Pune News: दीनानाथ मंगेशकर रूग्णालयावर कारवाई कधी होणार? आरोग्यमंत्र्यांनी स्पष्टच सांगितलं; म्हणाले…

दिनानाथ मंगेशकर रुग्णालयातील घटनेचा ससून रुग्णालयाच्या उच्च स्तरीय समितीचा अहवाल प्राप्त होईल. त्यात कोणी दोषी असेल तर कारवाई केली जाणार आहे, असे राज्य महिला आयोगाच्या अध्यक्षा रुपाली चाकणकर यांनी म्हटले आहे.

दीनानाथ मंगेशकर रूग्णालयावर कारवाई कधी होणार (फोटो- सोशल मिडिया)

Follow Us:

Follow Us:

पुणे: काही दिवसांपूर्वी पुण्यातील दीनानाथ मंगेशकर रूग्णालयात गर्भवती महिलेचा उपचार न मिळाल्याने मृत्यू झाला होता. या प्रकरणानंतर राज्यभरतून संताप व्यक्त केला जात आहे. तसेच मंगेशकर रूग्णालयावर कारवाई कधी केली जाणार? असा सवाल आता नागरिक उपस्थित करत आहेत. दरम्यान आता राज्याचे आरोग्यमंत्री प्रकाश आबिटकर यांनी प्रतिक्रिया दिली आहे.

राज्य सरकारने या प्रकरणाची गंभीर दखल घेतली आहे. तीन विभागाकडून मंगेशकर रूग्णालयाची चौकशी केली जात आहे. यावर आता  आरोग्यमंत्री प्रकाश आबिटकर यांनी प्रतिक्रिया दिली आहे.  रूग्णालयाची चौकशी सुरू आहे. हे रूग्णालय धर्मादाय कायद्याच्या अंतर्गत सुरू झाले आहे. राज्याचा कायदा विभाग देखील त्याची चौकशी करत आहे, असे आरोग्यमंत्री म्हणाले.

कायदा विभाग, आरोग्य विभाग आणि ससून रूग्णालयाचा अहवाल प्राप्त झाल्यावर दीनानाथ मंगेशकर रूग्णालयावर कारवाई केली जाईल. रूग्णाला ज्या पद्धतीने त्रास झाल्या त्यामुळे कारवाई व्हावि अशी मागणी आहे. मात्र वस्तुस्थिती पाहूनच कारवाई केली जाईल. पुढील काही दिवसांत अहवाल  प्राप्त होईल. त्यानंतरच कारवाई संदर्भात पावले उचलली जातील, असे आरोग्यमंत्री प्रकाश आबिटकर म्हणाले.

काय आहे ससूनचा अहवाल?

ससून रूग्णालयाने या प्रकरणातील 6 पानी अहवाल पुणे पोलिसांकडे सादर केला आहे.ससून रूग्णालयाच्या वैद्यकीय समितीने मंगेशकर रूग्णालय घटनेतील 6 पानांचा अहवाल सादर केला आहे. या अहवालात समितीने दीनानाथ मंगेशकर रूग्णालय आणि डॉक्टर सुश्रुत घैसास यांच्यावर ठपका ठेवण्यात आला नसल्याचे समोर येत आहे. अहवाल सादर झाल्यानंतर पुणे पोलिसांनी ससून रूग्णालयाकडे चार गोष्टींबाबत अभिप्राय मागितला आहे.

Pune News: गर्भवती महिलेच्या मृत्यूप्रकरणात मंगेशकर रूग्णालयासह डॉ. घैसासांवर ठपका? काय आहे ससूनचा अहवाल?

Web Title: Maharashtra health minister prakash abitkar statement on action against mangeshkar hospital case pune news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com