Sanjay Kumar: महाराष्ट्रातील निवडणुकांबद्दल चुकीची माहिती देणं भोवलं; संजय कुमार यांच्याविरोधात गुन्हा दाखल

लोकसभा आणि विधानसभा निवडणुकांबाबत चुकीची माहिती दिल्याने CSDS चे प्राध्यापक संजय कुमार यांच्यावर FIR दाखल. जाणून घ्या नक्की काय आहे हे प्रकरण आणि पोलिसांनी कोणत्या कलमांतर्गत गुन्हा दाखल केला आहे.

Sanjay Kumar (Photo Credit- X)

Follow Us:

Follow Us:

नागपूर: महाराष्ट्रातील लोकसभा आणि विधानसभा निवडणुकांसंदर्भात मतदारांबद्दल चुकीची माहिती दिल्यामुळे CSDS चे प्राध्यापक संजय कुमार (Sanjay Kumar) यांच्याविरोधात नागपूरमध्ये FIR दाखल करण्यात आला आहे. त्यांच्यावर निवडणुकीच्या प्रक्रियेवर परिणाम होईल अशी चुकीची आणि दिशाभूल करणारी माहिती पसरवल्याचा गंभीर आरोप आहे. या प्रकरणी पोलिसांनी BNS च्या कलम १७५, ३५३(१)(बी), २१२ आणि ३४०(१)(२) अंतर्गत गुन्हा नोंदवला आहे.

Nagpur Police have registered an FIR against Sanjay Kumar, an official from the Centre for the Study of Developing Societies (CSDS), following controversial social media posts related to Maharashtra elections. The FIR has been filed under multiple sections of the BNS, including… pic.twitter.com/FY1m0fYXoq

— ANI (@ANI) August 20, 2025

संजय कुमार यांनी मागितली होती माफी

केस दाखल होण्यापूर्वी, प्राध्यापक संजय कुमार यांनी या चुकीबद्दल माफी मागितली होती. त्यांनी सोशल मीडियावर सांगितले की, त्यांच्या डेटा टीमकडून २०२४ च्या लोकसभा आणि विधानसभा निवडणुकांच्या आकडेवारीची तुलना करताना चूक झाली. एका आकडेवारीची ओळ चुकीची वाचली गेल्याने हा प्रकार घडला. त्यांनी आपली वादग्रस्त पोस्ट डिलीट करून चुकीची माहिती पसरवण्याचा कोणताही हेतू नसल्याचे स्पष्टीकरण दिले.

Maharashtra Politics: ‘बेस्ट’मध्ये ठाकरे बंधूंचा दारुण पराभव; फडणवीसांनी एका वाक्यात संपवला विषय, म्हणाले…

पोलिसांकडून पुढील तपास सुरू

नागपूर पोलिसांनी सांगितले की, संजय कुमार यांनी सोशल मीडियावर शेअर केलेली माहिती केवळ दिशाभूल करणारी नव्हती, तर ती निवडणूक आचारसंहितेचा भंग करणारी देखील होती. सध्या पोलीस या प्रकरणाचा तपास करत आहेत. या पोस्टमागे नेमका काय हेतू होता आणि त्यामागे कोणताही संघटित प्रयत्न होता का, याचा शोध घेतला जात आहे.

Web Title: Case registered against sanjay kumar for giving wrong information about maharashtra elections

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com