RSS Chief Mohan Bhagwat: प्रत्येक भारतीयाने ३ अपत्ये जन्माला घालावीत! मोहन भागवत यांचे विधान चर्चेत

प्रत्येक भारतीयाने तीन अपत्ये का जन्माला घालावीत? मोहन भागवत यांनी स्पष्ट केले कारण; ‘तीनपेक्षा कमी जन्मदर असलेला समाज लुप्त होतो’

Mohan Bhagwat (Photo Credit- X)

Follow Us:

Follow Us:

Mohan Bhagwat on Three Children: राष्ट्रीय स्वयंसेवक संघ (RSS) प्रमुख मोहन भागवत (Mohan Bhagwat) यांनी नुकत्याच एका कार्यक्रमात लोकसंख्या वाढीच्या मुद्द्यावर मोठे आणि धक्कादायक विधान केले आहे. त्यांनी म्हटले आहे की, भारतातील प्रत्येक नागरिकाने किमान तीन अपत्ये जन्माला घालावीत.

‘तीनपेक्षा कमी जन्मदर असलेला समाज हळूहळू लुप्त होतो’

मोहन भागवत म्हणाले की, ‘जन्मदराच्या बाबतीत तुम्ही हा प्रश्न प्रचारकाला विचारू नये, पण आता विचारला आहे तर मी उत्तर देतो.’ ते म्हणाले की, जगात सर्व शास्त्रे सांगतात की, ज्या समाजाचा जन्मदर ३ पेक्षा कमी असतो, तो हळूहळू लुप्त होतो. त्यामुळे तीनपेक्षा जास्त जन्मदर राखणे आवश्यक आहे.

VIDEO | “All Indian citizens should consider having three children, so that population is sufficient and under control too,” says RSS chief Mohan Bhagwat.

(Full video available on PTI Videos – https://t.co/n147TvrpG7) pic.twitter.com/wlGvcS4S4q

— Press Trust of India (@PTI_News) August 28, 2025

ते पुढे म्हणाले की, ‘डॉक्टर सांगतात की उशिरा विवाह करू नये आणि तीन अपत्ये असल्यामुळे पालक आणि मुलांचे आरोग्य चांगले राहते.’ तसेच, ज्या घरात तीन मुले असतात, त्यांच्यामध्ये अहंकार व्यवस्थापन शिकण्याची सवय लागते, त्यामुळे त्यांच्या कौटुंबिक जीवनात कोणतेही अडथळे येत नाहीत.

हे देखील वाचा: ‘भाजप आणि संघात मतभेद असू शकतात, पण मनभेद कधीच नाही’; सरसंघचालक मोहन भागवत यांचं मोठं विधान

मी तर पशुवैद्यकीय डॉक्टर आहे

मोहन भागवत म्हणाले, ‘मी तर पशुवैद्यकीय डॉक्टर आहे, त्यामुळे तिकडे हे विषय नाहीत. पण मनुष्यांचे डॉक्टर मला हे सर्व सांगतात.’ ते म्हणाले की, देशाचे लोकसंख्या धोरण २.१ चा आदर्श ठेवते, पण जन्माच्या बाबतीत २.१ ही संख्या २ नंतर येत नाही, तर ती थेट ३ असते. त्यामुळे मनुष्याच्या जन्माच्या बाबतीत २.१ चा अर्थ ३ होतो.

तीनपेक्षा जास्त अपत्ये नको

भागवत यांनी स्पष्ट केले की, भारतातील प्रत्येक नागरिकाने हे पाहिले पाहिजे की त्याच्या घरात तीन मुले असावीत पण त्यापेक्षा जास्त नसावीत. मी हे देशाच्या भल्यासाठी सांगत आहे. पण या पिढीला अशीही चिंता आहे की उद्या त्यांना त्यांना पोट भरावे लागेल. म्हणूनच लोकसंख्या धोरणात अशी शिफारस केली आहे. जन्मदराबद्दल बोलताना, प्रत्येकाचा घट होत आहे. हिंदूंचा जन्मदर आधी कमी होत होता, म्हणून तो दिसतो, परंतु इतर लोकांनी नंतर पावले उचलली, म्हणून त्यांचा तितकासा दिसत नाही. तथापि, त्यांचा जन्मदरही कमी होत आहे.

Web Title: Every indian should have 3 children mohan bhagwats statement is in the news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com