नवीन वर्षाच्या पहिल्या महिन्यातील संकष्टी चतुर्थी कधी?

पौष महिन्यात येणारी संकष्टी चतुर्थी लंबोदर संकष्टी चतुर्थी म्हणून ओळखली जाते. लंबोदर संकष्टी चतुर्थीला पूर्ण विधीपूर्वक बाप्पाची पूजा केली जाते. जाणून घ्या संकष्टी चतुर्थी कधी आहे, मुहूर्त, महत्त्व

फोटो सौजन्य- pinterest

Follow Us:

Follow Us:

वर्षातील पहिली संकष्टी चतुर्थी लंबोदर संकष्टी चतुर्थी म्हणून ओळखली जाईल. पंचांगानुसार लंबोदर संकष्टी चतुर्थीचे व्रत शुक्रवार, 17 जानेवारी रोजी पाळण्यात येणार आहे. अनेक लोक या दिवशी श्रीगणेशाचा आशीर्वाद मिळविण्यासाठी आणि त्यांच्या जीवनातील अडचणी दूर करण्यासाठी उपवास देखील ठेवतात, जे चंद्राच्या दर्शनानंतरच मोडतात. लंबोदर संकष्टी चतुर्थीची नेमकी तारीख, महत्त्व आणि विशेष उपाय जाणून घेऊया-

लंबोदर संकष्टी चतुर्थीला सनातन धर्मात विशेष महत्त्व आहे. यावर्षी लंबोदर संकष्टी चतुर्थी हा सण माघ महिन्याच्या कृष्ण पक्षाच्या चतुर्थी तिथीला साजरा केला जातो. या विशेष प्रसंगी उपवास आणि गणपतीची पूजा करण्याची पद्धत आहे.
असे मानले जाते की, लंबोदर संकष्टी चतुर्थीला भक्ताने श्रीगणेशाची योग्य प्रकारे पूजा केल्यास त्याचे शुभफळ प्राप्त होतात आणि गणपती बाप्पाचा आशीर्वाद सदैव राहतो. वर्षाचा शेवट श्रीगणेशाच्या पूजेने करा आणि नवीन वर्षाचे स्वागत करा जेणेकरून वर्षभर भक्तांच्या जीवनातील अडथळे दूर राहतील आणि सुख-समृद्धी टिकून रहावी. अग्रदेवाच्या पूजेने कामातील अडथळे दूर होतात.

ज्योतिषशास्त्र संबंधित बातम्या वाचण्यासाठी इथे क्लिक करा

कधी आहे संकष्टी चतुर्थी

यंदा संकष्टी चतुर्थी शुक्रवार 17 जानेवारी रोजी पहाटे 4.6 मिनिटांनी सुरु होईल. जी 18 जानेवारी रोजी पहाटे 5:30 वाजता समाप्त होईल. अशा परिस्थितीत उदयतिथीच्या आधारे 17 जानेवारी रोजी सकट चौथ व्रत पाळण्यात येणार आहे. या दिवशी चंद्रोदयाची अचूक वेळ रात्री उशिरा 09:09 आहे.

संकष्टी चतुर्थी महत्त्व

संकष्टी चतुर्थीचा दिवस श्रीगणेशाच्या पूजेसाठी अत्यंत शुभ मानला जातो. सनातन धर्मात सर्व देवी-देवतांच्या आधी गणपती बाप्पाची पूजा केली जाते. त्यांची पूजा केल्याशिवाय कोणताही विधी पूर्ण होत नाही. याशिवाय लग्नाशी संबंधित विधींमध्येही त्यांची पूजा केली जाते, म्हणून त्यांना मंगलमूर्ती म्हणून ओळखले जाते.

पौष पौर्णिमा नेमकी कधी आहे? जाणून घ्या मुहूर्त, महत्त्व

संकष्टी चतुर्थी पूजा विधी

व्रताच्या दिवशी ब्रह्म मुहूर्तावर जागरण करावे.

आंघोळ वगैरे झाल्यावर लाल रंगाचे कपडे घाला.

घराच्या मंदिरात लाकडी स्टूल ठेवा. त्यावर लाल रंगाचे कापड पसरून श्रीगणेशाची मूर्ती स्थापित करा.

गणपतीला कुंकू, फुले, फळे आणि मिठाई अर्पण करा.

श्रीगणेशाला तिलकुट अर्पण करा.

तुपाचा दिवा लावावा. यावेळी गणेश चालिसाचे पठण करावे.

शेवटी श्रीगणेशाची आरती करून शंख वाजवा.

लंबोदर संकष्टी चतुर्थी उपाय

धार्मिक मान्यतेनुसार, भगवान गणेशाची पूजा केल्यानंतर, संध्याकाळी चंद्र उगवल्यावर त्याला अर्घ्य अर्पण करा आणि गणेश वंदना पाठ करा किंवा ऐका.

संकष्टी चतुर्थी मंत्र

ऊं श्री गणेशाय नमः

ऊं गण गणपतये नमो नमः

ऊं विकटमें विकटतमें गणपतिम् भजे

ऊं गणेश विद्ये नमोस्तुते

( टीपः धर्म, ज्योतिष, वास्तू, फेंगशुई इत्यादी विषयांवरील लेख/ बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navrashtra या तथ्यांची पुष्टी करु शकत नाही)

Web Title: Sankashti chaturthi 2025 shub muhurta importance remedy mantra

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com