Maharashtra Breaking News Updates Today: राष्ट्रवादीची तिजोरी पवार माय-लेकरांच्या हाती 

14 May 2026 10:50 AM (IST)

“चाळीत कैरी चोरण्याची मज्जा वेगळीच होती” योगिता चव्हाणने दिला

‘सन मराठी’वरील तू अनोळखी तरी सोबती या मालिकेत नवनवीन ट्विस्ट प्रेक्षकांना पाहायला मिळत आहेत. सध्या मालिकेत अर्पिता स्वतःच घर वाचवण्यात यशस्वी ठरली आहे. यामुळे समीरने तिचे आभार मानत कौतुक केलं आहे. मालिकेत हळू हळू समीर व अर्पिताची मैत्री फुलताना दिसत आहे. नीलांबरी अर्पिता व समीर यांच्यात दुरावा येण्यासाठी नवा डाव रचताना दिसत आहे.

मालिकेच्या नव्या प्रोमोमध्ये अर्पिताची कठोर परीक्षा घेण्यासाठी एका आजीची एन्ट्री झालेली पाहायला मिळते. अर्पिता या सगळ्या आव्हानांना कशी तोंड देणार? यात अर्पिताला समीरची साथ मिळेल का? नीलांबरीचा डाव यशस्वी होईल का? हे पाहणं रंजक ठरणार आहे.

14 May 2026 10:40 AM (IST)

अशोक खरातप्रकरणी मोठी अपडेट समोर; खरातचे आणखी 6 महिलांसोबत

नाशिक सेक्स स्कँडलप्रकरणी अटक करण्यात आलेल्या भोंदू तांत्रिक अशोक खरात याच्या काळ्या कारनाम्यांचा तपास अधिक तीव्र झाला आहे. एसआयटीच्या तपासात खरातचे आणखी सहा महिलांशी अनैतिक संबंध असल्याचे उघड झाले आहे. अनेक महिलांचे लैंगिक शोषण, फसवणूक आणि काळी जादूच्या नावाखाली गैरप्रकार केल्याप्रकरणी त्याच्यावर गंभीर गुन्हे दाखल आहेत.

14 May 2026 10:30 AM (IST)

कुवैतच्या ‘त्या’ कारवाईने इराण संतप्त; भारताच्या दौऱ्यावर असातानच अराघची

अमेरिकेशी संघर्षादरम्यान इराण(Iran)चे परराष्ट्र मंत्री भारत दौऱ्यावर आले आहेत. ब्रिक्स देशांच्या एका महत्त्वपूर्ण बैठकीत सहभागी होण्यासाठी अराघची १३ मे रोजी भारतात दाखल झाले. मात्र भारतात येताच त्यांनी खळबळजनक विधान केले आहे. भारताच्या भूमीवर अराघची यांनी कुवैतला गंभीर इशारा दिला आहे. कुवैत वर गंभीर आरोप केले आहे. पर्शियन आखातात कुवैतने एका इराणी बोटीवर बेकायदेशीरपणे हल्ल्या केला असल्याचा दावा त्यांनी केला आहे. यामुळे संपूर्ण जगभरात खळबळ उडाली आहे.

14 May 2026 10:20 AM (IST)

सुनेत्रा पवारांनी मारले एका दगडात तीन पक्षी! राष्ट्रवादीच्या आर्थिक सत्तेचे केंद्र

राष्ट्रवादी काँग्रेसच्या राष्ट्रीय कार्यकारिणीच्या २९ एप्रिल रोजीच्या यादीवरून पक्षात सुरू असलेला वाद अद्याप कायम आहे. या यादीत तांत्रिक चूक झाल्याचे स्पष्टीकरण उपमुख्यमंत्री  सुनेत्रा पवार यांनी दिले होते. मात्र, दोन दिवस उलटल्यानंतरही दुरुस्त केलेली नवी यादी जाहीर न झाल्याने, २९ एप्रिलचीच यादी अधिकृत मानली जात आहे का, असा सवाल राजकीय वर्तुळात उपस्थित केला जात आहे.

14 May 2026 10:10 AM (IST)

NEET पेपरफुटीचे धागेदोरे आता लातूरमध्ये? सराव परीक्षेतील ४२ प्रश्न जसेच्या तसे कसे आले?

नीट पेपर फुटी प्रकरणात केंद्रीय अन्वेषण विभागाने (CBI) मंगळवारी सायंकाळी महाराष्ट्रातील नाशिक जिल्ह्यामधुन एका व्यक्तीला ताब्यात घेतले. तत्पुर्वी, नाशिक पोलिसांच्या गुन्हे शाखेने राजस्थानच्या पोलिसांच्या विनंतीवरून जिल्ह्यातील नांदगाव येथील रहिवासी शुभम खैरनार (३०) याला ताब्यात घेतले होते. पोलिस उपायुक्त किरणकुमार चव्हाण यांनी दिलेल्या माहितीनुसार, या व्यक्तीला नाशिक इंदिरानगर भागातून पकडण्यात आले.

14 May 2026 09:59 AM (IST)

अंघोळीचा आनंद ठरला जीवघेणा! करुळ धरणात तीन शाळकरी मुलींचा बुडून मृत्यू

सिंधुदुर्ग येथून एक धक्कादायक घटना समोर आली आहे. वैभववाडी येथील करूळ धरणात तीन शाळकरी मुलींचा बुडून मृत्यू झाल्याची दुर्दैवी घटना समोर आली आहे. तर यात सुदैवाने दोनघे बचावले आहेत. या घटनेने हळहळ व्यक्त करण्यात येत आहे. घडलेली घटना बुधवारी सायंकाळी घडली

14 May 2026 09:26 AM (IST)

PM Modi: मोदींनी UAEमध्ये गाडलं ‘ऊर्जा संकटाचं’ भूत,

PM Modi UAE Visit May 2026 : जागतिक स्तरावर इराण आणि अमेरिका यांच्यातील युद्धामुळे रक्ताचा सडा पडत असताना, दुसरीकडे भारताचे पंतप्रधान नरेंद्र मोदी (Prime Minister Narendra Modi) यांनी देशाच्या सामान्य जनतेला दिलासा देण्यासाठी ‘मिशन ऊर्जा’ हाती घेतले आहे. १५ मे पासून पंतप्रधान मोदी पाच देशांच्या ऐतिहासिक दौऱ्यावर रवाना होत आहेत. या दौऱ्याचा पहिला टप्पा संयुक्त अरब अमिराती (UAE) असून, येथे होणारे करार थेट भारतातील गृहिणींच्या स्वयंपाकघराशी संबंधित आहेत. इराण युद्धामुळे जागतिक बाजारात एलपीजी आणि कच्च्या तेलाचा तुटवडा निर्माण झाला असला, तरी मोदींच्या या दौऱ्यामुळे भारताची ऊर्जा सुरक्षा आता ‘लोखंडी’ होणार आहे.

14 May 2026 09:05 AM (IST)

 Trump's Historic Visit to China - 2026: चीनच्या विमानतळावर डोनाल्ड ट्रम्प यांचा अपमान, नेमकं घडलं काय?

Trump's Historic Visit to China - 2026: अमेरिकेचेराष्ट्राध्यक्ष डोनाल्ड ट्रम्प हे आपल्या दुसऱ्या कार्यकाळातील पहिल्या ऐतिहासिक चीन दौऱ्यासाठी बुधवारी (१३ मे २०२६) बीजिंगमध्ये दाखल झाले आहेत. १३ ते १५ मे या काळात होणाऱ्या या दौऱ्यात अनेक महत्त्वाच्या जागतिक मुद्द्यांवर चर्चा होणार आहे. मात्र, ट्रम्प यांच्या विमानतळावरील आगमनावेळी चीनचे राष्ट्राध्यक्ष शि जिनपिंग स्वत: हजर नव्हते, ज्याची सर्वत्र चर्चा होत आहे.

चीनच्या राजनैतिक प्रोटोकॉलनुसार, जिनपिंग यांच्याऐवजी उपराष्ट्रपती हान झेंग यांनी विमानतळावर ट्रम्प यांचे जंगी स्वागत केले. यावेळी रेड कार्पेटसह चिनी लष्करी ताफ्याने मानवंदना दिली. विमानतळावर अमेरिकेचे चीनमधील राजदूत डेव्हिड पर्ड्यू, चीनचे अमेरिकेतील राजदूत शी फेंग आणि परराष्ट्र उपमंत्री मा झाओक्सू यांचीही उपस्थिती होती.

14 May 2026 09:00 AM (IST)

Central Railway Mega Block : मध्य रेल्वेचा उद्यापासून सलग तीन दिवस ब्लॉक 

Central Railway Mega Block :  मध्य रेल्वेच्या विद्याविहार स्थानकात नवीन मध्यवर्ती पादचारी पुलाचा (FOB) गर्डर बसवण्यासाठी १५ मे ते १८ मे दरम्यान विशेष 'ट्रॅफिक आणि पॉवर ब्लॉक' घेण्यात येणार आहे. हा ब्लॉक सलग तीन रात्री तीन टप्प्यांत घेण्यात येणार असून, याचा मोठा फटका कुर्ला ते भांडुप दरम्यानच्या लोकल प्रवाशांना बसणार आहे. या काळात काही लोकल फेऱ्या रद्द करण्यात आल्या आहेत, तर काही गाड्यांच्या मार्गात बदल करण्यात आले आहेत. गर्डर लाँचिंगच्या कामामुळे शुक्रवारी रात्रीपासून सुरू होणाऱ्या या ब्लॉकमुळे मध्य रेल्वेची वाहतूक विस्कळीत होणार असल्याने प्रवाशांनी वेळापत्रक पाहूनच प्रवासाचे नियोजन करावे, असे आवाहन रेल्वे प्रशासनाकडून करण्यात आले आहे.

14 May 2026 08:55 AM (IST)

Chakankar-Kharat Guwahati Visit:  रुपाली चाकणकर आणि भोंदू खरात यांचा 'गुवाहाटी' दौरा चर्चेत   

 Chakankar-Kharat Guwahati Visit: नाशिकचा भोंदू बाबा अशोक खरात याच्यावरील कायदेशीर कारवाई सुरू असतानाच, आता त्याच्या राजकीय संबंधांच्या चर्चांना उधाण आले आहे. राष्ट्रवादी काँग्रेसच्या नेत्या रुपाली चाकणकर, त्यांच्या भगिनी प्रतिभा चाकणकर आणि अशोक खरात यांनी ऑगस्ट २०२१ मध्ये गुवाहाटीचा दौरा केल्याची माहिती समोर आली आहे. हे तिघेही २८ ते ३० ऑगस्ट २०२१ या कालावधीत गुवाहाटीतील प्रसिद्ध 'हॉटेल रेडिसन ब्लू' येथे वास्तव्यास होते. या दौऱ्यादरम्यान त्यांनी कामाख्या देवीचे दर्शन घेतले असून, नऊ ग्रहांची विशेष शांती पूजा आणि ब्रह्मपुत्रा नदीतील शिव मंदिरात विधी केल्याची शक्यता वर्तवण्यात येत आहे. भोंदूगिरीच्या आरोपाखाली खरात अडकलेला असताना या जुन्या दौऱ्याचे फोटो आणि माहिती समोर आल्याने राजकीय वर्तुळात मोठी खळबळ उडाली आहे.

14 May 2026 08:50 AM (IST)

IPL 2026: RCB Records विराट कोहलीचे विक्रमी शतक  

IPL 2026: RCB Records:  आयपीएल २०२६ मध्ये रॉयल चॅलेंजर्स बंगळुरूने कोलकाता नाईट रायडर्सवर ६ गडी राखून मिळवलेला विजय ऐतिहासिक ठरला आहे. विराट कोहलीने अवघ्या ५८ चेंडूंमध्ये १०५ धावांची नाबाद खेळी करत टी-२० क्रिकेटमध्ये सर्वाधिक शतके ठोकणारा भारतीय फलंदाज होण्याचा बहुमान मिळवला. या विजयासोबतच आरसीबीने रायपूरच्या शहीद वीर सिंह नारायण सिंह स्टेडियमवर १९३ धावांचे लक्ष्य यशस्वीपणे गाठून आयपीएल इतिहासातील सर्वात मोठा 'रन चेज' करण्याचा नवा विक्रम प्रस्थापित केला आहे. या हंगामात मुंबई इंडियन्सविरुद्धचा १६७ धावांचा स्वतःचाच जुना विक्रम मोडीत काढत आरसीबीने आपली ताकद सिद्ध केली आहे.

14 May 2026 08:45 AM (IST)

 IPL 2026: RCB vs KKR : आरसीबीचा कोलकात्यावर ६ गडी राखून दणदणीत विजय

 IPL 2026: RCB vs KKR :   आयपीएल २०२६ च्या हंगामात बुधवारी रायपूर येथे खेळवण्यात आलेल्या अटीतटीच्या सामन्यात रॉयल चॅलेंजर्स बंगळुरूने (RCB) कोलकाता नाईट रायडर्सचा (KKR) ६ गडी राखून पराभव केला. केकेआरने विजयासाठी दिलेल्या १९३ धावांच्या आव्हानाचा पाठलाग करताना विराट कोहलीने अवघ्या ६० चेंडूत ११ चौकार आणि ३ षटकारांसह नाबाद १०५ धावांची खेळी करत यंदाच्या हंगामातील आपले पहिले आणि आयपीएल कारकिर्दीतील नववे शतक झळकावले. या कामगिरीमुळे विराटला 'सामनावीर' पुरस्काराने गौरवण्यात आले. याच सामन्यात केकेआरच्या मनिष पांडेने टिम डेव्हिडचा घेतलेला अफलातून कॅच चर्चेचा विषय ठरला असला, तरी कोहलीच्या शतकी खेळीमुळे आरसीबीने गुणतालिकेत अव्वल स्थानी झेप घेतली आहे.

14 May 2026 08:37 AM (IST)

 Hadapsar Hospital Bomb Scare: हडपसरमधील उषाकिरण हॉस्पिटल'च्या बाथरूममध्ये बॉम्बसदृश वस्तू 

 Hadapsar Hospital Bomb Scare:  पुण्यातील हडपसर परिसरातील मुख्य बाजारपेठेत असलेल्या उषाकिरण हॉस्पिटलमध्ये गुरुवारी सायंकाळी बाथरूममधील बेसिनखाली टायमर बॉम्बसदृश वस्तू आढळून आल्याने प्रचंड भीतीचे वातावरण निर्माण झाले होते. घटनेची माहिती मिळताच पुणे पोलिसांच्या बॉम्ब शोधक आणि नाशक पथकाने (BDDS) तातडीने धाव घेत ही संशयास्पद वस्तू सुरक्षितरीत्या ताब्यात घेऊन मोकळ्या मैदानात निकामी केली, ज्यामुळे मोठा धोका टळला आहे. सीसीटीव्ही फुटेजच्या प्राथमिक तपासात एक संशयास्पद व्यक्ती इलेक्ट्रिक दुचाकीवरून येऊन बाथरूममध्ये ही वस्तू ठेवताना दिसून आली असून, पोलीस आता या व्यक्तीचा आणि या कृत्यामागच्या हेतूचा कसून शोध घेत आहेत.

14 May 2026 08:32 AM (IST)

 Satara Storm Damage: साताऱ्यातील लक्ष्मी टेकडी परिसरात वादळाचा तडाखा 

 Satara Storm Damage:  सातारा शहरासह परिसरात झालेल्या मुसळधार पाऊस आणि वादळी वाऱ्यामुळे लक्ष्मी टेकडी भागातील जनजीवन विस्कळीत झाले असून सुमारे ३० ते ४० घरांचे प्रचंड नुकसान झाले आहे. वेगवान वाऱ्यामुळे अनेक घरांवरील पत्रे उडून गेल्याने नागरिकांचे संसार उघड्यावर पडले असून, घरातील धान्यासोबतच मुलांचे शैक्षणिक साहित्यही भिजून नुकसान झाले आहे. अनेक ठिकाणी घरांवर झाडे आणि विद्युत पोल कोसळल्याने धोका निर्माण झाला असून, प्रशासकीय अधिकाऱ्यांनी रात्री पाहणी केली असली तरी अद्याप कोणतीही ठोस मदत मिळालेली नाही. आपदग्रस्तांना तातडीने आर्थिक मदत आणि निवारण मिळावे, अशी मागणी स्थानिक रहिवाशांकडून केली जात आहे.

14 May 2026 08:29 AM (IST)

Ashok Kharat charge sheet-  भोंदू अशोक खरात प्रकरणांत १२०० पानांचे दोषारोपपत्र दाखल

Ashok Kharat charge sheet-  नाशिकचा भोंदू बाबा अशोक खरात याच्या काळ्या कारनाम्यांविरुद्ध विशेष तपास पथकाने (SIT) कडक पावले उचलली असून, न्यायालयात दोन महत्त्वाच्या गुन्ह्यांत दोषारोपपत्र दाखल केले आहे. खरातवर दाखल असलेल्या एकूण ९ गुन्ह्यांचा तपास एसआयटी करत असून, त्यापैकी महिला अत्याचाराच्या दोन प्रकरणांमध्ये अनुक्रमे ७५० आणि ४५० अशा एकूण १२०० पानांच्या दोषारोपपत्राचा यात समावेश आहे. भोंदूगिरीच्या नावाखाली महिलांचे शोषण करणाऱ्या खरातच्या उर्वरित गुन्ह्यांचे दोषारोपपत्रही लवकरच सादर केले जाणार असून, या कायदेशीर कारवाईमुळे त्याच्या कोठडीतील मुक्काम वाढण्याची शक्यता आहे.