फोटो सौजन्य- istock
जीवनात सकारात्मक ऊर्जेचा प्रसार करण्यासाठी वास्तुमध्ये अनेक उपाय आणि नियम सांगण्यात आले आहेत. सुखी आणि समृद्ध जीवनासाठी वास्तूच्या नियमांचे पालन करणे अत्यंत महत्त्वाचे मानले जाते. वास्तुशास्त्रामध्ये स्वयंपाकघर, बेडरूम, वॉशरूम, ड्रॉईंग रूमसह घरातील सर्व खोल्यांच्या सजावटीबाबत अनेक महत्त्वाचे नियम सांगण्यात आले आहेत. असे मानले जाते की, वास्तुशी संबंधित काही चुका जीवनावर नकारात्मक प्रभाव टाकतात. वास्तूमध्ये घराच्या प्रत्येक खोलीसाठी वेगवेगळ्या रंगाचे बल्ब वापरण्याचा सल्ला दिला जातो. असे मानले जाते की, यामुळे कुटुंबातील प्रत्येक सदस्याला खूप शुभ परिणाम मिळतात. जाणून घेऊया घरातील कोणत्या खोलीत कोणत्या रंगाचा बल्ब असावा?
वास्तूनुसार, घरातील दिव्यांच्या रंगांना म्हणजेच बल्बला खूप महत्त्व आहे. जर घराच्या प्रमुखाची बेडरूम दक्षिण-पश्चिम दिशेला असेल तर तेथे पिवळा दिवा लावणे शुभ मानले जाते.
ज्योतिषशास्त्र संबंधित बातम्या वाचण्यासाठी इथे क्लिक करा
आग्नेय दिशेला स्वयंपाकघर असेल तर तिथे पांढरे दिवे लावावेत. त्याचबरोबर घराच्या मध्यभागी म्हणजेच ब्रह्म स्थानावर पिवळे दिवे लावणे शुभ मानले जाते. वास्तूनुसार घराच्या वायव्य कोपऱ्यात पांढरा दिवा लावावा.
वास्तूनुसार घरात पुरेशा प्रमाणात प्रकाश असावा. प्रकाशाचा अभाव प्रगतीत अडथळा आणतो आणि घरात तणाव निर्माण होतो.
वास्तूनुसार घरातील देव्हाऱ्यात रंगीत दिवे लावता येतात. घराच्या आतील इतर भागांमध्ये ते स्थापित करू नका. असे म्हणतात की यामुळे मन अशांत राहते.
डिसेंबर महिना संबंधित बातम्या वाचण्यासाठी इथे क्लिक करा
वास्तूच्या नियमानुसार ड्रॉईंग रूममध्ये पश्चिम दिशेला दिवे लावू नयेत. तुम्ही हॉल किंवा ड्रॉईंग रूममध्ये उत्तर दिशेला दिवे लावू शकता.
घराच्या हॉलमध्ये किंवा दिवाणखान्यात कधीही पश्चिम दिशेला बल्ब लावू नयेत. ही दिशा सोडून इतर सर्व दिशांना तुम्ही बल्ब लावू शकता. हॉलमध्ये उत्तर दिशेला ट्यूबलाइट लावणे शुभ मानले जाते. असे केल्याने घरात भांडणे कमी आणि आनंद जास्त राहतो. बाथरुममध्ये कधीही दक्षिण दिशेला बल्ब लावू नयेत. यामुळे नकारात्मक ऊर्जा पसरते.
स्वयंपाकघरात बल्ब लावताना लक्षात ठेवा की तो पूर्वाभिमुख भिंतीवर लावावा. जर तुमचा किचन प्लॅटफॉर्म उत्तर दिशेला असेल तर तुम्ही तिथेही बल्ब लावू शकता. मात्र, बल्ब पूर्वाभिमुख भिंतीवर असणे अत्यंत आवश्यक आहे. येथे बल्ब लावल्याने कधीही अन्नाची कमतरता भासत नाही.
(टीपः धर्म, ज्योतिष, वास्तू, फेंगशुई इत्यादी विषयांवरील लेख बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आश्यक आहे. आमचे उद्दिष्ट फक्त वाचकांना माहिती देणे आहे. Navrashtra या तथ्यांची पुष्टी करु शकत नाही)
