आयुर्वेदामध्ये शेवग्याच्या पानांना विशेष महत्व आहे. शेवग्याच्या पानांपासून भाजी बनवली जाते. शिवाय याचा झाडाला शेवग्याच्या शेंगा सुद्धा येतात. या शेंगांचे सेवन करणे आरोग्यासाठी अतिशय पौष्टिक आहे. कारण यामुळे हाडांचे आरोग्य सुधारण्यास मदत होते. शिवाय दैनंदिन आहारात शेवग्याच्या पानांची पावडर खाल्यामुळे शरीराची रोगप्रतिकारशक्ती काकुवत होऊन जाते. त्यामुळे आज आम्ही तुम्हाला शेवग्याच्या पानांची पावडर खाल्यामुळे आरोग्याला नेमके काय फायदे होतात, याबद्दल सांगणार आहोत. चला तर जाणून घेऊया.
मोरिंगा पावडरचे सेवन केल्यामुळे आरोग्याला होणारे फायदे
मोरिंगमध्ये विटामिन ए, सी, ई आणि के इत्यादी अनेक घटक आढळून येतात. शिवाय यामध्ये कॅल्शियम, लोह, मॅग्नेशियम आणि झिंक यांसारखी खनिजे मुबलक प्रमाणात आढळून येतात.
शरीराची कमी झालेली रोगप्रतिकारशक्ती सुधारण्यासाठी दैनंदिन आहारात मोरिंगा पावडरच्या पाण्याचे सेवन करावे. यामुळे शरीराला ऊर्जा मिळते आणि आरोग्य सुधारण्यास मदत होते.
बिघडलेली पचनक्रिया सुधारण्यासाठी रिकाम्या पोटी मोरिंगा पावडरच्या पाण्याचे सेवन करावे. यामुळे शरीरातील विषारी घटक बाहेर पडून जातात आणि पचनक्रिया सुधारते.
शरीरात वाढलेली कोलेस्ट्रॉलची पातळी नियंत्रणात ठेवण्यासाठी मोरिंगा पावडरचे सेवन करावे. यामुळे कोलेस्ट्रॉलची पातळी नियंत्रणात राहते आणि हृदयविकाराचा धोका कमी होतो.
वाढलेले वजन कमी करण्यासाठी तुम्ही मोरिंगा पावडरचा वापर करून चहा तयार करू शकता. या चहामध्ये असलेले गुणधर्म शरीरावर वाढलेली अतिरिक्त चरबी कमी करण्यासाठी मदत करतात.
