दोम्ही राष्ट्रवादी एकत्र येणार? मुख्यमंत्र्यांच्या निवासस्थानी दोन्ही उपमुख्यमंत्र्यांसह पार पडणार हाय वोल्टेज मिटिंग!

मुंबईतील ‘वर्षा’ बंगल्यावर आज महायुतीच्या समन्वय समितीची हायव्होल्टेज बैठक होणार आहे. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि सुनेत्रा पवार यांच्या उपस्थितीत महायुतीतील समन्वय, महामंडळांचे वाटप आणि दोन्ही राष्ट्रवादींच्या संभाव्य एकत्रीकरणावर चर्चा होण्याची शक्यता आहे.

• ‘वर्षा’वर संध्याकाळी ७ वाजता महायुती समन्वय समितीची बैठक.
• दोन्ही राष्ट्रवादी पुन्हा एकत्र येण्याच्या चर्चेचा महत्त्वाचा मुद्दा
• महामंडळांचे वाटप, स्थानिक समन्वय आणि विधान परिषद जागांवर चर्चा होण्याची शक्यता

 

मुख्यमंत्री देवेंद्र फडणवीस यांच्या ‘वर्षा’ निवासस्थानी आज (सोमवार, 24 ऑगस्ट) उपमुख्यमंत्री एकनाथ शिंदे आणि उपमुख्यमंत्री सुनेत्रा पवार यांच्या मुख्य उपस्थितीत महायुतीच्या समन्वय समितीची बैठक पार पडणार आहे. महायुती सरकारमधील अंतर्गत मतभेद आणि आगामी काळातील राजकीय रणनीती आखण्याचा पार्श्वभूमीवर हि मिटिंग आयोजित करण्यात आले असल्याचे समजण्यात येत आहे. असे असले तरीही सूत्रांच्या मते, आज मोठ्या राजकीय घडामोडी घडण्याची शक्यता असून दोनी राष्ट्रवादींच्या विलीनीकरणाबाबत चर्चा होणार असल्याची माहिती मिळत आहे.

या बैठकीकडे आता संपूर्ण राज्याचे लक्ष लागले असून दोन्ही राष्ट्रवादी एकत्र येण्याची दाट शक्यता वर्तवण्यात येत आहे. दरम्यान काल राष्ट्रवादी शरद पवार गटाचे सर्वेसर्वा शरद पवार आणि आमदार जयंत पाटील यांच्यात बैठक पार पडली असून त्यात या दोन्ही नेत्यांमध्ये सिलीनीकरणाची चर्चा झाल्याची माहिती विश्वसनीय सूत्रांकडून मिळत आहे. त्यातच आता महायुती समन्वय समितीची बैठक पार पडणार असून या बैठकीकडे संपूर्ण राज्याचे लक्ष लागले आहे.

महामंडळांच्या वाटपाचा मुद्दा महत्त्वाचा

महायुतीच्या घटक पक्षांमध्ये गेल्या काही काळापासून स्थानिक पातळीवर समन्वयाचा अभाव असल्याच्या तक्रारी आहेत. त्यामुळे घटक पक्षांमध्ये ताळमेळ वाढवण्यासाठी बैठकीत चर्चा होण्याची शक्यता आहे. यासाठीच मुख्यमंत्र्यांसह दोन्ही उपमुख्यमंत्री या बैठकीसाठी उपस्थित असणार आहेत. दीर्घकाळापासून प्रलंबित असलेल्या विविध शासकीय महामंडळांच्या अध्यक्ष आणि सदस्यपदांचे वाटप, जिल्हास्तरीय नियोजन समित्या आणि इतर महत्त्वाच्या समित्यांमधील पदवाटप यावरही निर्णय होण्याची शक्यता वर्तवण्यात येत आहे.

Rohit Pawar on Nagpur Event: ’ भाजपकडून राहुल गांधींच्या कार्यक्रमाची कॉपी!; रोहित पवारांची देवेंद्र फडणवीसांवर बोचरी टीका

विधान परिषद नियुक्त्यांवरही नजर

राज्यपाल नियुक्त विधान परिषदेच्या पाच जागांबाबत अंतिम निर्णय घेण्याचा मुद्दाही बैठकीत चर्चेला येऊ शकतो. याशिवाय महायुतीतील आमदार आणि स्थानिक कार्यकर्त्यांमधील मतभेद दूर करून आगामी काळात अधिक प्रभावी समन्वय कसा साधता येईल, यावरही चर्चा अपेक्षित आहे.

विशेषतः दोन्ही राष्ट्रवादी काँग्रेस गट भविष्यात एकत्र आल्यास महायुतीची समीकरणे कशी बदलतील, हा मुद्दा बैठकीत महत्त्वाचा ठरण्याची शक्यता आहे. त्यामुळे आजची बैठक केवळ प्रशासकीय समन्वयापुरती मर्यादित राहणार की आगामी राजकीय रणनीतीबाबतही मोठे निर्णय घेतले जाणार, याकडे सर्वांचे लक्ष लागले आहे.

Sanjay Raut Slams Narendra Modi: चहा विकल्याचा पुरावा द्या, राजकारण सोडेन!; संजय राऊतांचे नरेंद्र मोदी आणि भाजपला उघड आव्हान