Shyam Benegal Funeral: श्याम बेनेगल यांच्यावर आज होणार अंत्यसंस्कार, घराबाहेर पसरली शांतता आणि निराशा!

प्रसिद्ध चित्रपट दिग्दर्शक-निर्माते आणि पटकथा लेखक श्याम बेनेगल यांचे सोमवारी मुंबईत निधन झाले. मुंबई सेंट्रल येथील वोक्हार्ट हॉस्पिटलमध्ये सायंकाळी ६.३८ वाजता त्यांनी अखेरचा श्वास घेतला.

फोटो सौजन्य - Social Media

Follow Us:

Follow Us:

दिवंगत श्याम बेनेगल यांचे प्रकृती अस्वास्थ्यामुळे निधन झाले आहे. ते ९० वर्षांचे होते. श्याम बेनेगल यांच्या पार्थिवावर आज, मंगळवारी अंत्यसंस्कार करण्यात येणार आहेत. श्याम बेनेगल यांच्यावर आज दुपारी २ वाजता मुंबईतील शिवाजी पार्क इलेक्ट्रिक स्मशानभूमीत अंत्यसंस्कार करण्यात येणार आहेत. आज त्यांच्या घराच्या त्रिवेणी संगमच्या इमारतीबाहेर काही पोलीस तैनात दिसले, संपूर्ण परिसरात एक विचित्र शांतता पसरली होती.

मुलीने त्यांची व्यथा मांडली
श्याम बेनेगल यांनी झुबैदा, अंकुर सारखे चित्रपट दिग्दर्शित केले. श्याम बेनेगल यांनी 23 डिसेंबर रोजी सायंकाळी 6.30 वाजता अखेरचा श्वास घेतला. नुकताच त्यांनी त्यांचा ९० वा वाढदिवस साजरा केला होता. दिवंगत श्याम बेनेगल यांची मुलगी पिया बेनेगल म्हणाली, “ते दीर्घकाळापासून किडनीच्या आजाराने त्रस्त होते.” दोन वर्षांपूर्वी त्यांच्या दोन्ही किडन्या निकामी झाल्या होत्या. तेव्हापासून त्यांच्यावर डायलिसिसवर उपचार सुरू होते.

आज अंत्यसंस्कार होणार आहेत
दिवंगत श्याम बेनेगल यांच्यावर आज दुपारी २ वाजता मुंबईतील शिवाजी पार्क इलेक्ट्रिक स्मशानभूमीत अंत्यसंस्कार करण्यात येणार आहेत. आज त्याच्या त्रिवेणी संगम घराच्या इमारतीबाहेर काही पोलीस तैनात दिसले. तसेच त्यांच्या घराबाहेर खूप शांतात पसरली होती. ही बातमी ऐकून त्यांचे चाहते देखील दुःखी झाले आहेत. श्याम बेनेगल यांनी त्यांच्या चाहत्यांना अत्यंत उत्कृष्ट चित्रपट दिले.

14 डिसेंबर रोजी 90 वा वाढदिवस साजरा केला
अलीकडेच 14 डिसेंबर रोजी श्याम बेनेगल यांनी त्यांचा 90 वा वाढदिवस साजरा केला. यावेळी शबाना आझमी, नसीरुद्दीन शाह आणि दिव्या दत्ता यांच्यासह अनेक बॉलिवूड सेलिब्रिटींनी त्यांचा वाढदिवस एकत्र साजरा केला. सर्वाधिक राष्ट्रीय पुरस्कार जिंकण्याचा विक्रम आपल्या नावावर करणाऱ्या श्याम बेनेगल यांना 8 चित्रपटांसाठी हा पुरस्कार देण्यात आला आहे. श्याम बेनेगल यांच्या चित्रपटांनी भारतीय चित्रपटसृष्टीला काही उत्कृष्ट अभिनेते दिले, ज्यात नसीरुद्दीन शाह, ओम पुरी, अमरीश पुरी, अनंत नाग, शबाना आझमी, स्मिता पाटील आणि सिनेमॅटोग्राफर गोविंद निहलानी यांचा समावेश आहे. जवाहरलाल नेहरू आणि सत्यजित रे यांच्यावर माहितीपट बनवण्याबरोबरच त्यांनी दूरदर्शनसाठी ‘यात्रा’, ‘कथा सागर’ आणि ‘भारत एक खोज’ या मालिकांचे दिग्दर्शनही केले आहे.

गॅरेजमध्ये काम ते एव्हरग्रीन हिरो; हालाखीच्या दिवसांत राहिलेल्या अनिल कपूर यांचं ‘या’ चित्रपटाने पालटलं नशीब

वडिलांच्या कॅमेराने पहिला चित्रपट बनवला
श्याम बेनेगल यांचा जन्म १४ डिसेंबर १९३४ रोजी हैदराबाद येथे ब्राह्मण कुटुंबात झाला. त्यांनी अर्थशास्त्राचा अभ्यास केला असला तरी नंतर त्यांचा कल फोटोग्राफीकडे वळला. त्यांना बॉलीवूडमधील आर्ट सिनेमाचे जनक देखील मानले जाते, जेव्हा ते बारा वर्षांचे होते तेव्हा त्यांनी त्यांचे फोटोग्राफर वडील श्रीधर बी यांच्यासोबत काम करण्यास सुरुवात केली. बेनेगल यांनी दिलेल्या कॅमेऱ्यावर पहिला चित्रपट बनवला. त्यांच्या पश्चात पत्नी नीरा बेनेगल आणि मुलगी पिया बेनेगल असा त्यांचा संपूर्ण परिवार आहे.

Web Title: Shyam benegal funeral on 24 december at 2 pm shivaji park electric crematorium

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com