रशिया-युक्रेन युद्ध थांबणार? पुतिनने ट्रम्पसमोर ठेवली ‘ही’ अट; अलास्का भेटीवर मोठा खुलासा

अलास्कामध्ये झालेल्या भेटीवर मोठा खुलासा करण्यात आला आहे. ट्रम्प यांनी दावा केला आहे की, पुतिन यांनी युद्धबंदीसाठी अटी ठेवल्या आहेत. या अटी मान्य झाल्यास रशिया युद्ध थांबवण्यावर विचार करेल असे त्यांनी म्हटले आहे.

रशिया-युक्रेन युद्ध थांबणार? पुतिनने ट्रम्पसमोर ठेवली 'ही' अट; अलास्का भेटीवर मोठा खुलासा (फोटो सौजन्य: सोशल मीडिया)

Follow Us:

Follow Us:

• युद्ध संपवण्यासाठी रशियाने मांडल्या दोन महत्वाच्या अटी
• युरोपीय देशांशी केली चर्चा
•  युद्ध संपवणे आता पूर्णपणे युक्रेनच्या हाती- डोनाल्ड ट्रम्पचा दावा

Russia Ukraine War : दोन वर्षाहून अधिक काळ सुरु असलेले रशिया युक्रेन युद्ध (Russia Ukraine War) थांबवण्याचे कोणतेही चिन्ह दिसत नाही. गेल्या अनेक महिन्यांपासून हे युद्ध थांबवण्यासाठी जागतिक पातळीवर चर्चा सुरु आहे. परंतु या चर्चा अपयशी ठरल्या आहे. याच वेळी शुक्रवारी अलास्कामध्ये अमेरिकेचे राष्ट्राध्यक्ष डोनाल्ड ट्रम्प (Donald Trump)आणि रशियाचे अध्यक्ष व्लादिमिर पुतिन (Vladimir Putin) यांच्यात एक बैठक पार पडली.

युद्ध थांबणार- ट्रम्प यांचा मोठा दावा

ही बैठक युक्रेनमधील युद्धावर कायमस्वरुपी तोडगा काढण्यावर होती. पण या बैठकीत कोणताही ठोस निर्णय झाला नसल्याचे सांगण्यात येत होते. पण आता ट्रम्प यांनी हे युद्ध संपणार असल्याचे संकेत दिले आहे.

ट्रम्प यांनी या बैठकीनंतर रशिया युक्रेन युद्ध थांबू शकते असा मोठा दावा केला आहे. पण यासाठी रशियाचे पुतिन यांच्या काही अटी युक्रेनला मान्य कराव्या लागतील असे त्यांनी म्हटले आहे.

यामुळे युद्ध संपवणे आता पूर्णपणे युक्रेनच्या हाती असल्याचे ट्रम्प यांनी म्हटले आहे. व्लादिमिर पुतिन यांनी देखील याचे संकेत दिले आहे. त्यांनी स्वत: हा युरोपीय देशांशी फोनवरुन चर्चा केली आहे. पुतिन यांनी आपल्या अटी युरोपीय देश आणि युक्रेनला सांगितले आहेत.

Russia Ukraine War : झेलेन्स्कींना झटका! ट्रम्प-पुतिन बैठीदरम्यान रशियन सैन्याचा युक्रेनच्या दोन भागांवर ताबा

काय आहेत रशियाच्या अटी? 

• पुतिन यांनी युक्रेनने पूर्व डोनेट्स्क भागातून सैन्य माघारी घ्यावे अशी मागणी केली आहे. तरच रशिया युद्ध संपवण्याचा विचार करेल असे पुतिन यांनी म्हटले आहे. गेल्या अनेक काळापासून रशिया आणि युक्रेनमध्ये डोनेट्स्क भाग वादग्रस्त मुद्दा राहिला आहे. यावर रशियाचा ताबा होता. इथून सैन्य माघारी घेतल्यास येथील कारवाया थांबवण्याचे रशियाने म्हटले आहे.
• पुतिन यांनी नाटोचा मुद्दाही पुन्हा उपस्थित  केला आहे. त्यांनी नाटोला पूर्वेकडील युक्रेन भागातील विस्तार थांबवण्याची मागणी केली आहे. तसेच युक्रेनला नाटोमध्ये सामील न करण्याचीही मागणी पुतिन यांनी केली आहे. असे झाल्यास रशिया खात्री देतो की युद्धबंदीवर करार करण्यास चर्चा होईल असे त्यांनी म्हटले आहे. युरोपमधील नाटोचे वाढते अस्तित्व रशियासाठी धोक्याचे पुतिन यांनी म्हटले आहे.

युक्रेनाचा ठाम नकार

दरम्यान यापूर्वी देखील रशियाने या अटी युरोपीय देशांसमोर मांडल्या होत्या. पण युक्रेनचे अध्यक्ष वोलोडिमिर झेलेन्स्की (Volodymir Zelensky)  यांनी याला ठाम नकार दिला होता. तसेच युक्रेनने कोणत्याही प्रदेशाची आदलाबदलीसही नकार दिला होता. त्यांना युक्रेनचे विभाजन होऊ देणार नाही, असे स्पष्ट सांगितले होते.

ट्रम्पचा दुहेरी खेळ? भारतावर टॅरिफचा बोजा, पण रशियाशी अमेरिकेचा व्यापार तेजीत

Web Title: Russia ukraine war putin put two conditions to end ukraine war

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com