Pune News: सिंहगडावर बेपत्ता प्रकरणाची पुनरावृत्ती! आता 1 नव्हे तब्बल 5 तरूण… ; नेमके काय घडले?

Sinhgad Fort: पुण्यातून एक मोठी बातमी सामोर येत आहे. पुण्यातील किल्ले सिंहगडावर फिरण्यासाठी गेलेले पाच तरूण अचानक बेपत्ता झाले आहेत.

सिंहगडावर 5 तरूण बेपत्ता (फोटो- सोशल मीडिया)

Follow Us:

Follow Us:

पुणे: पुण्यातून एक मोठी बातमी सामोर येत आहे. पुण्यातील किल्ले सिंहगडावर फिरण्यासाठी गेलेले पाच तरूण अचानक बेपत्ता झाले आहेत. हे पाचही तरूण ट्रेकिंग करण्यासाठी किल्ले सिंहगडावर गेली होती. मात्र ट्रेकिंग करत असताना रस्ता भरकटल्याने हे पाचही तरूण आता बेपत्ता झाले आहेत. दरम्यान आता तरुणांचा शोधासाठी स्थानिक प्रशासन, पोलिस आणि अन्य रेस्क्यू टीम्सकडून वेगाने बचावकार्य सुरू करण्यात आले आहे.

किल्ले सिंहगडावर फिरण्यासाठी गेलेले पांच तरूण बेपत्ता झाले आहे. जेव्हा आपण किल्ल्यावर जाण्याची वाट चुकलो आहोत, हे समजल्यावर त्यांनी व्हीडिओच्या माध्यमातून आपल्या कुटुंबीयांना आणि अन्य मित्रांना माहिती दिली आहे. पोलिसांना या घटनेची माहिती मिळताच त्यांनी शोधकार्य सुरू केले आहे. दरम्यान चार दिवसांपूर्वी सिंहगडाच्या तानाजी कड्यावरून बेपत्ता झालेला तरुणाचा आज शोध लागला असतानाच ट्रेकिंगसाठी गेलेली 5 मुले बेपत्ता झाली आहेत.  वारंवार अशा घटना घडत असल्याने सिंहगडावर जाणाऱ्या पर्यटकांच्या सुरक्षितेतवर प्रश्नचिन्ह निर्माण झाले आहे.

सध्या पावसाळी वातावरण आणि सुंदर निसर्ग यामुळे किल्ले सिंहगडावर पर्यटकांची गर्दी वाढली आहे. त्यातच चार दिवसांपूर्वी एक तरूण किल्ल्यावरून बेपत्ता झाला होता. त्याचा शोध अखेर आज लागला आहे. ते प्रकरण काय आहे ते जाणून घेऊयात.

सिंहगड प्रकरणात ‘हा’ धक्कादायक खुलासा

चार दिवसांपूर्वी पुण्यातील प्रसिद्ध अशा किल्ले सिंहगडावर एक तरूण बेपत्ता झाला होता. फिरण्यासाठी आलेला हा तरुण लघुशंकेसाठी जातो असे सांगून गेला तो परत आलाच नाही. मात्र अखेर चार दिवसांच्या तपासानंतर तो तरूण पोलिसांच्या हाती लागला आहे. मध्यंतरी या प्रकरणात एक सीसीटीव्ही फुटेज समोर आले होते. त्यामुळे या प्रकरणाला वेगळेच वळण मिळाले होते. मात्र अखेर हा तरूण सापडला आहे. हा तरूण नक्की कुठे होता आणि कशासाठी लपला होता याबाबत अधिक जाणून घेऊयात.

सिंहगड किल्ल्यावरून गायब झालेल्या या तरुणाचा शोध पोलिसानी सीसीटीव्ही फुटेजच्या आधारे लावला आहे. हा तरूण सापडल्यानंतर त्याला रूग्णालयात दाखल करण्यात आले आहे. दरम्यान तरुणाने किल्ल्यावरून बेपत्ता होण्याचा बनाव रचला आहे, असे समोर आले आहे. त्यामुळे या घटनेला नवीनच वळण मिळाले आहे.

Pune News: स्वतःच रचला बेपत्ता होण्याचा बनाव; 4 दिवस लपून बसला अन्…, सिंहगड प्रकरणात ‘हा’ धक्कादायक खुलासा

या तरूणावर कर्जाचा डोंगर असल्याने हा तरूण बेपत्ता झाला होता. या कर्जाच्या विषयापासून वाचण्यासाठी या तरुणाने बेपत्ता होण्याचा बनाव रचल्याचे समोर आले आहे. त्यामुळे इतके दिवस हा तरूण जिवंत आहे की कुठे तानाजी कड्यावरून कोसळला याचा शोध लागला आहे.  दरम्यान त्यातच एक फुटेज समोर आले होते त्यामुळे या तरूणासोबत काही घातपात झाला का असा संशय पोलिसांना होता. मात्र आता हा तरूण सापडला असल्याने तो नक्की कोणत्या कारणासाठी लपला होता हे अधिक स्पष्टपणे समोर येणार आहे.

Web Title: Five youth missing in sinhgad fort trek police started rescue operation pune marathi news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com