फोटो सौजन्य- pinterest
आमला नवमी कार्तिक महिन्याच्या दिवशी येते. दरम्यान यावेळी ही तारीख आज शुक्रवार, 31 ऑक्टोबर रोजी आहे. या दिवशी आवळा नवमी साजरी केली जाते यालाच अक्षय नवमी असे देखील म्हटले जाते. या दिवशी आवळा वृक्ष आणि भगवान विष्णूची पूजा करण्याला विशेष महत्त्व देखील आहे. अक्षया नवमीपासून देवूठाणी एकादशीपर्यंत भगवान विष्णू आवळ्याच्या झाडाखाली वास्तव्य करतात अशी मान्यता आहे. अमला नवमीच्या दिवशी कोणते उपाय केल्याने व्यक्तीच्या जीवनामध्ये सुख समृद्धी आणि आनंद येतो ते जाणून घ्या
ज्योतिषशास्त्रानुसार आवळा नवमीला आवळा वृक्षाची पूजा केली जाते. या दिवशी कापूर आणि तुपाच्या दिव्याने आरती करावी. त्यासोबतच आवळा वृक्षाला 108 वेळा प्रदक्षिणा घालून वृक्षाच्या खाली ब्राह्मण, गरजू किंवा गरिबांना भोजन द्यावे. याशिवाय तुम्ही देखील शक्य असल्यास तेथे बसून जेवण करावे. या प्रथेमुळे भगवान विष्णू आणि देवी लक्ष्मी दोघांचेही आशीर्वाद मिळतात आणि कुटुंबातील सदस्यांना समृद्धी मिळते. शिवाय, जीवनात सकारात्मकता येते.
भगवान विष्णूंचा आशीर्वाद मिळविण्यासाठी आवळा नवमीच्या दिवशी झाडाची पूजा केली पाहिजे. ज्योतिषशास्त्रानुसार, अक्षय नवमीला पूर्वेकडे तोंड करून आवळ्याच्या झाडाच्या मुळाला पाणी आणि दूध द्यावे. त्यासोबतच ‘ॐ धात्र्ये नमः’ या मंत्रांचा जप करुन हळदीने स्वस्तिक तयार करावे. या उपायाचे पालन केल्याने व्यक्तीच्या घरात आणि जीवनात सुख आणि समृद्धी येते
ज्योतिषशास्त्रानुसार, आवळा नवमीला झाडाची पूजा करणे आणि उपवास करणे खूप शुभ मानले जाते. या दिवशी भगवान विष्णूला आवळा देखील अर्पण करावा. नैवेद्य दाखवल्यानंतर, आवळा स्वतः खा त्यामुळे आरोग्य चांगले राहते. तुमच्या घरात कधीही संपत्ती आणि समृद्धीची कमतरता भासणार नाही. अक्षय नवमीला गरजूंना उबदार कपडे दान करणे खूप शुभ मानले जाते.
आवळा नवमीला तुमच्या घरामधील सकारात्मकता वाढविण्यासाठी अक्षय नवमीला आवळा वृक्ष लावा. तुमच्या घराच्या पूर्व किंवा उत्तर दिशेने ते लावणे अत्यंत शुभ मानले जाते. असे केल्याने घरातील नकारात्मकता दूर होते आणि सकारात्मक ऊर्जा येते यामुळे एकाग्रता वाढते आणि शिक्षण क्षेत्रात फायदेशीर ठरू शकते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
