आवडीने प्यायले जाणारे Cold Drink शरीरासाठी ठरतात अतिशय घातक, शरीरात लठ्ठपणा वाढण्यासोबतच आतड्यांचे होईल नुकसान

एका सामान्य ३०० मिलीलीटर सॉफ्ट ड्रिंकच्या बाटलीमध्ये अंदाजे ३५ ते ४० ग्रॅम साखर असते. ही साखर शरीरात ऊर्जा निर्माण न करता चरबीच्या स्वरूपात साठून राहते.

स्वस्त पेयांमध्ये अनेकदा उच्च-फ्रुक्टोज कॉर्न सिरप असते. याचा थेट परिणाम शरीरावर होतो. सॉफ्ट ड्रिंक प्यायल्याने रक्तातील साखरेची पातळी अचानक वाढते आणि मधुमेहाचा धोका निर्माण होतो.

शरीराच्या पेशी इन्सुलिनची संवेदनशीलता कमी झाल्यानंतर संपूर्ण आरोग्याला हानी पोहचते. अशावेळी टाईप २ मधुमेह होण्याची शक्यता असते. शरीरात रक्ताची पातळी वाढल्यानंतर संपूर्ण आरोग्य बिघडून जाते.

कोल्ड ड्रिंकमध्ये असलेले फॉस्फोरिक आम्ल शरीरातील कॅल्शियम बाहेर काढून टाकते. कॅल्शियमची पातळी कमी झाल्यानंतर हाडांमध्ये वेदना वाढून गंभीर आजारांची लागण होते.

सोडामधील आम्ल दातांच्या बाहेरील थराला हानी पोहचवते. यामुळे दात कमकुवत होऊन सहज पडतात. तसेच कोल्ड ड्रिंक पिताना दातांमध्ये संवेदनशीलता वाढते.