बोनी कपूर यांना बसला धक्का! ‘No Entry 2’ मधून अचानक दिलजीतने घेतली माघार, नक्की काय कारण?

वरुण धवन आणि अर्जुन कपूर यांचा लोकप्रिय चित्रपट 'नो एंट्री २' गेल्या काही काळापासून चर्चेत आहे. अलिकडेच, दिलजीत दोसांझचे नाव देखील या चित्रपटाशी जोडले गेले होते होते आता गायक-अभिनेत्याने चित्रपट नाकारला आहे.

(फोटो सौजन्य - Instagram)

Follow Us:

Follow Us:

बोनी कपूर यांच्या बहुप्रतिक्षित ड्रीम प्रोजेक्ट ‘नो एंट्री’ च्या सिक्वेलबद्दल गेल्या काही काळापासून बरीच चर्चा सुरु आहे. अनीस बज्मी दिग्दर्शित या चित्रपटासाठी वरुण धवन, अर्जुन कपूर आणि दिलजीत दोसांझ यांची नावे पुढे आली होती, परंतु आता बातमी समोर आली आहे की दिलजीत या प्रकल्पातून बाहेर पडला आहे. आता या मोठ्या चित्रपटातून अभिनेता आणि गायक दिलजीत दोसांझने का नकार दिला आहे हे आपण जाणून घेणार आहोत.

दिलजीतने ‘नो एंट्री २’मधून घेतली माघार
फिल्मफेअरच्या रिपोर्टनुसार, दिलजीत दोसांझने ‘नो एंट्री २’ पासून स्वतःला दूर केले आहे. असे म्हटले जात आहे की तो या प्रकल्पाबद्दल खूप उत्साहित होता आणि वरुण-अर्जुनसोबत काम करण्यासही तो आनंदीही होता, परंतु चित्रपटाच्या सर्जनशील कल्पनेबद्दल त्याचे मत वेगळे होते. त्यामुळे, सर्जनशील मतभेदांमुळे त्याने चित्रपट सोडण्याचा निर्णय घेतला आहे.

Radhika Madan: राधिका मदन ‘या’ प्रसिद्ध अभिनेत्याला करतेय डेट ? व्हायरल फोटोने चाहत्यांना केले चकीत!

चित्रपट सोडण्याचे कारण
सूत्रांनी दिलेल्या माहितीनुसार, दिलजीत आणि चित्रपटाच्या टीममध्ये पटकथेबाबत अनेक वेळा चर्चा झाली, परंतु तो चित्रपटाच्या आशयावर खूश नव्हता. असेही म्हटले जात आहे की त्याला त्याचे पात्र मजबूत आणि पटकथेत खोली हवी होती. जेव्हा हे शक्य झाले नाही, तेव्हा त्याने चित्रपटाला निरोप देणेच योग्य मानले. आणि अभिनेत्याने चित्रपट करण्यास नकार दिला.

आता दिलजीतची जागा कोण घेणार?
आता सर्वात मोठा प्रश्न असा निर्माण होतो की दिलजीत गेल्यानंतर चित्रपटात त्याची जागा कोण घेईल. चित्रपट निर्माता बानी कपूर आणि दिग्दर्शक अनीस बज्मी यांनी अद्याप यावर कोणतेही अधिकृत विधान केलेले नसले तरी, लवकरच या अभिनेत्याच्या जागी एखाद्या मोठ्या चेहऱ्याला साइन केले जाईल असे मानले जाते. आणि तसे झाल्यास हा अभिनेता कोण आहे हे पाहण्यासाठी चाहते उत्सुक आहेत.

दादासाहेब फाळके बायोपिक प्रेक्षकांच्या भेटीस; आमिर खानची तिसऱ्यांदा राजकुमार हिरानींसोबत हातमिळवणी!

‘बॉर्डर २’ मध्ये वरुण आणि दिलजीत एकत्र दिसणार
विशेष म्हणजे, दिलजीत आणि वरुण ‘नो एंट्री २’ मध्ये एकत्र दिसणार नसले तरी, हे दोन्ही कलाकार सनी देओलसोबत ‘बॉर्डर २’ मध्ये काम करत आहेत. या चित्रपटाबद्दल प्रेक्षकांमध्ये खूप उत्साह दिसून येत आहे आणि असे मानले जाते की हा चित्रपट एक बिग बजेट चित्रपट असणार आहे. तसेच या चित्रपटाची शूटिंग सुरु झाली नसून ती लवकरच सुरु होणार आहे.

Web Title: Diljit dosanjh exits varun dhawan arjun kapoor starrer no entry 2 over creative differences

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com