शनिवार, 31 ऑक्टोबर 2026
ए आय डेटा सेंटरविरोधात शेतकरी-मच्छीमार आक्रमक (फोटो- सोशल मिडिया)
उजनी धरण परिसरात ए आय दुसरा माणूस डेटा सेंटर, अणुऊर्जा, ग्रीन हायड्रोजन, बॅटरी स्टोरेज आणि सौरऊर्जा प्रकल्प प्रस्तावित आहेत. या प्रकल्पांमुळे उजनीच्या पाण्याचा वापर, शेती, पर्यावरण आणि मच्छीमारांच्या रोजगारावर परिणाम होण्याची भीती स्थानिकांकडून व्यक्त केली जात आहे. या पार्श्वभूमीवर भिमानगरमध्ये झालेल्या आंदोलनाला उत्स्फूर्त प्रतिसाद मिळाला.
या आंदोलनात माजी मंत्री महादेवराव जानकर, खासदार धैर्यशील मोहिते-पाटील, आमदार अभिजित पाटील, आमदार नारायण पाटील, विधान परिषद आमदार प्रतापसिंह मोहिते-पाटील आणि माजी आमदार संजय शिंदे यांच्यासह विविध राजकीय पक्षांचे पदाधिकारी सहभागी झाले. उजनीच्या पाण्यावर अवलंबून असलेल्या शेतीचे संरक्षण करावे, मच्छीमारांच्या उपजीविकेचा विचार करावा आणि स्थानिकांना विश्वासात घेतल्याशिवाय प्रकल्प राबवू नयेत, अशी मागणी करण्यात आली.
आमदार रोहित पवार यांनी प्रकल्पांविरोधात आक्रमक भूमिका मांडली. “उजनी ही आमची जीवनदायिनी आहे. शेतकरी आणि मच्छीमारांना विश्वासात न घेता, त्यांच्या जमिनीवर नांगर फिरवून हा प्रकल्प कोणत्याही परिस्थितीत येथे उभा राहू देणार नाही,” असा ठाम इशारा त्यांनी दिला.
चार तास वाहतूक ठप्प
सकाळी १० वाजता सुरू झालेल्या रास्ता रोकोमुळे पुणे-सोलापूर महामार्गाच्या दोन्ही बाजूंना वाहनांच्या लांबच लांब रांगा लागल्या. प्रवाशांना मोठा मनस्ताप सहन करावा लागला. अनुचित प्रकार टाळण्यासाठी पुणे आणि सोलापूर जिल्हा पोलिसांनी बंदोबस्त ठेवला होता. दरम्यान, सोलापूरचे अप्पर जिल्हाधिकारी आंदोलनस्थळी दाखल झाले. त्यांनी आंदोलकांचे निवेदन स्वीकारून शेतकरी व मच्छीमारांना विश्वासात घेतल्याशिवाय प्रकल्पाबाबत पुढील कार्यवाही केली जाणार नाही, असे आश्वासन दिले. त्यानंतर आंदोलन स्थगित करण्यात आले. प्रशासनाच्या आश्वासनामुळे आंदोलनाला तात्पुरता विराम मिळाला असला, तरी उजनीचे पाणी, शेतीचे भवितव्य, स्थानिक रोजगार आणि पर्यावरणाचे प्रश्न कायम आहेत. त्यामुळे राज्य सरकार या प्रकल्पांबाबत काय भूमिका घेते, याकडे परिसरातील नागरिकांचे लक्ष लागले आहे.
Ans: हा प्रकल्प कोणत्याही परिस्थितीत येथे उभा राहू देणार नाही, अशी ठाम भूमिका पवार यांनी मांडली.
Ans: उजनी धरण परिसरात ए आय डेटा सेंटरसह विविध ऊर्जा प्रकल्प प्रस्तावित आहेत.
