ठाणेकरांनो लक्ष द्या! काही दिवस शहरात अनियमित पाणीपुरवठा, पाणी गाळून पिण्याचे महापालिकेचे आवाहन

सततच्या मुसळधार पावसामुळे महापालिकेच्या पिसे पंपिंग स्टेशन येथील नदीपात्रामध्ये मोठ्या प्रमाणात गाळ साचला. हा गाळ पंंपिंग स्टेशनमध्ये येत असलेने पंपिंग क्षमतेवर परिणाम झाला आहे.

काही दिवस ठाणे शहरात अनियमित पाणीपुरवठा (फोटो सौजन्य: iStock)

Follow Us:

Follow Us:

सलग तीन दिवस भातसा धरण क्षेत्रात होत असलेल्या अतिवृष्टीमुळे ठाणे महापालिकेच्या पिसे पंपिंग स्टेशन येथील नदीपात्रामध्ये मोठ्या प्रमाणात गाळ, कचरा, व झाडांच्या फांद्या जमा झाल्या आहेत. नदीपात्रात पूर सदृश्य परिस्थिती निर्माण झाल्याने पिसे पंपिंग स्टेशनमध्ये पाणी शिरले आहे. त्यामुळे या पंपिंग स्टेशनवर पूर्ण क्षमतेने पंपिंग होण्यात अडथळे येत आहेत. तसेच, पाण्याच्या गढूळपणामुळे शुद्धीकरणाच्या प्रक्रियेवरही परिणाम होत आहे. या सर्व परिस्थितीमुळे ठाणे शहराकडे येणारा पाणीपुरवठा सुमारे २५ टक्के कमी झाला आहे.

पंपाच्या स्टेनरमधील गाळ काढण्याचे काम करण्यात येत आहे. त्यामुळे शहरामध्ये पुढील काही दिवस अपुऱ्या प्रमाणात व अनियमित पाणीपुरवठा होईल, याची नागरिकांनी कृपया नोंद घ्यावी. तसेच, या काळात पाणी उकळून प्यावे आणि पाण्याचा वापर जपून करावा, असे आवाहन महापालिकेने केले आहे.

Maharashtra Police Bharati: पोलिस भरतीचा शासन निर्णय जारी; किती पदांसाठी होणार भरती?

ठाणे महापालिकेतर्फे १५ सप्टेंबर रोजी परिमंडळ लोकशाही दिनाचे आयोजन

नागरिकांच्या वैयक्तिक तक्रारींचा तातडीने निपटारा व्हावा, यासाठी तालुकास्तरावरील लोकशाही दिनाच्या धर्तीवर ठाणे महानगरपालिकेकडून दर महिन्याच्या तिसऱ्या सोमवारी परिमंडळ स्तरावर लोकशाही दिन आयोजित केला जातो. त्यानुसार, आगामी सोमवार, दिनांक १५ सप्टेंबर २०२५ रोजी परिमंडळ लोकशाही दिनाचे आयोजन करण्यात येणार आहे.

या पार्श्वभूमीवर नागरिकांनी आपली निवेदने १ सप्टेंबर २०२५ पर्यंत सादर करण्याचे आवाहन ठाणे महानगरपालिकेच्यावतीने करण्यात आले आहे.

निवेदने सादर करण्याची ठिकाणे

• परिमंडळ १ – (कळवा, मुंब्रा, दिवा प्रभाग समिती अंतर्गत)
  उपायुक्त कार्यालय, कळवा प्रभाग समिती कार्यालय, कळवा
• परिमंडळ २ – (नौपाडा, वागळे प्रभाग समिती अंतर्गत)
  उपायुक्त कार्यालय, नौपाडा प्रभाग समिती कार्यालय, ठाणे (प.)
• परिमंडळ ३ – (उथळसर, वर्तकनगर, लोकमान्य सावरकरनगर, माजिवडा-मानपाडा प्रभाग समिती अंतर्गत)
  उपायुक्त कार्यालय, माजिवडा-मानपाडा प्रभाग समिती कार्यालय, ठाणे (प.)

Maharashtra Politics: ‘बेस्ट’मध्ये ठाकरे बंधूंचा दारुण पराभव; फडणवीसांनी एका वाक्यात संपवला विषय, म्हणाले…

महत्त्वाच्या सूचना

• नागरिकांनी प्रथम आपली तक्रार परिमंडळ लोकशाही दिनात नोंदवावी.
• जर या स्तरावर दाखल केलेल्या तक्रारीवर अपेक्षित कार्यवाही झाली नाही, तरच नागरिकांना पुढील महापालिका लोकशाही दिनामध्ये तक्रार नोंदवण्याची संधी असेल.
• महापालिका लोकशाही दिनासाठी निवेदन सादर करताना ते नियमानुसार किमान १५ दिवस आधी दाखल करणे आवश्यक आहे.
• नागरिकांनी परिमंडळ लोकशाही दिनासाठी आपली निवेदने केवळ संबंधित परिमंडळ कार्यालयातच सादर करावीत.

Web Title: Thane news thanekar will face irregular water supply in the city for some days

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com