NARI-2025 Report: महिलांसाठी देशातील सर्वात सुरक्षित शहर कोणते? NARI च्या अहवालातून धक्कादायक खुलासे

दिल्ली-कोलकाता-जयपूर नाही, तर ही शहरे महिलांसाठी सर्वात सुरक्षित! NARI च्या २०२५ च्या अहवालातून धक्कादायक निष्कर्ष समोर. तुमच्या शहराची सुरक्षा रँकिंग जाणून घेण्यासाठी वाचा सविस्तर बातमी.

Photo Credit- X

Follow Us:

Follow Us:

• देशातील सर्वात सुरक्षित आणि असुरक्षित शहरे
• NARI च्या अहवालातून धक्कादायक खुलासे
• महिलांनी सांगितले त्यांच्यावर झालेले अत्याचार

महिलांनी सांगितले त्यांच्यावर झालेले अत्याचार

NARI २०२५ च्या अहवालानुसार, २०२४ मध्ये ७% महिलांनी त्यांना होणाऱ्या अत्याचाराचा अनुभव सांगितला. यामध्ये डोळे वटारून पाहणे, छेडछाड करणे, अश्लील टिप्पणी आणि रस्त्यांवर स्पर्श करणे यांसारख्या घटनांचा समावेश आहे. १८ ते २४ वयोगटातील तरुणींना सुरक्षेच्या दृष्टीने सर्वाधिक धोका असल्याचे या अहवालात नमूद करण्यात आले आहे. राष्ट्रीय गुन्हे नोंदणी ब्युरो (NCRB) च्या २०२१ च्या आकडेवारीनुसार, महिलांवरील गुन्ह्यांच्या नोंदणीकृत प्रकरणांपेक्षा हा आकडा १०० पट जास्त आहे. महिलांनी या अत्याचारांसाठी अपुरे पायाभूत सुविधा, कमी प्रकाश आणि सार्वजनिक वाहतुकीची अकार्यक्षम व्यवस्था यांना जबाबदार धरले आहे.

KOHIMA, the capital of NAGALAND, has been ranked among the safest cities for women in India by the National Annual Report & Index on Women’s Safety (NARI) 2025. With its historic charm, scenic views, vibrant cafés, iconic festivals and warm hospitality, Kohima is more than a… pic.twitter.com/qXLdE1STeY — abu metha (@abumetha) August 28, 2025

देशातील सर्वात सुरक्षित आणि असुरक्षित शहरे

या अहवालात कोहिमा, विशाखापट्टणम, भुवनेश्वर, ऐझॉल, गंगटोक, इटानगर, आणि मुंबई ही शहरे राष्ट्रीय सुरक्षा क्रमवारीत सर्वात पुढे आहेत, तर रांची, श्रीनगर, कोलकाता, दिल्ली, फरीदाबाद, पटना आणि जयपूर ही शहरे महिलांसाठी कमी सुरक्षित मानली गेली आहेत.

महिलांचा प्रशासनावर विश्वास कमी?

सर्वेक्षण केलेल्या महिलांपैकी केवळ २२% महिलांनीच त्यांच्यासोबत घडलेल्या घटनांची माहिती प्रशासनाला दिली. याव्यतिरिक्त, ५३% महिलांना त्यांच्या कार्यस्थळी लैंगिक छळ प्रतिबंध (POSH) धोरण आहे की नाही याची माहिती नव्हती, जे कायद्यानुसार अनिवार्य आहे.

सुरक्षा प्रयत्नांबाबत महिलांचे मत

अहवालात ६९% महिलांनी सध्याचे सुरक्षा प्रयत्न काही प्रमाणात पुरेसे असल्याचे सांगितले, तर ३०% पेक्षा जास्त महिलांनी यामध्ये मोठी कमतरता असल्याचे नमूद केले. २०२३-२०२४ दरम्यान केवळ ६५% महिलांनी वास्तविक सुधारणांची अपेक्षा व्यक्त केली. राष्ट्रीय महिला आयोगाच्या (NCW) अध्यक्षा विजया रहाटकर यांनी अहवाल सादर करताना सांगितले की, महिला सुरक्षा केवळ कायदा आणि सुव्यवस्थेचा मुद्दा नाही, तर तो त्यांच्या शिक्षण, आरोग्य, नोकरीच्या संधी आणि स्वातंत्र्यासारख्या जीवनातील प्रत्येक पैलूवर परिणाम करतो.

Web Title: Which is the safest city in the country for women shocking revelations from nari report

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com