाणी उपलब्ध नसल्यामुळे महिलांमध्ये प्रचंड असंतोष निर्माण झाला. अखेर जल अभियंता आणि पदाधिकारी यांनी घटनास्थळी येऊन आश्वासन दिल्यानंतर हे आंदोलन स्थगित करण्यात आले. काल मध्यरात्री  परिसरातील महिलांनी आंदोलन केले होते. त्यानंतर आज सकाळी मंगळवार पेठ टिंबर मार्केट परिसरातील महिला रस्त्यावर उतरल्या आणि मिरजकर तिकटी येथे मोठा रस्ता रोको करण्यात आले. या आंदोलनामुळे मंगळवार पेठ, खरी कॉर्नर व टिंबर मार्केट परिसरात वाहतुकीची मोठी गैरसोय झाली.