ट्विंकल खन्नाच्या वक्तव्याने खळबळ (फोटो सौजन्य - इन्स्टाग्राम)
प्रसिद्ध बॉलीवूड अभिनेत्री ट्विंकल खन्ना आणि काजोल यांनी “टू मच” नावाचा एक टॉक शो सुरू केला आहे. या टॉक शोमध्ये अनेक प्रमुख बॉलीवूड स्टार्सनी पाहुणे म्हणून हजेरी लावली आहे. अलिकडेच आलिया भट्ट आणि वरुण धवन या शोमध्ये आले होते, जिथे त्यांनी त्यांच्या करिअर आणि वैयक्तिक आयुष्यातील विविध विषयांवर चर्चा केली.
दरम्यान, ट्विंकल खन्नाने ऋषी कपूर यांच्याशी संबंधित एक घटना सांगितली ज्यामुळे आलिया भट्ट मात्र अस्वस्थ झाली. ट्विंकल खन्नाने यावेळी स्पष्ट केले की या घटनेमुळे ऋषी कपूर यांना खूप ट्रोल करण्यात आले होते. पण आलिया भट ऋषी कपूरची सून असल्यामुळे ही गोष्ट ऐकून तिला मात्र धक्का बसला आणि पुन्हा एकदा ट्विंकल खन्नाने एका नव्या वादाला तोंड फोडलं आहे.
ऋषी कपूरचा झाला उल्लेख
खरं तर, काजोल आणि ट्विंकल खन्नाच्या “टू मच” या शोमध्ये आलिया भट्ट आणि वरुण धवन यांनी ऋषी कपूरचा उल्लेख केला. “स्टुडंट ऑफ द इयर” च्या चित्रीकरणादरम्यान आलिया भट्टने ऋषी कपूरसोबत कसा वेळ घालवला हे आलिया भट्टने सांगितले. शूटिंगनंतर ऋषी कपूर सर्वांना जेवणासाठी आमंत्रित करायचे. दरम्यान, आलिया भट्टने ऋषी कपूरबद्दलची तिची अत्यंत सुखद आठवण व्यक्त केली.
राहामध्येही ऋषी कपूरची झलक दिसते आणि तिचे बरेच गुण तिच्या आजोबांसारखे दिसतात असे अभिनेत्रीने स्पष्ट केले. आलिया भट्टचे शब्द ऐकून, ट्विंकल खन्नाने ऋषी कपूरबद्दलचा एक मजेदार किस्साही सांगितला.
‘जेव्हा जोडीदार खूप जवळ…’ सलमान खानला बनायचं आहे बाबा? नेमकं काय आहे प्रकरण?
ट्विंकलने किस्सा सांगताच आलियाला बसला धक्का
ट्विंकल खन्नाने आलिया भट्ट आणि वरुण धवन यांच्यासोबतचा किस्सा शेअर करताना म्हटले की, “आलियाच्या सासऱ्यांमुळे मी जवळजवळ कपूर झाले होते. माझ्या वाढदिवशी त्यांनी प्रेमाने ट्विट केले, “तुला माहिती आहे, जेव्हा तू तुझ्या आईच्या पोटात होतीस तेव्हा मी त्याच्यासाठी गाणी म्हणायचो. सर्वांना वाटायचे की मी त्याची अवैध मुलगी आहे. यासाठी त्याला ट्रोल करण्यात आले आणि त्यांना स्पष्टीकरणदेखील द्यावे लागले आणि माफी मागावी लागली होती” ट्विंकल खन्नाच्या बोलण्याने आलिया भट्टही आश्चर्यचकित झाली. काजोलनेही अभिनेत्रीच्या हावभावाकडे लक्ष वेधले. यावर ट्विंकल खन्नाने लगेच उत्तर दिले, “मी तुझी नणंद नाही; ती फक्त एक चूक होती.” आलिया भट्टनेही याची खिल्ली उडवली आणि म्हणाली, “नक्की यावर कशी प्रतिक्रिया द्यावी हेच समजत नाहीये”
View this post on Instagram
