Saif Ali Khan: सैफवरील हल्ल्याप्रकरणी पत्नी करीना कपूरचा मोठा खुलासा; पोलिसांनी वांद्रे सीसीटीव्ही फुटेज घेतले ताब्यात!

अभिनेता सैफ अली खानवरील प्राणघातक हल्ल्याच्या प्रकरणाची पोलिस चौकशी करत आहेत. अनेक लोकांची चौकशी केली जात आहे. आज सैफची पत्नी आणि अभिनेत्री करीना कपूर यांचेही जबाब नोंदवण्यात आला आहे.

(फोटो सौजन्य - सोशल मीडिया)

Follow Us:

Follow Us:

आज सैफ अली खानवरील हल्ल्याच्या प्रकरणात त्याची पत्नी आणि अभिनेत्री करीना कपूरचा जबाब नोंदवण्यात आला आहे. या घटनेबाबत करीना कपूरने वांद्रे पोलिसांसमोर तिचे म्हणणे मांडले आहे. याशिवाय पोलिसांनी वांद्रे परिसरातील सीसीटीव्ही फुटेजही ताब्यात घेतले आहे. आतापर्यंत ३० हून अधिक लोकांचे जबाब नोंदवण्यात आले आहेत. अभिनेत्रीने या प्रकरणी काय सांगितले आहे हे आपण आता जाणून घेणार आहोत.

३० स्वतंत्र तपास पथकांची स्थापना
वृत्तसंस्था एएनआयनुसार, शुक्रवारी संध्याकाळी पोलिस अधिकाऱ्यांच्या उपस्थितीत करीना कपूरचा जबाब तिच्या निवासस्थानी नोंदवण्यात आला. आतापर्यंत पोलिसांनी या प्रकरणात ३० हून अधिक लोकांचे जबाब नोंदवले आहेत. याशिवाय, मुंबई पोलिसांनी या प्रकरणाच्या तपासासाठी 30 स्वतंत्र पथके तयार केली आहेत. हे पथक गुन्हे शाखेने स्थापन केलेल्या १० तपास पथकांपेक्षा वेगळे आहेत.

‘मी सैफ अली खान आहे, लवकर स्ट्रेचर आणा’, वेदनेने ओरडत असणाऱ्या अभिनेत्याची ऑटो चालकाने सांगितली ‘त्या’ रात्रीची कहाणी

तीन संशयितांची चौकशी सुरू
मुंबई पोलिसांनी वांद्रे परिसरातील सर्व सीसीटीव्ही फुटेजही जप्त केले आहेत. या प्रकरणात तीन संशयितांची चौकशी सुरू आहे. तथापि, या प्रकरणासंदर्भात अद्याप कोणालाही अटक करण्यात आलेली नाही. यापूर्वी, सैफ अली खानच्या कर्मचाऱ्यांना या प्रकरणात चौकशीसाठी वांद्रे पोलिस ठाण्यात आणण्यात आले होते. परंतु त्यानंतर त्याला जाण्यास सांगितले. याचदरम्यान आता अभिनेत्री आणि सैफ अली खानची पत्नी करीन कपूरचा देखील पोलिसांनी जबाब नोंदवला आहे. सैफ अली खानच्या पत्नीने पोलिसांना माहिती दिली की हल्लेखोर खूप आक्रमक होता आणि त्याने हिंसक हाणामारी केली, परंतु गुन्हेगाराने समोर ठेवलेल्या दागिन्यांनाही हात लावला नाही. अभिनेत्रीने असेही सांगितले आहे की तिचे कुटुंब कसेतरी तिथून पळून इमारतीच्या १२ व्या मजल्यावर जाण्यात यश मिळवले.

Urvashi Rautela: अभिनेत्यावर हल्ल्यानंतर उर्वशी रौतेलाने का मागितली सैफ अली खानची माफी ? काय आहे संपूर्ण प्रकरण?

ऑटो चालकाने दिली महत्त्वाची माहिती
सैफ अली खानला लीलावती रुग्णालयात घेऊन जाणाऱ्या ऑटो चालकानेही या प्रकरणातील महत्त्वाची माहिती शेअर केली आहे. ऑटो चालकाने सांगितले की जेव्हा तो अभिनेत्याला रुग्णालयात घेऊन गेला तेव्हा त्याचा पांढरा कुर्ता रक्ताने पूर्णपणे माखलेला होता. तथापि, त्यावेळी त्याला लक्षात आले नाही की ऑटोमध्ये बसलेली व्यक्ती अभिनेता सैफ अली खान आहे. याशिवाय, ड्रायव्हरच्या म्हणण्यानुसार, रुग्णालयात पोहोचल्यानंतर सैफ अली खानने गार्डला फोन करून सांगितले, ‘मी सैफ अली खान आहे. माझ्यासाठी स्ट्रेचर आणा.’ सैफ अली खानला अद्याप रुग्णालयातून डिस्चार्ज मिळालेला नाही. तथापि, तो धोक्याबाहेर आहे.

Web Title: Saif ali khan stabbing case kareena kapoor records statement to bandra police regarding attack on her husband

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com