लोणावळ्यातील सायकल रॅलीला प्रतिसाद; अभिनेते सिध्दार्थ जाधव यांच्या हस्ते उद्घाटन

लोणावळा नगरपरिषदेचा वतीनं स्वच्छ सर्वेक्षण आणि माझी वसुंधरा अभियानांतर्गत घेण्यात आलेल्या पोस्टर स्पर्धा, जिंगल स्पर्धा, निबंध स्पर्धा, वॉल पेंटिंग, शॉर्ट मुव्ही आदी स्पर्धा विजेत्यांना पारितोषिक प्रदान करण्यात आली.

Follow Us:

Follow Us:

• प्लॉग ओ थॉन रनमध्ये स्वच्छता मोहीम

लोणावळा : पर्यटननगरी म्हणून ओळख असलेल्या लोणावळा शहरातील प्रदुषण कमी करण्यासाठी माझी वसुंधरा माझा अभिमान व स्वच्छ सर्वेक्षण अभियान २०२२अंतर्गत लोणावळा नगरपरिषदेच्या वतीने गुरुवारी सकाळी सायकल रॅलीचे आयोजन करण्यात आले होते. सुमारे ५०० हून अधिक नागरिक या उपक्रमात सायकली घेऊन सहभागी झाले होते. प्रसिद्ध सिनेअभिनेते सिध्दार्थ जाधव यांच्या हस्ते झेंडा दाखवत ह्या सायकल रॅलीचा शुभारंभ करण्यात आल.

तिन गटात ही सायकल रॅली सोडण्यात आली. ह्यामध्ये लहान मुलाचा गट लोणावळा नगरपरिषद कार्यालय ते मावळा पुतळा, ठोंबरेवाडी, सिद्धार्थनगर व पुन्हा नगरपरिषद कार्यालय ह्या मार्गाने सोडण्यात आला. त्यानंतर महिला व मुलींचा गट नगरपरिषद कार्यालय ते मावळा पुतळा, पुढे रायवुड व भुशी धरण मार्गे आयएनएस शिवाजी गेट व पुन्हा नगरपरिषद कार्यालय तर पुरुष व युवकाचा गट नगरपरिषद कार्यालय ते मावळा पुतळा, कुमार चौक, मिनू गॅरेज मार्गे डॉन बॉस्को, तुंगार्ली, वलवण, नांगरगाव, भांगरवाडी मार्गे पुन्हा नगरपरिषद कार्यालय असा सोडण्यात आला.

नगराध्यक्षा सुरेखा जाधव, उपनगराध्यक्ष दिलीप दामोदरे, स्वच्छता आणि आरोग्य सभापती रचना सिनकर , नगरसेवक श्रीधर पुजारी, सुधिर शिर्के, भाजपाचे गटनेते देविदास कडू, नगरसेविका ब्रिंदा गणात्रा, मंदा सोनवणे, सुवर्णा अकोलकर, संध्या खंडेलवाल, ललित सिसोदिया, माजी नगरसेवक विशाल पाडाळे यांच्यासह लोणावळा सायकल क्लबचे सदस्य, शिवदुर्ग मित्र, लायन्स क्लब, लोणावळा शहर मराठी पत्रकार संघ, जेष्ठ नागरिक संघ आदी या रॅलीमध्ये सहभागी झाले होते.

समारोपास अभिनेत्री आयेशा झुल्काची उपस्थिती

रॅलीच्या समारोप प्रसंगी सुप्रसिद्ध सिनेअभिनेत्री आणि लोणावळा शहराच्या ब्रँड अॅम्बेसिडर आयेशा झुल्का या उपस्थित होत्या. यावेळी लोणावळा नगरपरिषदेचा वतीनं स्वच्छ सर्वेक्षण आणि माझी वसुंधरा अभियानांतर्गत घेण्यात आलेल्या पोस्टर स्पर्धा, जिंगल स्पर्धा, निबंध स्पर्धा, वॉल पेंटिंग, शॉर्ट मुव्ही आदी स्पर्धा विजेत्यांना पारितोषिक प्रदान करण्यात आली. तद्नंतर लोणावळा नगरपरिषद ते ट्रायोज मॉल आणि परत लोणावळा नगरपरिषद या मार्गावर प्लॉग ओ थॉन रनचे आयोजन करण्यात आले होते. या रन मध्ये रस्त्याने धावताना रस्त्यावर पडलेला कचरा उचलून तो जमा करण्यात आला. सुमारे २०० विद्यार्थी आणि नागरिकांनी यात सहभाग घेतला होता.

Web Title: Response to lonavla cycle rally

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com