Mumbai Local: गुढीपाडव्यादिवाशी प्रवाशांचे होणार हाल! बदलापूर ते कर्जत लोकल सेवा रद्द, मध्य रेल्वेचा रविवारी ३ तास स्पेशल ब्लॉक

मध्य रेल्वे मार्गावरील नेरळ स्टेशनवर रविवार ३० मार्च रोजी इलेक्ट्रॉनिक इंटरलॉकिंग सुरू करण्यासाठी विशेष ब्लॉक आहे. त्यामुळे मुंबई विभागातर्फे ३० मार्च रोजी सकाळी ८.३० ते दुपारी २.३० पर्यंत ब्लॉक घेण्यात येणार आहे.

गुढीपाडव्यादिवाशी प्रवाशांचे होणार हाल! बदलापूर ते कर्जत लोकल सेवा रद्द, मध्य रेल्वेचा रविवारी ३ तास स्पेशल ब्लॉक (फोटो सौजन्य-X)

Follow Us:

Follow Us:

Centrail Railway News : मध्य रेल्वेच्या मेन लाईनवरील प्रवाशांचे रविवारी, ३० मार्च गुढी पाडव्यादिवाशी हाल होणार आहेत. नेरळ स्थानकात इलेक्ट्रॉनिक इंटरलॉकिंग सुरू करण्यासाठी सकाळी ८.३० ते दुपारी २.३० वाजेपर्यंत विशेष ब्लॉक घेण्यात येणार आहे. यामुळे सकाळी ११.३० ते दुपारी २.३० वाजेपर्यंत बदलापूर ते कर्जत स्थानकादरम्यानची लोकल वाहतूक बंद राहणार आहे. ब्लॉक दरम्यान काही लोकल गाड्या बदलापूर स्थानकापर्यंतच धावणार आहे. सकाळी ९.३० ची सीएसएमटी-कर्जत लोकल अंबरनाथ स्थानकापर्यंतच चालविण्यात येणार आहे. तर रविवारचा मेगा ब्लॉक ठाणे ते कल्याण स्थानकांदरम्यान असणार आहे.

बसच्या घटत्या संख्येसह रिक्षा-टॅक्सी भाडेवाढ; मुंबईकरांच्या खिशाला मोठी कात्री

बदलापूर स्थानकापर्यत लोकल : स ९.५७, स.१०.३६ ची, स. ११.१४ ची सीएसएमटी-कर्जत, दु. १२.०५ ची ठाणे-कर्जत, दु.१२.२० ची सीएसएमटी-खोपोली बदलापूर स्थानकातून मुंबईच्या दिशेने स.११.१५.दु.१२,दु.१२.२३, दु.१ ची कर्जत-सीएसएमटी, दु.१.२७ ची कर्जत-ठाणे

अप-डाऊन मेल/एक्सप्रेस गाड्यांच्या मार्गात बदल

■ ११०१४ कोइम्बतूर-एलटीटी एक्सप्रेस, १२६१४ चेन्नई एलटीटी एक्सप्रेस, १२४९३ मिरज हजरत निजामुद्दीन एक्सप्रेस कर्जत पनवेल मार्गावरून चालविण्यात येणार आहे.
प्रवाशांच्या सोयीसाठी या गाड्यांना पनवेल आणि ठाणे स्थानकांवर थांबा दिला आहे.
■ २२१५९ सीएसएमटी-चैन्नई एक्सप्रेस दुपारी २.११ ते दुपारी २.३० वाजेपर्यंत वांगणी स्थानकात थांबविण्यात येणार आहे. १७२२२ एलटीटी- काकीनाडा एक्सप्रेस २० मिनिटे उशिराने धावणार आहे.

देखभाल-दुरुस्तीची कामे

ठाणे ते कल्याण स्थानकांदरम्यान अप आणि डाऊन धीम्या मार्गावर सकाळी ११ ते दुपारी ४ वाजेपर्यंत मेगा ब्लॉक घेण्यात येणार आहे. ब्लॉक दरम्यान धिम्या मार्गावरील लोकल जलद मार्गावरुन वळविण्यात येणार आहेत. परिणामी लोकल नियोजित वेळेपेक्षा १० मिनिटे उशिराने धावतील.

पश्चिम रेल्वेचा नाईट ब्लॉक

सांताकुझ ते माहिम स्थानकांदरम्यान आज, २९ मार्च रोजी नाईटब्लॉक घेण्यात येणार आहे. डाउन धिम्या मार्गावर रात्री १ते पहाटे ३.३० आणि अप चिम्या मार्गावर रात्री १२.३० ते पहाटे ४.३० वाजेपर्यंत दुरुस्ती करण्यात येणार आहे. ब्लॉक दरम्यान अप-डाउन धिम्या मार्गावर लोकल जलद मार्गावरुन चालविण्यात येणार आहे.

प्लॅटफॉर्मची लांबी कमी असल्याने लोअर परेल, माहिम आणि खार रोड स्थानकात लोकलला दोनदा थांबा देण्यात येणार आहे. प्लॅटफॉर्म उपलब्ध नसल्याने महालक्ष्मी, प्रभादेवी आणि माटुंगा रोड स्थानकात लोकल थांबणार नाहीत. रविवार, ३० मार्च रोजी पश्चिम रेल्वेवर दिवसा कोणताही ब्लॉक असणार नाही.

चेंबूरमध्ये सेक्स रॅकेटचा पर्दाफाश, दोघांना अटक; मुलींची केली सुटका

Web Title: Mumbai local central railway special block badlapur karjat local train service disruptions express train diversions on 30 march 2025

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com