हॉस्टेल डेजच्या पुढच्या सीझनची वाट बघणाऱ्यांची प्रतीक्षा संपली आहे. प्राइम व्हिडिओवरील TVF च्या हॉस्टेल डेजच्या चौथ्या सीझनचा ट्रेलर नुकताच लाँच झाला आहे. मालिकेच्या शेवटच्या सीझनमध्ये मित्रांचा गट प्रौढत्वाच्या टप्प्यात जाण्यापूर्वी त्यांच्या हॉस्टेल लाईफचा निरोप घेण्यासाठी शेवटच्या वेळी परतताना दिसेल. या सीरिजचं दिग्दर्शन अभिनव आनंद यांनी केलं आहे. यात अहसास चन्ना, लव विसपुते, शुभम गौर, निखिल विजय, आयुषी गुप्ता आणि उत्सव सरकार प्रमुख भूमिकेत आहेत, तर फैसल मलिक, गोपाल दत्त, अभिलाष थापलियाल, जैमिनी पाठक आणि देवेन भोजानी यांनी निवेदक म्हणून योगदान दिले आहे.
हा सीझनचा 27 सप्टेंबरपासून सगळ्यांना पाहता येईल. हॉस्टेल डेझ सीझन 4 चा ट्रेलर सहा मित्रांच्या जीवनावर प्रकाश टाकतो. एकीकडे काही लोक पूर्ण समर्पणाने आपल्या भावी करिअरच्या तयारीत व्यस्त आहेत, तर दुसरीकडे काही लोक आपल्या जवळच्या मित्रांच्या ग्रुपसोबत सध्याच्या काळाचा आनंद घेत आहेत. विविध प्रकारच्या अनुभवांच्या चढ-उतारांमध्ये—किचकट नातेसंबंधांचे निराकरण करणे, नोकरीच्या मुलाखतींना सामोरे जाणे आणि प्रेमळ मैत्री साजरी करणे—हा सीझन हसण्याने, नखशिखांत नाटकाने आणि हृदयाला भिडणाऱ्या मैत्रीने भरलेला आहे. दाखवण्यात आले आहे, व या सुंदर प्रवासाचा खरोखरच एक अद्भुत शेवट आहे.
दिग्दर्शक अभिनव आनंद म्हणाले, “हॉस्टेल डेजच्या शेवटच्या सीझनचे शूटिंग हा खरोखरच एक भावनिक आणि कडू-गोड प्रवास होता. मी नशीबवान आहे की मला अशा आश्वासक कलाकार आणि क्रूसोबत दिग्दर्शक म्हणून काम करण्याची आणि या सुंदर मालिकेचा भाग बनण्याची संधी मिळाली. गेल्या काही वर्षांत आम्ही एकत्र घालवलेले अविस्मरणीय क्षण मी नेहमी जपत राहीन. या सीझनमध्ये विद्यार्थी पूर्वीपेक्षा अधिक अनुभवी झाले आहेत आणि व्यावसायिक म्हणून त्यांच्या नवीन जीवनात पाऊल ठेवण्याची तयारी करत आहेत. प्रेक्षक आमच्यात सामील होतील याची मी आतुरतेने वाट पाहत आहे, कारण आता विद्यार्थी त्यांच्या महाविद्यालयीन जीवनातील शेवटची झेप घेणार आहेत.”
