Top Marathi News today Live : महाराष्ट्र हळहळला! उपमुख्यमंत्री अजित पवार यांच्यावर विद्या प्रतिष्ठानच्या मैदानावर अंत्यसंस्कार

29 Jan 2026 12:12 PM (IST)

Ajit Pawar Funeral : उपमुख्यमंत्री अजित पवार अनंतात विलीन

उपमुख्यमंत्री अजित पवार यांच्या आस्कमित निधनामुळे महाराष्ट्राला मोठा धक्का बसला आहे. अजित पवार यांचे विमान अपघातामध्ये निधन झाले आहे. अजित पवार यांच्यावर विद्या प्रतिष्ठानच्या मैदानामध्ये अंतिमविधी करण्यात आला. जय पवार आणि पार्थ पवार यांनी अजित पवारांना मुखाग्नी दिला आहे.

29 Jan 2026 12:10 PM (IST)

Ajit Pawar Funeral : अजित पवार यांना मुखाग्नी

उपमुख्यमंत्री अजित पवार यांना अखेरचा निरोप दिला जात आहे. अजित पवार यांचे काल विमान अपघातामध्ये निधन झाले. अजित पवार यांना त्यांचे दोन्ही पुत्र जय पवार आणि पार्थ पवार यांनी मुखाग्नी दिला आहे.

29 Jan 2026 12:10 PM (IST)

अजित पवारांना अखेरचा निरोप! केंद्रीय गृहमंत्री अमित शाह दाखल

उपमुख्यमंत्री अजित पवार यांच्यावर विद्या प्रतिष्ठेच्या मैदानामध्ये अंत्यसंस्कार केले जात आहेत. त्यांच्या शेवटच्या दर्शनासाठी केंद्रीय मंत्री अमित शाह बारामतीमध्ये दाखल झाले आहेत.

29 Jan 2026 12:05 PM (IST)

अजित पवारांच्या भाषणामध्ये निर्वाणीचा सूर..! अखेरच्या ‘त्या’ भाषणाचा व्हिडिओ व्हायरल

चार दिवसांपूर्वी एका सार्वजनिक सभेत बोलताना अजित पवारांनी काही असे शब्द बोलेले होते जे आज ऐकून लोकांच्या डोळे पाणावत आहेत. कारण ते शब्द सत्यात उतरतील अशी कल्पनाही कोणी केली नव्हती. अजित पवार यांनी आपल्या भाषणात म्हटले होते की, मित्रांनो हे जग कायमचे राहणार आहे, पण तुम्ही-आम्ही आज असू उद्या नसू. काळाचं, नियतीचं बोलावणं आलं की प्रत्येकाला जावं लागतं… उपमुख्यंत्र्यांचे हे उद्गार आज सत्यात उतरले आहे. त्यावेळी हे भाषण ऐकताना कोणालाही असे काही घडेल असे वाटले नव्हते. त्यांनी असेही म्हटले आहे की, राजकारण हे सर्वस्व नसतं, निवडणुका येतील जातील. आपण हयात आहोत तोपर्यंत लोकांच्या हीताची कामे करत राहायची.

29 Jan 2026 12:00 PM (IST)

मुख्यमंत्रीपदाच्या अपूर्ण स्वप्नांसह अजितदादांचा जगाला निरोप!

महाराष्ट्राचे माजी उपमुख्यमंत्री अजित पवार यांच्या निधनाने राज्याच्या राजकारणात एक मोठी पोकळी निर्माण झाली आहे. अजित पवार यांनी सहा वेळा उपमुख्यमंत्री म्हणून काम केले. अनुभवाच्या बाबतीत ते मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यापेक्षा ज्येष्ठ होते. भाजप, काँग्रेस आणि शिवसेनेच्या नेतृत्वाखालील सरकारमध्ये त्यांनी उपमुख्यमंत्री म्हणून काम केले, परंतु ते कधीही मुख्यमंत्री झाले नाहीत. त्यांनी अनेक वेळा मुख्यमंत्री होण्याची इच्छा जाहीरपणे व्यक्त केली होती. मुख्यमंत्री होणे हे त्यांचे स्वप्न होते, परंतु आता हे स्वप्न कायमचे अपूर्ण राहिले आहे.

29 Jan 2026 11:52 AM (IST)

Ajit Pawar Funeral : गृहमंत्री अमित शाह यांनी वाहिली अजित पवारांना श्रद्धांजली

महाराष्ट्राचे उपमुख्यमंत्री अजित पवार यांचे अपघाती निधन झाले आहे. विद्या प्रतिष्ठानच्या मैदानावर अंतिम संस्कार केले जात आहे. यावेळी गृहमंत्री अमित शाह यांनी अजित पवार यांना श्रद्धांजली वाहिली आहे. पुष्पचक्र अर्पण करुन अमित शाह यांनी अंतिम दर्शन घेतले.

#WATCH | Union Home Minister Amit Shah pays last respects to Maharashtra Deputy CM Ajit Pawar, in Baramati pic.twitter.com/d5sKGuIUbt

— ANI (@ANI) January 29, 2026

29 Jan 2026 11:50 AM (IST)

जेव्हा 2 इंजिनांची ‘जंबो ट्रेन’ पहिल्यांदा धावली अन् भारताचा नकाशाच बदलला

भारतीय रेल्वेच्या इतिहासात २९ जानेवारी हा दिवस मैलाचा दगड मानला जातो. आजच्याच दिवशी, ४७ वर्षांपूर्वी, देशातील पहिल्या “जंबो ट्रेन”ने रुळांवरून धावत एक नवा विक्रम प्रस्थापित केला होता. तामिळनाडू एक्सप्रेस (Tamil Nadu Express) या नावाने ओळखल्या जाणाऱ्या या ट्रेनने उत्तर आणि दक्षिण भारताला जोडण्याची गती कायमस्वरूपी बदलून टाकली.

29 Jan 2026 11:40 AM (IST)

सुनेत्रा पवार यांनी घेतले अजित पवारांचे अंतिम दर्शन

अजित पवार यांच्या पत्नी सुनेत्रा पवार यांनी अजित पवारांचे अंतिम दर्शन घेतले. खासदार सुप्रिया सुळे यांनी हाताला धरुन सुनेत्रा पवार यांना पार्थिवाजवळ आणले. यावेळी सुनेत्रा पवार यांचा अश्रूंचा बांध फुटला

29 Jan 2026 11:40 AM (IST)

अजित पवारांची आई TV पाहत होत्या अन् बातमी आली; टीव्हीची तोडली केबल

उपमुख्यमंत्री अजित पवार (Ajit Pawar) यांचे बारामतीमध्ये अपघाती निधन झाले आहे. काल (दि.28) अजित पवारांच्या विमानाचा लँडिंगवेळी भीषण अपघात झाला. काल सकाळी ते जिल्हा परिषद निवडणुकीच्या प्रचारसभेसाठी बारामतीत येत होते. मात्र बारामती विमानतळावर विमान लँडिंगवेळी त्यांच्या विमानाला अपघात झाला. या अपघातात अजित पवांरासह विमानातील एकूण ५ जणांचा दुर्दैवी मृत्यू झाला आहे. त्याआधी काही वेळापूर्वीपासून अजित पवारांच्या आई आशाताई पवार या फार्म हाऊसवर सकाळच्या सुमारास टीव्ही पाहत बसल्या होत्या.

29 Jan 2026 11:33 AM (IST)

अजित पवारांना अखेरचा निरोप देण्यासाठी बारामतीमध्ये उसळला जनसागर

उपमुख्यमंत्री अजित पवार यांना अखेरचा निरोप दिला जात आहे. विद्या प्रतिष्ठानच्या मैदानावर त्यांच्यावर अंत्यसंस्कार केले जात आहेत. या मैदानावर मोठ्या प्रमाणामध्ये जनसमुदाय उसळून आला असून लोकांनी अजित पवारांना भावनिक निरोप दिला जात आहे. यावेळी अजित दादा अमर रहे, एकच वादा अजित दादा अशा घोषणा दिल्या जात आहेत.

#WATCH | Baramati | Drone visuals from Vidya Pratishthan ground where the last rites of Maharashtra Deputy CM Ajit Pawar are being performed. pic.twitter.com/2icmo7OPpV

— ANI (@ANI) January 29, 2026

29 Jan 2026 11:30 AM (IST)

दहशत अन् भीतीने भरलेले चेहरे, आणखी एक थरारक कथेची झलक

२०२३ मध्ये प्रदर्शित झालेला ‘द केरळ स्टोरी’ हा चित्रपट ब्लॉकबस्टर ठरला आहे. आता निर्माते याच चित्रपटाचा सिक्वेल घेऊन येत आहेत, ज्याचे मोशन पोस्टर नुकतेच प्रदर्शित झाले आहे. चित्रपटाची ही झलक पाहता असे दिसते की आणखी एक थरारक कथा प्रेक्षकांच्या मनाला भिडण्यासाठी सज्ज झाली आहे. विपुल अमृतलाल शाह २०२३ मध्ये ‘द केरळ स्टोरी’ हा चित्रपट घेऊन आले होते. आता ते त्याचा सिक्वेल ‘द केरळ स्टोरी २: गोज बियॉन्ड’ पुन्हा एकदा रिलीज करण्यासाठी सज्ज झाले आहेत. चित्रपटाचे मोशन पोस्टर आज बुधवारी प्रदर्शित झाले आहे. सिक्वेलमध्ये प्रेक्षकांना आणखी एक भयानक कथा पाहायला मिळणार आहे. हा चित्रपट या वर्षी फेब्रुवारीमध्ये प्रदर्शित होणार आहे.

29 Jan 2026 11:26 AM (IST)

अजित पवारांच्या अंतिम दर्शनासाठी अमित शाह बारामतीमध्ये दाखल

उपमुख्यमंत्री अजित पवार यांच्या आस्कमित निधनामुळे महाराष्ट्राला मोठा धक्का बसला आहे. अनेक दिग्गज नेत्यांनी बारामती येथे जाऊन अजित पवारांचे अंत्यदर्शन घेतले. पवार कुटुंबियांची भेट त्यांचे सांत्वन केले आहे. केंद्रीय मंत्री अमित शाह हे देखील बारामतीमध्ये दाखल झाले आहे. अमित शाह हे बारामती विमानतळावर दाखल झाले.

29 Jan 2026 11:20 AM (IST)

महिलांसमोर ढकललं, अपमान झाला, मालाड स्टेशनवरील प्राध्यापक हत्येमागचं कारण

मुंबई येथील मालाड स्टेंशनवर क्षुल्लक कारणावरून चार दिवसांपूर्वी प्राध्यापकाची निर्घृण हत्या करण्यात आली होती. याप्रकरणी आरोपी ओंकार शिंदे याला अटक करण्यात आली. ट्रेनमधून उतरताना ओंकार शिंदे याने धारदार शस्त्राने भोसकून जीव घेतला. यात मृत्यू झालेल्या प्रवाशी प्राध्यापकाचा नाव अलोक सिंग असे आहे. आता या प्रकरणातील आरोपीने हत्येमागचे कारण सांगितले आहे

29 Jan 2026 11:10 AM (IST)

इंग्लंडविरुद्धच्या T20 मालिकेसाठी श्रीलंकेचा संघ जाहीर, विश्वचषकाच्या तयारीसाठी शेवटची संधी

श्रीलंका आणि इंग्लंड यांच्यामध्ये एकदिवसीय मालिका पार पडली आणि आता या दोन्ही संघामध्ये टी20 विश्वचषकाच्याआधी तीन सामन्यांची टी20 मालिका खेळवली जाणार आहे. एकदिवसीय मालिकेमध्ये इंग्लडच्या संघाने बाजी मारली आहे आता सर्वाची नजर टी20 मालिकेवर असणार आहे. ही मालिका 30 जानेवारीपासून खेळवली जाणार आहे. इंग्लंडविरुद्धच्या तीन सामन्यांच्या टी-२० आंतरराष्ट्रीय मालिकेसाठी श्रीलंकेने बुधवारी १६ सदस्यीय संघाची घोषणा केली. दासुन शनाका संघाचे नेतृत्व करेल.

29 Jan 2026 11:00 AM (IST)

विमानात बसण्यापूर्वी अजित पवारांचा पत्नी सुनेत्रा पवारांना ‘तो’ फोन ठरला अखेरचा

राज्याचे लाडके उपमुख्यमंत्री अजित पवार यांच्या विमानाचा बुधवारी (दि.28) भीषण अपघात झाला. या अपघातात अजित पवार यांच्यासह इतर पाच जणांचा मृत्यू झाला. बुधवारी सकाळी ८.४५ वाजता बारामती विमानतळावर लँडिंगदरम्यान चार्टर्ड विमानाचा अपघात झाला. अजित पवारांच्या निधनाने हळहळ व्यक्त केली जात आहे. असे असताना अजितदादांचा पत्नी सुनेत्रा पवार यांच्यासोबतचा फोन अखेरचा ठरला आहे.

29 Jan 2026 10:41 AM (IST)

पंतप्रधान नरेंद्र मोदी संसदेमध्ये दाखल

संसदेच्या अर्थसंकल्पीय अधिवेशनाला सुरुवात झाली आहे. संसदेच्या अधिवेशनामध्ये पंतप्रधान नरेंद्र मोदी हे दाखल झाले आहे. संसदेच्या आवारातमध्ये त्यांनी काही खासदारांची भेट घेतली आहे.

#WATCH | Budget session | PM Narendra Modi arrives at the Parliament.

(Video: DD) pic.twitter.com/ip24EoCzbe

— ANI (@ANI) January 29, 2026

29 Jan 2026 10:32 AM (IST)

अजितदादा अमर रहे..! कार्यकर्त्यांनी दिल्या घोषणा

उपमुख्यमंत्री अजित पवार यांचे बारामतीमध्ये विमान अपघातामध्ये निधन झाले. त्यांच्यावर विद्या प्रतिष्ठानच्या मैदानामध्ये अंतिम संस्कार केले जाणार आहे. याठिकाणी महाराष्ट्राच्या कानाकोपऱ्यातून मोठ्या प्रमाणात कार्यकर्ते जमा झाले आहेत. अजितदादा अमर रहे... अशा घोषणा कार्यकर्त्यांनी दिल्या आहेत.

29 Jan 2026 10:25 AM (IST)

विद्या प्रतिष्ठानच्या मैदानावर शरद पवारांची नेत्यांनी घेतली भेट

उपमुख्यमंत्री अजित पवार यांच्या पार्थिवावर विद्या प्रतिष्ठानच्या मैदानावर अंत्यसंस्कार होणार आहे. याठिकाणी सकाळपासून जेष्ठ नेते शरद पवार दाखल झाले आहेत. शरद पवारांनी अनेक राजकीय नेत्यांनी भेट घेतली आहे. तसेच त्यांचे सांत्वन केले.

29 Jan 2026 10:18 AM (IST)

बारामतीच्या पालखी चौकापर्यंत पोहचले अजित पवारांचे पार्थिव

बारामतीमध्ये शोकाकुल परिस्थितीमध्ये उपमुख्यमंत्री अजित पवार यांना निरोप दिला जातो आहे. अजित पवार यांचे पार्थिव हे बारामतीमधील पालखी चौकामध्ये आले आहे. याठिकाणी सकाळपासून लोक अंतिम दर्शनासाठी थांबले होते. अजित पवारांवर फुलांचा वर्षाव केला जात आहे.

29 Jan 2026 10:16 AM (IST)

रश्मी ठाकरे यांनी सुनेत्रा पवार यांचे केले सांत्वन

उपमुख्यमंत्री अजित पवार यांच्या निधनानंतर उद्धव ठाकरे आणि रश्मी ठाकरे यांनी बारामतीमध्ये पवार कुटुंबियांना सांत्वनपर भेट घेतली आहे. यावेळी रश्मी ठाकरे यांनी सुनेत्रा पवार यांचे सांत्वन केले.

पक्षप्रमुख मा. श्री. उद्धवसाहेब ठाकरे, सौ. रश्मीवहिनी ठाकरे आणि युवासेनाप्रमुख शिवसेना नेते आदित्य ठाकरे ह्यांनी अजितदादा पवार ह्यांच्या कुटुंबाची भेट घेऊन सांत्वन केले. pic.twitter.com/CaqoiH1HaP

— ShivSena - शिवसेना Uddhav Balasaheb Thackeray (@ShivSenaUBT_) January 29, 2026

29 Jan 2026 10:13 AM (IST)

अजित पवारांचे सुरक्षारक्षक विदीप जाधव यांच्यावर साताऱ्यामध्ये अंत्यसंस्कार

उपमुख्यमंत्री अजित पवार यांचे वैयक्तिक सुरक्षा अधिकारी (पीएसओ) विदीप दिलीप जाधव यांचे अंत्यसंस्कार काल रात्री त्यांच्या कुटुंबियांनी सातारा येथील त्यांच्या मूळ गावी केले. त्यांच्या लहान मुलाने अंत्यसंस्कार केले. काल बारामती येथे झालेल्या अपघातात झालेल्या चार्टर विमानात जाधव देखील होते, ज्यामध्ये पाचही जणांचा मृत्यू झाला.

#WATCH | Maharashtra: The last rites of Vidip Dilip Jadhav, the personal security officer (PSO) of Deputy CM Ajit Pawar, were performed by his family in their native village in Satara last night. His young son performed the last rites.

Jadhav was also on board the ill-fated… pic.twitter.com/X3BHTddLZO

— ANI (@ANI) January 29, 2026

29 Jan 2026 10:11 AM (IST)

अजित पवारांच्या आठवणींमध्ये महिला भगिनींचा टाहो

उपमुख्यमंत्री अजित पवार यांच्या अपघाती निधनामुळे संपूर्ण महाराष्ट्र हळहळला आहे. यामुळे राजकीय क्षेत्राचे मोठे नुकसान झाले. अजित पवार यांच्यावर त्यांच्या लाडक्या बहिणींची मोठी माया होती. अजित पवारांच्या निधनामुळे महिला भगिनींनी टाहो फोडला. अनेक महिला या अजित पवारांसाठी अखेरची राखी घेऊन आल्या आहेत.

29 Jan 2026 10:09 AM (IST)

अजित पवारांच्या अंतिम दर्शनासाठी काटेवाडीमध्ये लोटला जनसमुदाय

उपमुख्यमंत्री अजित पवार यांचे बारामतीमध्ये अपघाती निधन झाले. अजित पवारांच्या अंतिम दर्शनासाठी त्यांचे निवासस्थान असलेल्या काटेवाडीमध्ये मोठा जनसमुदाय लोटला आहे. अजित पवारांचे अंतिम दर्शन व्हावे या हेतून लांबून त्यांचे समर्थक तसेच गावकरी, नाईवाईक, आप्तेष्ट दाखल झाले आहेत.