दुपारच्या जेवणात गरमागरम भातासोबत खाण्यासाठी झटपट बनवा पालक सांबार, तुपाच्या फोडणीमुळे चव लागेल सुंदर

लहान मुलांसह मोठ्यांना पालक खायला आवडत नाही. अशावेळी तुम्ही सोप्या पद्धतीमध्ये पालक सांबार बनवू शकता. हा पदार्थ चवीसोबत आरोग्यासाठी सुद्धा पौष्टिक आहे. जाणून घ्या पालक सांबार बनवण्याची सोपी रेसिपी.

दुपारच्या जेवणात गरमागरम भातासोबत खाण्यासाठी झटपट बनवा पालक सांबार

Follow Us:

Follow Us:

दैनंदिन आहारात नियमित पालेभाज्यांचे सेवन करावे. पालेभाज्या खाल्यामुळे शरीराला मुबलक प्रमाणात लोह मिळते. याशिवाय शरीरात निर्माण झालेली पोषक घटकांची कमतरता भरून काढण्यासाठी पालेभाज्यांचे सेवन करावे. पण लहान मुलांसह मोठ्यांना पालेभाज्या खायला अजिबात आवडत नाही. पालेभाज्यांचे नाव काढल्यानंतर नाक मुरडतात. त्यातील अनेकांना न आवडणारी भाजी म्हणजे पालक. पालकपासून अनेक वेगवेगळे पदार्थ बनवले जातात. पालक पनीर, पालक डाळ, पालक राईस इत्यादी अनेक पदार्थ बनवले जातात. आज आम्ही तुम्हाला दुपारच्या जेवणात गरमागरम भातासोबत खाण्यासाठी पालक सांबार बनवण्याची सोपी रेसिपी सांगणार आहोत. पालक सांबार भात किंवा इतर कोणत्याही पदार्थासोबतच अतिशय चविष्ट लागेल. जेवणात कायमच गोडी डाळ, तिखट डाळ किंवा आमटी खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी झटपट तुम्ही पालक सांबार बनवू शकता. चला तर जाणून घेऊया पालक सांबार बनवण्याची सोपी रेसिपी.(फोटो सौजन्य – pinterest)

साध्या जेवणाला द्या हटके चव! १० मिनिटांमध्ये झटपट बनवा झणझणीत लसूण चटणी, चवीसोबतच शरीर राहील हेल्दी

साहित्य:

• पालक
• तूरडाळ
• कढीपत्ता
• लसूण
• जिरं
• मोहरी
• हिरवी मिरची
• सांबार मसाला
• लाल तिखट
• चिंच
• गूळ
• काश्मिरी लाल मिरची

पार्टी स्नॅक्ससाठी परफेक्ट! कमी वेळेत तयार होणारे हाय प्रोटीन ‘सोया पकोडे’ एकदा घरी नक्की बनवून पहा

कृती:

• पालक सांबार बनवण्यासाठी सर्वप्रथम, पालक स्वच्छ धुवून बारीक चिरून घ्या. तूरडाळ पाण्यात काहीवेळ भिजत ठेवा. यामुळे डाळ लवकर शिजेल.
• कुकरच्या भांड्यात तूप गरम करून त्यात पालक, हळद, कांदा, टोमॅटो आणि चवीनुसार मीठ घालून मिक्स करा. त्यानंतर त्यात भिजवलेली तूरडाळ आणि मसूर डाळ घालून व्यवस्थित मिक्स करा.
• त्यानंतर त्यात गूळ आणि चिंच घालून आवश्यकतेनुसार पाणी घाला आणि मिक्स करा. तयार केलेल्या मिश्रणात लाल तिखट, गरम मसाला आणि सांबार मसाला घालून मिक्स करा आणि कुकरला झाकण लावा.
• कुकरच्या ६ ते ७ शिट्टया काढून घ्या. यामुळे पालक आणि डाळ व्यवस्थित शिजेल. पदार्थाची चव वाढवण्यासाठी कुकरमधील पदार्थ व्यवस्थित शिजवून घ्यावेत.
• फोडणीच्या वाटीमध्ये तूप गरम करून त्यात मोहरी, जिरं, कढीपत्त्याची पाने, लाल सुक्या मिरच्या घालून भाजलेली फोडणी तयार केलेल्या डाळीच्या मिश्रणात ओतून मिक्स करा.
• तयार आहे सोप्या पद्धतीमध्ये बनवलेले पालक सांबार. गरमागरम वाफाळत्या भातासोबत पालक सांबार अतिशय चविष्ट लागेल.

Web Title: Make quick spinach sambar for lunch with hot rice benefits of eating spinach

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com