शेकडो उत्तर भारतीयांचा भाजपमध्ये जाहीर प्रवेश; मंत्री रविंद्र चव्हाणांच्या उपस्थितीत पार पडला कार्यक्रम

मंत्री रवींद्र चव्हाण यांच्या उपस्थितीमध्ये शेकडो उत्तर भारतीयांचा भज पक्षात पक्षप्रवेश झाला आहे. डोंबिवली पश्चिमेकडील मोठागाव, जैन कॉलनीमधील शेकडो उत्तर भारतीय बांधवांचा भाजपमध्ये जाहीर प्रवेश केला आहे.

फोटो सौजन्य - Social Media

Follow Us:

Follow Us:

शहराच्या पश्चिमेकडील मोठागाव आणि जैन कॉलनी या परिसरातील शेकडो उत्तर भारतीय बांधवांनी भारतीय जनता पक्षात प्रवेश करून एक मोठा राजकीय निर्णय घेतला. हे सर्व भारतीय जनता पक्षात सामील होण्यासाठी प्रेरित झाले आहेत, विशेषतः राज्याचे सार्वजनिक बांधकाम मंत्री रविंद्र चव्हाण यांच्या दिलखुलास आणि आपुलकीच्या स्वभावामुळे, रविवारी मराठा मंदिर सभागृहात झालेल्या जल्लोषपूर्ण कार्यक्रमात हा सामूहिक पक्ष प्रवेश करण्यात आला. कल्याण ग्रामीण विधानसभा संघटनेचे सरचिटणीस नंदू परब यांनी याबाबत अधिकृत माहिती दिली आहे.

हे देखील वाचा : Cyber Crime: पुण्यात सायबर चोरट्यांकडून दोन महिलांची मोठी फसवणूक; तब्बल ४६ लाखांना घातला गंडा

मंत्री चव्हाण यांच्या हस्ते प्रवेश करण्याची या शेकडो बांधवांची मागणी होती. त्यांच्या साठी मंत्री चव्हाण आपल्या व्यस्त कार्यक्रमातून वेळ काढून या कार्यक्रमाला विशेष उपस्थित राहिले. प्रवेश समारंभाच्या वेळी स्थानिक भाजप नेते व पदाधिकारीही मोठ्या संख्येने हजर होते. कार्यक्रमाचे आयोजन मराठा मंडळ सभागृहात करण्यात आले होते, ज्यामुळे त्या ठिकाणी तुडुंब गर्दी होती आणि उत्साहाने भाजपाच्या सदस्यांना स्वागत केले गेले.

प्रवेश घेणाऱ्या उत्तर भारतीय बांधवांमध्ये अनिल मिश्रा, अंबिका सिंग, ओम प्रकाश, विश्वकर्मा श्रीराम मिश्रा, कृष्णा मिश्रा, उमेश मिश्रा, दिनेश मिश्रा, राघवेंद्र मिश्रा, अजय शुक्ला, अभिषेक मिश्रा, अभिषेक सोनू, अभिषेक सिंग, नवीन शर्मा, विकास प्रजापती, दर्शन पाटील यांच्यासह इतर कार्यकर्त्यांचा समावेश होता. या कार्यकर्त्यांनी भाजपामध्ये सामील होऊन पक्षाच्या संघटनात्मक बांधणीला अधिक बळकटी दिली आहे.

या प्रवेश कार्यक्रमात लोकसभा प्रभारी शशिकांत कांबळे, कल्याण जिल्हा सरचिटणीस नंदू परब, दत्ता माळेकर, रवीसिंग ठाकूर, संदीप शर्मा, दिनेश दुबे, ग्रामीण मंडळ अध्यक्ष सूर्यकांत माळकर, मीतेश पेणकर, बाळा पवार हे मान्यवरही उपस्थित होते. या सर्व मान्यवरांनी प्रवेश घेणाऱ्या कार्यकर्त्यांचे स्वागत केले आणि त्यांना एकदिलाने पक्षाच्या ध्येयासाठी काम करण्याचे मार्गदर्शन केले.

मंत्री रविंद्र चव्हाण यांनी विशेष कौतुक केले, विशेषतः नंदू परब, रविसिंग ठाकूर, संदीप शर्मा आणि दिनेश दुबे यांचे, ज्यांनी हा प्रवेश घडवून आणण्यासाठी विशेष प्रयत्न केले होते. मंत्री चव्हाण यांनी सांगितले की, संघटना मजबूत करण्यासाठी हा एक महत्त्वाचा टप्पा आहे. पक्षात नव्याने सामील झालेल्या कार्यकर्त्यांनी भाजपाचे ध्येय शतप्रतिशत साध्य करण्यासाठी एकजुटीने काम करण्याचे आवाहन केले.

हे देखील वाचा : रायगडमध्ये  काँग्रेसला मोठा धक्का; महेंद्रशेठ घरत यांच्यासह कार्यकर्त्यांचा पक्षाला रामराम 

मंत्री चव्हाण यांच्या नेतृत्वाखाली भाजपाची संघटना आणखी विस्तारत आहे, आणि या प्रवेशामुळे भाजपाला आगामी निवडणुकांमध्ये उत्तर भारतीय समाजाचा अधिक समर्थन मिळेल, अशी आशा व्यक्त करण्यात येत आहे. उत्तर भारतीयांच्या भाजप पक्षात सामूहिक पक्ष प्रवेशाने राजकीय हलचल निर्माण झाली आहे. सगळ्यांचे लक्ष यंदाच्या कल्याण विधानसभा क्षेत्रावर आहे.

Web Title: Public entry of hundreds of north indians into bjp in the presence of minister ravindra chavan

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com