Top Marathi News today Live : नव्या वर्षात प्रशासनात बदल्यांचं सत्र; ‘या’ 10 IAS अधिकाऱ्यांची ट्रान्सफर

02 Jan 2025 09:55 PM (IST)

नव्या वर्षात प्रशासनात बदल्यांचं सत्र; 'या' 10 IAS अधिकाऱ्यांची ट्रान्सफर

महाराष्ट्रात सत्ता बदलताच प्रशासनात बदल्यांचं सत्र सुरू झालं आहे. गेल्या काही दिवसात सातत्याने सनदी अधिकाऱ्यांच्या बदल्या होत आहेत. त्यात आता आणखी १० सनदी अधिकाऱ्यांच्या बदल्या करण्यात आल्या आहेत. पुणे, सातारा अशा विविध जिल्हाधिकारीपदांचाही यात समावेश आहे. या आठवड्याभरात सनदी अधिकारी हर्षदीप कांबळे यांची दुसऱ्यांदा बदली झाली आहे.

राज्य सरकारने नुकतीच नियुक्त केलेले मुंबईतील बेस्टचे महाव्यवस्थापक हर्षवर्धन कांबळे यांची पुन्हा बदली झाली आहे. सातारा जिल्हाधिकारी यांची आता पुणे जिल्हाधिकारी म्हणून नियुक्ती करण्यात आली आहे. त्याचबरोब इतर विभागातही बदल्या झाल्या आहेत. मागील काही दिवसांत राज्यात अधिकाऱ्यांच्या बदल्यांची लाट पाहायला मिळत आहे.

02 Jan 2025 09:35 PM (IST)

दक्षिण मध्य रेल्वे (SCR) अप्रेंटिस भरती २०२४-२५: त्वरित करा अर्ज

दक्षिण मध्य रेल्वेने (SCR) अप्रेंटिस कायदा, 1961 आणि अप्रेंटिसशिप नियम, 1962 अंतर्गत अप्रेंटिस पदासाठी भरती प्रक्रिया सुरू केली आहे. यासाठी अधिकृत अधिसूचना जारी करण्यात आली आहे. या भरतीद्वारे विविध ट्रेडमधील एकूण 4232 रिक्त जागा भरल्या जाणार आहेत. इच्छुक उमेदवार 28 डिसेंबर 2024 पासून 27 जानेवारी 2025 पर्यंत ऑनलाइन पद्धतीने अर्ज करू शकतात. काही पात्रता निकषांना पात्र करणे अनिवार्य आहे.

02 Jan 2025 09:02 PM (IST)

कोण आहे जब्बार? ज्याने अमेरिकेत गोळीबार करुन माजवली दहशत, जाणून घ्या

अमेरिकेच्या न्यू ऑर्लियन्स शहरात नववर्षाच्या उत्सवादरम्यान झालेल्या हल्ल्याने संपूर्ण देश हादरून गेला आहे. 1 जानेवारी 2025 रोजी बॉर्बन स्ट्रीटवर एका शख्साने पिकअप ट्रकने गर्दीत घुसून गोळीबार केला. या हल्ल्यात 15 जणांचा मृत्यू झाला आणि अनेक जखमी झाले. हल्लेखोराच्या वाहनामध्ये इस्लामिक स्टेट (IS) चे झेंडे आढळल्यामुळे या प्रकरणाची गांभीर्याने चौकशी सुरू आहे.

02 Jan 2025 08:02 PM (IST)

कामोठे येथे घडला अनोखा प्रकार; समलैंगिक संबंधाच्या मागणीतून करण्यात आली हत्या

सावन वैश्य | नवी मुंबई:- कामोठे सेक्टर 6, मधील ड्रीम्स सोसायटीतील एका घरातून गॅसचा वास येत असल्याने, तेथील नागरिकांनी पोलिसांना माहिती दिल्यावर दरवाजा उघडल्यावर घरात आई आणि मुलाचा मृतदेह आढळून आला. पोलिसांनी गुप्त बातमीदार व तांत्रिक तपासाच्या आधारावर 24 तासात दोन आरोपींना बेड्या ठोकल्या आहेत. नवीन वर्षाच्या पहिल्याच दिवशी नवी मुंबईतला हादरवून टाकलेली एक घटना घडली होती. कामोठेतील एका घरात आई व मुलाचा मृतदेह आढळून आल्याने परिसरात हळहळ व्यक्त होत होती. कामोठे सेक्टर 6 मधील ड्रीम्स सोसायटीतील एका घरातून गॅसचा वास येत होता. त्यामुळे तेथील नागरिकांनी पोलिसांना याबाबत कल्पना दिली.

02 Jan 2025 07:08 PM (IST)

होंडाने लाँच केला ऍक्टिवाचा इलेकट्रीक व्हर्जन; बुकिंग करण्याची केली सुरुवात

होंडा मोटारसायकल अँड स्कुटर इंडियाने आपला नवीन इलेक्ट्रिक स्कुटर ACTIVA e: आणि QC1ची बुकिंग घेण्यास सुरुवात केली आहे. नव्या वर्षाच्या सुरुवातीला या नव्या E-Scooter ग्राहकांच्या भेटीस सज्ज झाल्या आहेत. या E-Scooter ला खरेदी करण्यास इच्छुक असणाऱ्या ग्राहकांसाठी महत्वाची बातमी आहे कि या गाड्या दिल्ली, मुंबई, पुणे, बेंगळुरू, हैद्राबाद तसेच चंदीगडमध्ये उपल्बध आहेत. मुळात, या गाड्यांना बुकिंग करण्यासाठी १,००० रक्कम आकारण्यात येणार आहे. जानेवारी २०२५ मध्ये या गाड्यांच्या किंमती जाहीर केल्या जातील. तर डिलेव्हरी फेब्रुवारी २०२५ मध्ये होण्याची शक्यता आहे.

02 Jan 2025 06:24 PM (IST)

भारताची 10 हजार वर्षे जुनी संस्कृती काश्मीरमध्येही होती: केंद्रीय गृहमंत्री अमित शाह

दिल्लीत 'J&K आणि लडाख थ्रू द एजेस' या पुस्तकाच्या प्रकाशनप्रसंगी केंद्रीय गृहमंत्री अमित शाह म्हणाले, 'भारताला समजून घेण्यासाठी आपल्याला आपल्या देशाला जोडणारी वस्तुस्थिती समजून घेतली पाहिजे. सर्व प्रदेशांमध्ये पसरलेली भारताची 10,000 वर्षे जुनी संस्कृती काश्मीरमध्येही होती. 8000 वर्षे जुन्या पुस्तकांमध्ये काश्मीर आणि झेलमचा उल्लेख असताना ते काश्मीर कोणाचे आहे यावर कोणीही भाष्य करू शकत नाही. काश्मीर हा भारताचा अविभाज्य भाग आहे आणि तो नेहमीच राहिला आहे. कायद्याच्या कलमांचा वापर करून कोणीही ते बाजूला ठेवू शकत नाही. कायद्याचा वापर करून ते वेगळे करण्याचे प्रयत्न झाले पण कालांतराने ती कलमे रद्द करण्यात आली आणि सर्व अडथळे दूर झाले.

02 Jan 2025 05:23 PM (IST)

मनमोहन सिंग यांच्या नावावर डीयूमधील कॉलेजचे नाव देण्याची मागणी करणारे एनएसयूआयचे पंतप्रधान मोदींना पत्र

नॅशनल स्टुडंट्स युनियन ऑफ इंडिया (NSUI) ने पंतप्रधान मोदींना पत्र लिहून दिल्ली विद्यापीठाच्या अंतर्गत असलेल्या महाविद्यालयाला दिवंगत माजी पंतप्रधान डॉ. मनमोहन सिंग यांचे नाव देण्याची मागणी केली आहे. केंद्रीय विद्यापीठाला डॉ.मनमोहन सिंग यांचे नाव देण्यात यावे आणि त्यांच्या जीवन प्रवासाचा अभ्यासक्रमात समावेश करावा, अशी मागणीही एनएसयूआयने केली आहे.

02 Jan 2025 05:14 PM (IST)

संतोष देशमुख हत्येप्रकरणी फरार असलेल्या कृष्णा आंधळेच्या कुटुंबियांची चौकशी

संतोष देशमुख हत्येप्रकरणी फरार असलेल्या कृष्णा आंधळेच्या कुटुंबियांची चौकशी करण्यात येत आहे.एसआयटी पथकाकडून कृष्णा आंधळेच्या कुटुंबियांची चौकशी

02 Jan 2025 04:17 PM (IST)

तुमच्यात ताकद असेल तर माझ्या छातीवर गोळी मारा… उत्तर प्रदेशचे मंत्री आशिष पटेल यांचे एसटीएफला आव्हान

उत्तर प्रदेश सरकारचे मंत्री आशिष पटेल एसटीएफबाबत सातत्याने प्रश्न उपस्थित करत आहेत. आता तो म्हणाला, तू पायात गोळी मार, क्षमता असेल तर माझ्या छातीत गोळी मार. मी कोणाला घाबरत नाही. माझी चूक आहे की मी वंचित वर्गाला प्रोत्साहन दिले. मी अशाच चुका करत राहीन. मी घाबरणार नाही, तुमच्याकडे व्यवस्था आहे आणि माझ्याकडे लोकशाही आहे. लोकशाही सोबत असेल तेव्हा व्यवस्थेला घाबरण्याची गरज नाही.

02 Jan 2025 03:36 PM (IST)

मनू भाकर आणि डी गुकेश यांना मेजर ध्यानचंद खेलरत्न पुरस्कार

ऑलिम्पिक पदक विजेता मनू भाकर आणि बुद्धिबळ विश्वविजेता डी गुकेश यांना ध्यानचंद खेलरत्न पुरस्कार प्रदान करण्यात येणार आहे. मनू भाकरने पॅरिस ऑलिम्पिक 2024 मध्ये दोन कांस्यपदके जिंकली, तर डी गुकेशने बुद्धिबळ वर्ल्ड चॅम्पियनशिप जिंकली.

02 Jan 2025 02:27 PM (IST)

उत्कर्ष सिव्हिल सर्व्हिसेस कोचिंग इन्स्टिट्यूटवर आयकराचा छापा

राजस्थानमधील जयपूरमध्ये आयकर विभागाने कथित करचुकवेगिरीप्रकरणी उत्कर्ष सिव्हिल सर्व्हिसेस कोचिंग इन्स्टिट्यूटवर छापा टाकला. राजस्थानमधील जयपूरमध्ये आयकर विभागाने कथित करचुकवेगिरीप्रकरणी उत्कर्ष सिव्हिल सर्व्हिसेस कोचिंग इन्स्टिट्यूटवर छापा टाकला. जयपूर व्यतिरिक्त, उत्कर्ष कोचिंगचा विस्तार प्रयागराज, लखनौसह अनेक ठिकाणी झाला आहे. या छाप्यात संस्थेच्या देशभरातील 19 ठिकाणांचा समावेश होता.

02 Jan 2025 01:07 PM (IST)

मुंबई जिल्हा मध्यवर्ती बँकेत वैयक्तिक खाते उघडण्यास मंजुरी

राज्य मंत्रिमंडळाच्या बैठकीत महत्त्वाचा निर्णय घेण्यात आला असून मुंबई जिल्हा मध्यवर्ती बँकेत वैयक्तिक खाते उघडण्यास मंजुरी देण्यात आली आहे. शासकीय कर्मचाऱ्यांचे वेतन मुंबै जिल्हा बँकेतून होणार आहे.

02 Jan 2025 11:44 AM (IST)

मंदिर-मशीद वाद: ओवेसींच्या याचिकेवर सर्वोच्च न्यायालयात १७ फेब्रुवारीला सुनावणी

मंदिर-मशीद वादाबाबत असदुद्दीन ओवेसी यांच्या याचिकेवर आता सर्वोच्च न्यायालयात १७ फेब्रुवारीला सुनावणी होणार आहे. या याचिकेत प्रार्थनास्थळ कायदा 1991 ची कठोर अंमलबजावणी करण्याची मागणी करण्यात आली आहे.

02 Jan 2025 11:07 AM (IST)

कल्याण घटनेतील आरोपी विशाल गवळीला आज कल्याण न्यायालयात हजर करणार

आरोपी विशाल गवळीची पोलीस कोठडी आज संपणार आहे. आरोपी विशालने 13 वर्षीय मुलीचे अपहरण करून हत्या केली होती. अपहरण करून विशालने मुलीवर अत्याचार केला होता. या प्रकरणात ज्येष्ठ सरकारी वकील उज्ज्वल निकम यांची नेमणूक करण्यात आली.

02 Jan 2025 11:06 AM (IST)

उज्जैनहून दिल्लीला जाणाऱ्या बसला दौसा येथे भीषण अपघात, ४५ प्रवासी जखमी

दिल्ली-मुंबई द्रुतगती मार्गावर धुक्यामुळे मोठा अपघात झाला. दौसा येथे दृश्यमानता कमी असल्याने प्रथम ट्रक आणि ट्रेलरमध्ये धडक झाली, त्यानंतर पाठीमागून येणारी बस त्यावर धडकली. बसमधील सुमारे 45 प्रवासी जखमी झाले. 20 हून अधिक जणांना दौसा जिल्हा रुग्णालयात दाखल करण्यात आले, चौघांना जयपूरला रेफर करण्यात आले आणि काही जखमींना उपचारासाठी नोएडा आणि दिल्लीला पाठवण्यात आले.