पुणेकरांच्या खिशाला कात्री! उद्यापासून पीएमपीचा प्रवास महागणार; तिकीटाचा दर…

पीएमपीचा प्रवास रविवारपासून प्रवाशांना महागात पडणार आहे. तब्बल ११ वर्षानंतर पीएमपीच्या तिकिटात दरवाढ झाली आहे.

संग्रहित फोटो

Follow Us:

Follow Us:

पुणे : पीएमपीचा प्रवास रविवारपासून प्रवाशांना महागात पडणार आहे. पीएमपी प्रशासनाने पाठविलेल्या दरवाढीच्या प्रस्तावाला पुणे प्रादेशिक परिवहन समिती (आरटीए) ने मंजुरी दिली आहे. दरवाढ १ जून पासून लागू होणार आहे. ११ वर्षानंतर पीएमपीच्या तिकिटात दरवाढ झाली आहे. सध्याच्या तिकिटाच्या दरात दुपटीने वाढ झाली असल्याने प्रवाशांनी नाराजी व्यक्त केली आहे.

पीएमपी बसचे संचालन हे पुणे, पिंपरी चिंचवड व पीएमआरडीए क्षेत्रात आहे. १ ते ८० किलोमीटर असा पीएमपीचा संबंधित मार्गावर प्रवास होतो. ८० किलोमीटरच्या प्रवासासाठी पीएमपीए ११ टप्पे ठरविले आहेत. त्या टप्पानुसार दरवाढ झाली आहे. हे दर रविवारच्या पहाटेपासून लागू होणार आहेत. तिकीटासह पासच्या दरात देखील पीएमपीने वाढ केली आहे. पीएमपी प्रशासनाने यापूर्वी २०१४ मध्ये दरवाढ लागू केली होती.

नवीन दररचना:

• किमान तिकीट दर ५ वरून १० रुपये करण्यात आले.
• पुणे आणि पिंपरी-चिंचवड शहरांसाठी एकत्रित दैनिक पास ४० रुपये हुन ७० रुपये करण्यात आले.
• तर मासिक पास ९०० रुपयांहून १५०० रुपये करण्यात आले.
• पीएमआरडीए क्षेत्रासाठी दैनिक पास १२० हुन १५० रुपये करण्यात आला.
• विद्यार्थी, ज्येष्ठ नागरिक आणि दिव्यांग प्रवाशांसाठीच्या सवलतींच्या पासांमध्ये कोणताही बदल नाही.
• तसेच ज्या पासची वैधता १ जून नंतरच्या पुढील दिनांकापर्यंत असेल तर पासची वैधता असे पर्यंत त्यांना नवीन दर लागू पडणार नाही.

Web Title: Pmp bus travel will be expensive for passengers from sunday

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com