‘द दिल्ली फाईल्स’चा टीझर आऊट, 2.21 मिनिट्समध्ये मिथुन चक्रवर्तींनी जिंकले चाहत्यांचे मन

विवेक रंजन अग्निहोत्री यांनी प्रजासत्ताक दिनी 'द दिल्ली फाइल्स: बंगाल चॅप्टर' चा टीझर रिलीज केला. या चित्रपटात मिथुन चक्रवर्तीचा लुक आणि अभिनय पाहून चाहत्यांना आता या चित्रपटाची उत्सुकता लागली आहे

द दिल्ली फाईल्सचा टीझर प्रदर्शित (फोटो सौजन्य - इन्स्टाग्राम)

Follow Us:

Follow Us:

‘द काश्मीर फाइल्स’ नंतर, विवेक रंजन अग्निहोत्री यांचा ‘द दिल्ली फाइल्स’ हा चित्रपट चर्चेत आहे. प्रजासत्ताक दिनानिमित्त, निर्माता-दिग्दर्शक विवेक रंजन अग्निहोत्री यांनी त्यांच्या आगामी ‘द दिल्ली फाइल्स: द बंगाल चॅप्टर’ या चित्रपटाचा टीझर रिलीज केला आहे. . बंगालच्या दुर्घटनेवर आधारित चित्रपटाचा टीझर सोशल मीडियावर शेअर करताना विवेक अग्निहोत्री यांनी याला ‘संविधानाचा आदर’ म्हटले आहे.

सोशल मीडियावर सक्रिय असलेले विवेक रंजन अग्निहोत्री यांनी इंस्टाग्रामवर ‘द दिल्ली फाइल्स’चा टीझर शेअर केला आणि कॅप्शनमध्ये लिहिले, ‘दिल्ली फाइल्स सादर करत आहे: द बंगाल चॅप्टरच्या निर्मात्यांकडून भारतीय संविधानाला श्रद्धांजली.’ या स्वातंत्र्यदिनी एका महाकाव्य माहीत नसलेल्या कथेचे साक्षीदार व्हा, जो जगभरात प्रदर्शित होईल असेही त्यांनी आपले मत व्यक्त केले आहे (फोटो सौजन्य – Instagram) 

मिथुनचा अप्रतिम अभिनय

विवेक अग्निहोत्री दिग्दर्शित ‘द दिल्ली फाइल्स: बंगाल चॅप्टर’ च्या दोन मिनिटांच्या २१ सेकंदांच्या टीझर व्हिडिओमध्ये मिथुन चक्रवर्ती डळमळीत आवाजात बोलताना दिसत आहेत. एका संवेदनशील मुद्द्यावर बनवलेल्या ‘द दिल्ली फाइल्स’मधील त्याचा पहिला लुक दमदार आहे. बंगाल दुर्घटनेवर आणि हिंदू नरसंहारावर आधारित चित्रपटाच्या टीझरमध्ये, अभिनेता रिकाम्या कॉरिडॉरमध्ये हळू हळू चालत आणि भारतीय संविधानाचे पठण करताना दिसला. मिथुनने त्याच्या पांढऱ्या दाढीने आणि थरथरत्या आवाजाने सर्वांचे लक्ष वेधून घेतले.

Saif Case Update: सैफच्या हल्लेखोराची मदत करणाऱ्याच्या मागावर मुंबई पोलीस, पोहचले थेट West Bengal मध्ये

कलाकारांची मंदियाळी

‘द दिल्ली फाइल्स: द बंगाल चॅप्टर’ हे चित्रपट विवेक रंजन अग्निहोत्री यांनी दिग्दर्शित केले आहे. या चित्रपटाची निर्मिती अभिषेक अग्रवाल आणि पल्लवी जोशी यांनी केली आहे. हा चित्रपट तेज नारायण अग्रवाल आणि आय एम बुद्धा प्रॉडक्शन यांच्या सहकार्याने बनवण्यात आला आहे. या चित्रपटात मिथुन चक्रवर्ती, अनुपम खेर, गोविंद नामदेव, पुनीत इस्सर, बब्बू मान आणि पालोमी घोष यांच्या प्रमुख भूमिका आहेत. हा चित्रपट १५ ऑगस्ट २०२५ रोजी प्रदर्शित होणार आहे.

प्रेक्षकांचा प्रतिसाद

या चित्रपटाचा केवळ टीझर सध्या प्रदर्शित करण्यात आला आहे आणि प्रेक्षकांना या चित्रपटाची प्रचंड उत्सुकता लागून राहिली आहे. काश्मीर फाइल्सनंतर आता या नव्या चित्रपटातील कथा कशी मांडण्यात आली असेल याबाबतही चर्चा सुरू झाली आहे. तर प्रेक्षकांनी आणि मिथुन चक्रवर्ती यांच्या चाहत्यांनी या टीझरवर कमेंट्सचा आणि कौतुकाचा वर्षाव केला आहे. तुम्ही पाहिले नसेल तर त्वरीत पहा टीझर 

आशा भोसले यांच्या नातीला डेट करतोय Mohammad Siraj? वाढदिवसाचा फोटो व्हायरल

पहा टीझर

 

View this post on Instagram

 

A post shared by Vivek Ranjan Agnihotri (@vivekagnihotri)

Web Title: Mithun chakraborty character in the delhi files won the fans heart teaser out

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com