‘मध्यरात्रीच्या अंधारात दिवट्या मशालींच्या नाच आणि उत्साहाचा आक्रोश…’ याला साधी वरात समजू नका!

मध्यरात्रीच्या सुमारास 'छबिना' किंवा 'सबेना' हा भुताटकीच्या प्रकार बाहेर निघतो. हा प्रकार इतर प्रकारांपेक्षा अधिक भयानक आहे. कारण यात एक भूत नाही तर शेकडो भूत समोर जाताना दिसतात.

जर तुम्ही रात्रीच्या अंधारात रानात गेलात आणि समोरून जोरजोरात बाजा वाजवताना आणि एक उत्साहाचा आक्रोश येताना दिसला तर काय आहे? हे उत्साहाने पाहत बसू नका.

मुळात, तो 'छबिना' असतो. माणसांचा नव्हे तर भुतांचा! शेकडो भुतं समोरून नाचत-गात येताना दिसतात. भुतं, पिशाच, जीन, ब्रह्मराक्षस, गिर्हा तसेच भुतांचे अनेक प्रकार आणि शेकडो भुतांची गर्दी या वरातीत दिसते.

कुणाला मान नसते, तर कुणाला धड, कुणाच्या अंगावर वार केलेले असतात तर कुणी कालभिन्न असते. काळाकुट्ट अंधारात दिवट्या मशालींच्या प्रकाश इतका होतो की तेवढा भूभाग दिवसच वाटायला लागतो. पण त्या प्रकाशात पण भीतीच असते.

त्या वरातीत मधोमध वेताळाची पालखी असते. कोकणात 'छबिना किंवा सबेना' या भुताटकीच्या प्रकारच्या अनेक गोष्टी ऐकायला मिळतात.