Top Marathi News Today: हल्ल्यानंतर भारताने पाकिस्तानच्या मुसक्या आवळल्या

24 Apr 2025 06:35 PM (IST)

नरेश मस्के यांचे अडकलेल्या प्रवाशांबाबत वादग्रस्त विधान

जम्मू काश्मीरमध्ये अडकलेल्या पर्यटकांना आणण्यासाठी उपमुख्यमंत्री एकनाथ शिंदे हे काश्मीरला गेले आहेत. मात्र कधीही विमानाने न बसलेल्या आणि रेल्वेने गेलेल्या प्रवाशांना शिंदेंनी विमानामध्ये बसवून आणलं असं अपमानस्पद वक्तव्य खासदार नरेश मस्के यांनी केले आहे.

24 Apr 2025 05:55 PM (IST)

मावळमध्ये राष्ट्रवादीचे महागाईविरोधात आंदोलन

वाढत्या महागाईच्या विरोधात राष्ट्रवादी कॉंग्रेस शरद पवार गट आक्रमक झाला आहे. मावळ तालुक्यात राष्ट्रवादी काँग्रेस शरदचंद्र पवार पक्षाच्या वतीने गुरूवारी (दि.24)  वडगाव मावळ तहसील कार्यालयासमोर आंदोलन करण्यात आले.

24 Apr 2025 05:37 PM (IST)

भारतीय बीएसफ जवान पाकिस्तानच्या ताब्यात

भारतीय बीएसफ जवान पाकिस्तानी ताब्यात  घेतलंच्या माहिती मिळत आहे. बीएसएफ कॉन्स्टेबल पी. के. सिंग यांना पाकिस्तानी रेंजर्सने ताब्यात घेतलं आहे.

24 Apr 2025 05:22 PM (IST)

कात्रजच्या घाटात दरीमध्ये ट्रक पडल्याची घटना

पुण्यातील कात्रज जुन्या बोगद्या अलिकडे दरीमध्ये ट्रक व वाहनचालक पडल्याची घटना घडली आहे. यानंतरअग्निशमन दलाच्या जवानांनी तत्परतेने  जखमी अवस्थेमध्ये असलेल्या वाहनचालकास दरीमधून वर काढले. तसेच शासकीय रुग्णवाहिकेमधून रुग्णालयात रवाना केले आहे.

24 Apr 2025 05:14 PM (IST)

हल्ल्याच्या विरोधात पाचगणी टेबल लँड बंद

या दहशतवादी हल्ल्याच्या निषेधार्थ आज (दि.24) पर्यटन स्थळ पांचगणी येथील टेबल लँड व्यापाऱ्यांनी आपली दुकाने बंद ठेवत आपला निषेध व्यक्त केला. त्याचबरोबर पोलीस ठाण्यात निवेदन देऊन ही कृती करणाऱ्यांवर तातडीने कारवाई करावी अशी मागणी केली. वाचा सविस्तर 

24 Apr 2025 04:42 PM (IST)

असदुद्दीन ओवैसी यांना सर्वपक्षीय बैठकीचे आमंत्रण

पहलगाम येथे झालेल्या हल्ल्यानंतर पंतप्रधान नरेंद्र मोदी यांनी सर्वपक्षीय बैठक बोलावली आहे. या बैठकीला उशीरा का होईना असदुद्दीन ओवैसी यांच्या AIMIM पक्षाला देखील आमंत्रण देण्यात आले आहे. त्यांनी निमंत्रण न दिल्याने नाराजी व्यक्त केली होती.

#WATCH | | Hyderabad, Telangana: On the all-party meeting called over #PahalgamTerroristAttack, AIMIM Chief Asaduddin Owaisi says, "The reason for which the all-party meeting is called is of national importance. The Home Minister just called me and asked where I am. He has asked… pic.twitter.com/MnKF9TjiEe

— ANI (@ANI) April 24, 2025

24 Apr 2025 03:59 PM (IST)

डोंबिवलीत हॉटेल बंदचे आवाहन

दहशतवादी हल्ल्यानिषेधार्थ राज्यभरामध्ये आंदोलन केली जात आहेत. अनेकांनी विविध पद्धतीने निषेध दर्शवला आहे. डोंबिवलीत हॉटेल बंद आवाहन करण्यात आले आहे.

DOMBIVALI : दहशतवादी हल्ल्यानिषेधार्थ डोंबिवलीत हॉटेल बंद आवाहन | NAVARASHTRA#Dombivali #Protest #MarathiNews pic.twitter.com/ZCIa05TniH

— Navarashtra (@navarashtra) April 24, 2025

24 Apr 2025 03:50 PM (IST)

पुण्यामध्ये घरातील किचनमध्ये लागली आग

चंदननगर येथील भाजी मंडई जवळ असणाऱ्या तीन मजली इमारतीत दुसऱ्या मजल्यावरील एका घरात किचनमध्ये आग लागल्याची घटना घडली आहे. अग्निशमन दलाकडून तीन वाहने दाखल झाले असून आग विझवण्याचे काम सुरु आहे.

24 Apr 2025 03:07 PM (IST)

भारताच्या सर्व युद्धनौकांना अलर्ट; नौसैनिक, अधिकाऱ्यांच्या सुट्ट्या रद्द

जम्मू काश्मीरमध्ये करण्यात आलेल्या भ्याड हल्ल्यानंतर भारत सरकारनं पाकिस्तानला धडा शिकवण्यासाठी अतिशय कठोर पावलं उचलली आहेत. पाकिस्तानशी सर्व स्तरावर संबंध तोडण्यात आले असून त्यांचे पाणीही बंद करण्याचा निर्णय घेतला आहे. यामुळे पाकिस्तानने आपल्या युद्ध नौका समुद्रात उतरवल्या आहेत. दरम्यान भारतानेही सर्व युद्धनौकांना अलर्ट मोडवर ठेवले असून नौसैनिक, अधिकाऱ्यांच्या सुट्ट्या रद्द केल्या आहेत.

24 Apr 2025 02:42 PM (IST)

पोलादपूरमध्ये जाळला पाकिस्तानचा झेंडा

पहलगाममध्ये झालेल्या दहशतवादी हल्ल्यामुळे देशभरातून तीव्र पडसाद उमटत आहेत. पोलादपूरमध्ये पहलगमा हल्ल्याच्या निषेधार्थ पाकिस्तान ध्वजदहन करण्यात आले.

पोलादपूरमध्ये पहलगमा हल्ल्याच्या निषेधार्थ पाकिस्तान ध्वजदहन#PoladpurProtest #PahalgamAttack #MarathiNews pic.twitter.com/MnxIfceL48

— Navarashtra (@navarashtra) April 24, 2025

24 Apr 2025 02:35 PM (IST)

अग्निशमन दलाचे फायर मॉक ड्रिल सादर

आगीची घटनेची गंभीर परिस्थिती कधीही उद्भवू शकते. याबाबत सामान्य नागरिक देखील सतर्क आणि सजग असावे या हेतून अग्निशमन दल प्रयत्नशील असते. याच पार्श्वभूमीवर अंबरनाथ नगरपालिकेसमोर अग्निशमन दलाचे फायर मॉक ड्रिल सादर करण्यात आले.

Ambernath : अंबरनाथ नगरपालिकेसमोर अग्निशमन दलाचे फायर मॉक ड्रिल | Navarashtra#Ambernath #FireDepartmentAction #MarathiNews pic.twitter.com/rY95rx6cWd

— Navarashtra (@navarashtra) April 24, 2025

24 Apr 2025 02:33 PM (IST)

कर्जत सावेळे गावात दिवसाढवळ्या गोहत्या

कर्जत तालुक्यातील सावेळे गावामध्ये एका मुस्लिम कुटुंबातील तरुणाकडून दिवसाढवळ्या गोहत्या करत असताना गोरक्षक यांनी पाहिले. त्यानंतर १५ मिनिटात कर्जत पोलीस त्या ठिकाणी पोहचले आणि निर्माण झालेली तणावाची परिस्थिती नियंत्रणात आणली. दरम्यान,गायीची कत्तल करण्याप्रकरणी कर्जत पोलिसांनी अलकाज पटेल या तरुणाला ताब्यात घेतले असून अन्य सात पशूंची कत्तल होण्यापासून सुटका करून गोशालेत दाखल केले आहे.

24 Apr 2025 02:32 PM (IST)

पहलगाम हल्ल्याविरोधात राष्ट्रवादी आक्रमक

मुंबईमध्ये जम्मू काश्मिरमधील पहलगाम येथील हल्ल्याच्या निषेधार्थ राष्ट्रवादी कॉंग्रेस पक्षाचे आंदोलन केले. आज सर्व भारतीयांच्या मनात चीड आहे. निष्पाप पर्यटकांवर हल्ला केला गेला, अशा भावना सुनील तटकरे यांनी व्यक्त केल्या आहेत.

24 Apr 2025 02:12 PM (IST)

शरद पवारांनी घेतले गणबोटे परिवाराची भेट

पहलगाम मधील दहशदवादी हल्ल्यामध्ये पुण्यातील संतोष जगदाळे व कौस्तुभ गनबोटे यांचा मृत्यू झाला आहे. त्यांच्या कुटुंबियांची राज्यसभा खासदार शरद पवार यांनी सांत्वनपर भेट घेतली आहे. वाचा सविस्तर

24 Apr 2025 02:01 PM (IST)

पहलगाम हल्ल्यातील आरोपींवर प्रत्येकी २० लाखांचे बक्षीस

जम्मू आणि काश्मीर पोलिसांनी पहलगाम दहशतवादी हल्ल्यातील आरोपी ३ दहशतवाद्यांना बक्षीस रक्कम जाहीर केली आहे, ज्यांचे रेखाचित्र प्रसिद्ध झाले आहेत. तिन्ही दहशतवाद्यांवर प्रत्येकी २० लाख रुपयांचे बक्षीस ठेवण्यात आले आहे.

24 Apr 2025 01:29 PM (IST)

पहलगाम हल्ल्यानंतर पाकिस्तानला ‘स्ट्राईक’ची भिती; लोकांनी गुगलवर सर्वात जास्त सर्च केलं ‘हे’ शब्द

Pakistan Google Trends: भारताच्या जम्मू-काश्मीर येथील पहलगाम पर्यटन स्थळी झालेल्या दहशतवादी हल्ल्याने केवळ भारतच नव्हे तर संपूर्ण जग हादरले आहे. या हल्ल्यामुळे भारतीयांमध्ये पाकिस्तानविरोधात संतापाची लाट उसळली आहे. अनेकांनी सोशल मीडियावर पाकिस्तानविरोधत कडक कारवाईची मागणी केली आहे, जेणेकरुन पाकिस्तान भविष्यात अशी चूक करण्याचे धाडसही करणार नाही.याच वेळी पाकिस्तानतही याचा परिणाम पाहायला मिळत आहे. पाकिस्तानी लोकांमध्ये भीतीचे वातावरण असून गुगलवर सर्वात जास्त हलगाम हल्ला, भारताचा बदला, काश्मीर हल्ला असे कीवर्ड्स सर्च केले जात आहेत.

संपूर्ण प्रकरण वाचण्यासाठी येथे क्लिक करा 

24 Apr 2025 12:59 PM (IST)

साफसफाईकडे पालिकेचं दुर्लक्ष ; नाला तुंबल्यामुळे ठाणेकर आक्रमक

रुस्तमजी परिसरातील नाला तुंबल्याने तो जणू रस्ताच झाला असून बाळकुम दादलानी परिसरातील नाल्याची स्थिती दयनीय झाली आहे. पूर्वीसारखी नालेसफाई यंदा झाली तर ठाणेकर अधिकारी आणि ठेकेदारांना सोडणार नाही, असा इशारा आमदार संजय केळकर यांनी दिला.

24 Apr 2025 12:57 PM (IST)

नेरळमध्ये पहलगाम हल्ल्याचा निषेध

पहलगाममध्ये झालेल्या दहशदवादी हल्ल्यामुळे देशभरातून रोष व्यक्त करण्यात येत आहे. राज्यातील सहा जणांचा यामध्ये मृत्यू झाला आहे. नेरळमध्ये शिवसेना ठाकरे पक्षाकडून पहलगाम हल्ल्याचा निषेध करण्यात आला आहे. यावेळी काळे पोस्टर दाखवून दहशदवादी हल्ल्यांचा निषेध व्यक्त करण्यात आला आहे.

Neral : नेरळमध्ये शिवसेना ठाकरे पक्षाकडून पहलगाम हल्ल्याचा निषेध | Navarashtra#Neral #PahalgamAttackProtest #MarathiNews pic.twitter.com/B8c13b6ARd

— Navarashtra (@navarashtra) April 24, 2025

24 Apr 2025 12:55 PM (IST)

जम्मू-काश्मीरमध्ये पुन्हा दहशतवाद्यांशी चकमक

जम्मू आणि कश्मीरच्या उधमपूर जिल्ह्यात लपलेल्या दहशतवाद्यांची माहिती सुरक्षा दलांना मिळाल्यानंतर त्यांनी या भागाला घेरले. त्यानंतर दहशतवाद्यांनी गोळीबार सुरू केला. यात एक जवान शहीद झाला. त्यानंतर चकमक सुरू झाली, अशी माहिती लष्कराने दिली आहे.

24 Apr 2025 12:50 PM (IST)

काश्मीर ते महाराष्ट्र अडकलेल्या पर्यटकांसाठी खास विमानसेवा

पहलगाम येथे झालेल्या दहशदवादी हल्ल्यानंतर जम्मू -काश्मीरमध्ये महाराष्ट्रातील अनेक पर्यटक अडकले आहेत. त्यांना सुखरुप राज्यामध्ये परत आणण्यासाठी महाराष्ट्र सरकारने विमानसेवा देण्याचा निर्णय घेतला आहे. पहिल्या 100 पर्यटकांची यादी मुख्यमंत्री देवेंद्र फडणवीस यांनी जाहीर केली आहे.

काश्मिरातील महाराष्ट्राच्या नागरिकांना परत आणण्यासाठी आणखी एका विशेष विमानाची व्यवस्था झाली आहे. एअर इंडियाचे हे विमान महाराष्ट्रातील 100 पर्यटकांना घेऊन आज मुंबईला येईल. या विमानातील प्रवाशांची यादी सोबत जोडली आहे.
मुख्यमंत्री देवेंद्र फडणवीस यांनी निर्देश दिल्यानंतर आज 2 विशेष… pic.twitter.com/WqRdPkWs2L

— CMO Maharashtra (@CMOMaharashtra) April 24, 2025

24 Apr 2025 12:45 PM (IST)

कश्मीरमध्ये झालेल्या दहशतवादी हल्ल्याच्या विरोधात डोंबिवली बंद

पहलगाममध्ये झालेल्या दहशतवादी हल्ल्याचा निषेध करण्यासाठी ठाकरे गटाने डोंबिवली बंद हाक पुकारली आहे. याचपार्श्वभूमीवर डोंबिवलीतीला दुकानं बंद ठेवण्यात आली आहे.

24 Apr 2025 12:42 PM (IST)

पंतप्रधानांकडून दहशतवादी हल्ल्यातील मृतांना श्रद्धांजली

पंतप्रधान नरेंद्र मोदी यांनी भाषणाआधी दोन मिनिटे मौन बाळगले. तसेच दहशतवादी हल्ल्यातील मृतांना श्रद्धांजली वाहिली.

24 Apr 2025 12:38 PM (IST)

नवी दिल्लीत पाकिस्तीन उच्चयुक्तालयाबाहेर आंदोलन

पहलगाम दहशतवाद्यांच्या हल्ल्यानंतर  गेल्या अर्ध्या तासापासून नवी दिल्लीत पाकिस्तीन उच्चयुक्तालयाबाहेर आंदोलन करण्यात येत आहे. लोकांची बॅरिकेडवर चढून  निदर्शन करण्यात आले.

24 Apr 2025 11:47 AM (IST)

एकनाथ शिंदेंनी घेतली श्रीनगरमध्ये अडकलेल्यांची भेट

महाराष्ट्राचे उपमुख्यमंत्री एकनाथ शिंदे यांनी पहलगाम येथे झालेल्या दहशदवादी हल्ल्यानंतर जम्मू -काश्मीर दौरा केला आहे. एकनाथ शिंदे यांनी श्रीनगरमध्ये अडकलेल्या महाराष्ट्रातील पर्यटकांची भेट घेतली आहे.

"संकटातही सोबत... शिवसेना तुमच्यासोबत!"
उपमुख्यमंत्री मा. एकनाथ शिंदे साहेब थेट श्रीनगरमध्ये — महाराष्ट्राच्या जनतेसाठी एक हात मदतीचा, विश्वासाचा!"@mieknathshinde #Shivsena #EknathShinde #PahalgamAttack #WithPeopleAlways pic.twitter.com/3Nmzxll142

— Ravindra Dhangekar Official (@DhangekarRavii) April 23, 2025

24 Apr 2025 11:16 AM (IST)

Pahalgam Terror Attack : पाकिस्तानचा अरबी समुद्रात क्षेपणास्त्रांचा सराव सुरू

पाकिस्तानच्या युद्धनौकांनी सुरू केलेला सराव, विशेषतः अत्याधुनिक क्षेपणास्त्र डागण्याचा सराव, हा भारताच्या हालचालींना उत्तर देण्यासाठी असल्याचे लष्करी विश्लेषकांचे म्हणणे आहे. हा सराव सामान्य सराव नसून, भारताला संदेश देण्याचा एक प्रयत्न असल्याचे मानले जाते. मात्र भारत या प्रकारच्या दडपणांना भीक घालणार नाही, असे स्पष्ट संकेत संरक्षण मंत्री राजनाथ सिंह यांनी दिले आहेत.

#BREAKING Pakistan announces live-fire naval drills for tomorrow, in the Arabian Sea, near its maritime border with India.@rwac48@arunp2810@SPS_Shahid@LancerFlying @goldenarcher @reportersujan @VishnuNDTV @ParthSatam pic.twitter.com/3rwADW3Nvo

— Sandeep Mukherjee (@Libertarian196) April 24, 2025

credit : social media

24 Apr 2025 11:12 AM (IST)

गृह मंत्रालयात उच्चस्तरीय बैठक सुरू

दिल्लीतील गृह मंत्रालयात गृह सचिवांसोबत RAW आणि IB च्या प्रमुखांची उच्चस्तरीय बैठक सुरू आहे. पहलगाम हल्ला आणि अंतर्गत सुरक्षा परिस्थितीबद्दल चर्चा आहे.

24 Apr 2025 10:58 AM (IST)

गणबोटे आणि जगदाळे यांना मुरलीधर मोहोळांनी वाहिली श्रद्धांजली

पहलगाम दहशदवादी हल्ल्यामध्ये पुण्यातील कौस्तुभ गणबोटे आणि संतोष जगदाळे यांच्या दुर्दैवी मृत्यू झाला. त्यांचे पार्थिव पहाटे निवासस्थानी आणण्यात आले. पुण्याचे खासदार मुरलीधर मोहोळ यांनी दोघांच्या पार्थिवाचे दर्शन घेऊन श्रद्धांजली वाहिली आहे,

 

View this post on Instagram

 

A post shared by Murlidhar Mohol (@murlidharkmohol)

24 Apr 2025 10:57 AM (IST)

काश्मिरमध्ये अडकलेल्या पर्यटकांना महाराष्ट्रात आणण्याची तयारी सुरु

काश्मीरमध्ये अडकलेल्या महाराष्ट्राच्या नागरिकांना परत आणण्यासाठी आणखी विशेष विमानाची व्यवस्था करण्यात आली आहे. एअर इंडियाचे हे विमान महाराष्ट्रातील 100 पर्यटकांना घेऊन गुरुवारी (दि.24) मुंबईला येणार आहे. काश्मीरमध्ये अडकलेल्या प्रवाशांना पुन्हा महाराष्ट्रात आणण्याची तयारी सुरु झाली आहे. त्यासाठी विमानाची व्यवस्था करण्यात आली आहे.

24 Apr 2025 10:54 AM (IST)

भाजपकडून आतंकवादी हल्ल्याचा निषेध

पहलगाम येथे झालेल्या दहशदवादी हल्ल्याचा देशभरातून निषेध व्यक्त करण्यात आला. भाजपाकडून नगर पुणे महामार्गावर आतंकवादी हल्ल्याचा निषेध करण्यात आला.

Ahilyanagar : भाजपाकडून नगर पुणे महामार्गावर आतंकवादी हल्ल्याचा निषेध | Navarashtra#Ahilyanagar #BJPProtest #MarathiNews pic.twitter.com/bm2lYNG00d

— Navarashtra (@navarashtra) April 23, 2025

24 Apr 2025 10:54 AM (IST)

क्रिकेटचा देव सचिन तेंडुलकरचा आज ५२ वा वाढदिवस 

आज क्रिकेटच्या देव म्हणजेच सचिन तेंडुलकरचा वाढदिवस आहे.  सचिन तेंडुलकर आज आपला ५२ वा वाढदिवस साजरा करत आहे. सचिन तेंडुलकरचा जन्म २४ एप्रिल १९७३ रोजी झाला. वाचा सविस्तर 

24 Apr 2025 10:48 AM (IST)

पाकिस्तानने सुरु केला क्षेपणास्त्र सराव

पहलगाम येथे झालेल्या दहशदवादी हल्ल्यामुळे भारताने आक्रमक भूमिका घेतली आहे. यामुळे पाकिस्तानची भंबेरी उडाली आहे. पाक नौदलाने २४ एप्रिलच्या सकाळपासून २५ एप्रिलच्या दुपारी ४ वाजेपर्यंत अरबी समुद्रात क्षेपणास्त्र डागण्याचा सराव सुरू केला आहे. पाकिस्तानने याची माहिती आंतरराष्ट्रीय सागरी सुरक्षा संस्था UKMTO (United Kingdom Maritime Trade Operations) ला दिली आहे.